誠意請求 - 台灣四日三夜自由行行程

話說小弟將會與友人前往台灣,
想問問各位板友台灣行程意見 ~

小弟會起台北上機/落機, 只有四日三夜,
而酒店都係位於台北,
但小弟想去一轉台中及高雄 (預左一日會行完呢兩個地方, 已知高鐵由台北前往高雄只需個半鐘左右) ~

航班方面, 我班機中午前會到達台北, 而會於傍晚時份離開 (兩小時前到達機場, 我諗四點半前要到) ~

唔知各位有咩高見,
如果唔計上咩廣州咁短線個 D, 我自己今次都算係第一次自由行, 唔知仲有冇咩野要注意下 ?

先謝咁多位 ~

四日3夜行台北都抆水
仲要落埋台中高雄，而且要一日來回
有啲大想頭咗
你要知道，台中站喺烏日，搭番台鐵出市中心都要4,5個字
左營站喺高雄市最北，搭高捷出市中心都要起碼3,4個字
雖然高鐵3個鐘來回台北高雄，但係根本做唔到一日來回北中高
除非你喺每個高鐵站出一出閘叫做到此一遊就話可以
你想4日3夜可以睇埋台中高雄嘅，北入南出都仲勉強
如果唔係，你留番喺台北兜一兜基隆果帶好過啦
但你如果買咗票嘅話，一係建議你，搭通宵火車落台中同高雄，爭取多啲時間
然後再尾班高鐵返台北，咁或者少少機會實行到

去埋台中同高雄
四日三夜絕對不可行...太趕了
如果只是為了試坐高鐵的話
可以係桃園機場搭巴士去高鐵桃園站，然後再坐高鐵入台北

原帖由 AVD1 於 2011-7-19 01:24 發表
話說小弟將會與友人前往台灣,
想問問各位板友台灣行程意見 ~

小弟會起台北上機/落機, 只有四日三夜,
而酒店都係位於台北,
但小弟想去一轉台中及高雄 (預左一日會行完呢兩個地方, 已知高鐵由台北前往高雄只需個半 ...

俾我個 itinerary 你之前首先想問兩樣野...
第一, 你 (或者你既朋友) 去過台北未?
第二, 你地打算o係台北做甚麼?

我咁問, 係因為台北其實都好大
如果你或者你 d 朋友未去過台北, 又或者想去台北睇紀念館/博物館, 同埋要去九份/野柳呢 d 比較遠既地方既話, 你根本上四天都未必夠用, 莫講話再要去埋台中高雄喇...


以下係我個 itinerary, 可以俾你參考一下
小弟同家人今年復活節去左台北四天遊, 由於家父未曾到過台灣, 所以第一次去台北既景點 (即九份, 野柳, 國父紀念館, 101 大樓等等) 通通都要去, 而小弟則想去遊平溪線, 結果就做左以下呢個 itinerary 出來

Day 1
香港 > 台北機場 (BR892) > 搭飛狗出市區 > 到酒店放行李及午膳 (酒店位於西門站) > 淡水 > 士林夜市 (晚飯) > 西門 > 酒店

Day 2
酒店 > 台北車站 > 搭台鐵落基隆 > 搭巴士落野柳 > 野柳風景區 > 午膳 > 搭巴士返回基隆 > 轉巴士去九份 > 遊覽九份 > 搭巴士返基隆 > 廟口夜市 (晚飯) > 搭台鐵到松山車站 > 饒河街夜市 (宵夜) > 酒店

Day 3
酒店 > 台北車站 > 搭台鐵到八堵 > 轉平溪線火車到十分 > 十分老街/十分瀑布 > 午膳 > 平溪線火車到青桐 (因趕時間, 最後決定只作約十數分鐘停留) > 平溪線火車到八堵 > 搭台鐵及捷運到國父紀念館 > 觀看軍人換班儀式 > 忠孝東路 > 晚飯 > 101 大樓 > 酒店

Day 4
酒店 > 買手信 (如八仙果等等) > 西門 (午膳) > 返回酒店取行李 > 台北車站 > 乘國光到機場 > 香港 (BR871)



你可以參考一下, 如果你真係要去台中及/或高雄, 可以試下將我 Day 3 既行程換左做你要去既地方, 看看是否可行
不過老實講句, 無謂夾硬將大量行程塞晒落四日行程度 (咁樣一來辛苦, 二來行程太密既話每一站就只會有如走馬看花), 寧願留返 d 行程下次再去好過啦...


仲有, 要記住呢個只係一個 plan, 過到去好多時都要隨時執行程 (老實講, 上面個行程都唔完全係我當初 plan 既版本), 有時於某些地方 hea 耐左, 就要適當地 fine tune 一下...

先多謝各位意見先, 因為我見有部份旅行社辦 o既團四日都做到台北高達 (當然佢地係不走回頭路), 但係因為我地考慮過有部份地方我地係唔會去, 如國家博物館, 國父紀念館同埋旅行社指定 o既鋪頭我地都可以起佢地想 list 都 skip 走, 所以先想問問各位有何意見 ~

原帖由 DR1666 於 2011-7-19 23:16 發表



俾我個 itinerary 你之前首先想問兩樣野...
第一, 你 (或者你既朋友) 去過台北未?
第二, 你地打算o係台北做甚麼?

我咁問, 係因為台北其實都好大
如果你或者你 d 朋友未去過台北, 又或者想去台北睇紀念館/博物館, ...

回應第一點 - 我地三人行, 兩個未去過, 一個已經去過的了
第二點 - 由於有兩個人冇去過 o既關係, 當然係當去旅行咁去 - 如夜市掃街等等. 另外聽人地講就係台灣買野比香港會平 d, 所以都想去台灣掃貨 (多數都係服裝多) ~

唔知會唔會有咩特別推介 ? (101 我就肯定會去) ~

THX Again

原帖由 OTIS401 於 2011-7-19 15:20 發表
去埋台中同高雄
四日三夜絕對不可行...太趕了
如果只是為了試坐高鐵的話
可以係桃園機場搭巴士去高鐵桃園站，然後再坐高鐵入台北

去台中高雄係因為我地三個人入面有兩個人係未去過台灣 o既, 另外個個之前就已經去過, 但係佢係冇去過台中/南. 所以今次難得一去, 想過埋去睇下 (實情我自己都唔係好清楚台中/台南最值得去係去邊度, 只不過都係今次咁岩去得台灣, 就算去埋咁解而已), 如果真係冇可能 / 太趕的話, 我諗呢個計劃已經可以擱置 ~

至於高鐵呢個問題, 反而唔係重點,
因為去台北市個程我地已經有飛狗巴士票 (回程個程都可以考慮下, 不過相信當時一袋二袋 o既時候, 我諗我地會選擇下台北市中心直達機場 o既旅遊大巴) ~

原帖由 AVD1 於 2011-7-20 00:51 發表
去台中高雄係因為我地三個人入面有兩個人係未去過台灣 o既, 另外個個之前就已經去過, 但係佢係冇去過台中/南. 所以今次難得一去, 想過埋去睇下 (實情我自己都唔係好清楚台中/台南最值得去係去邊度, 只不過都係今次咁岩去得台灣, 就算去埋咁解而已), 如果真係冇可能 / 太趕的話, 我諗呢個計劃已經可以擱置 ~

至於高鐵呢個問題, 反而唔係重點,
因為去台北市個程我地已經有飛狗巴士票 (回程個程都可以考慮下, 不過相信當時一袋二袋 o既時候, 我諗我地會選擇下台北市中心直達機場 o既旅遊大巴) ~

其實你想去台中+高雄定台中+台南？
但係4日3夜行程要去晒北中高三個地方真係唔太可能
而且台中高雄值得去嘅地方，係左轉右轉，時間浪費好多
真係除非你地學旅行社咁北入南出，咁就可以順道行番台中高雄

未去過台灣嘅話，第一次留番喺台北玩下
到第時有時間先再去其他台灣地方探險啦

原帖由 AVD1 於 2011-7-20 00:51 發表

去台中高雄係因為我地三個人入面有兩個人係未去過台灣 o既, 另外個個之前就已經去過, 但係佢係冇去過台中/南. 所以今次難得一去, 想過埋去睇下 (實情我自己都唔係好清楚台中/台南最值得去係去邊度, 只不過都係今次咁岩去得台灣, 就算去埋咁解而已), 如果真係冇可能 / 太趕的話, 我諗呢個計劃已經可以擱置 ~

至於高鐵呢個問題, 反而唔係重點,
因為去台北市個程我地已經有飛狗巴士票 (回程個程都可以考慮下, 不過相信當時一袋二袋 o既時候, 我諗我地會選擇下台北市中心直達機場 o既旅遊大巴) ~

如果你地唔係一定要去台中/台南既話, 咁我諗你地都係留晒四日o係台北好 d...

另外, 我今次去台北都係坐飛狗出市區, 但我就發現佢所謂既 "直達各大酒店" 原來係先用飛狗由機場車晒所有乘客去某一處 (我上次個位置係花博會場某個入口停車場), 再轉返普通旅遊巴 (姑且叫佢旅遊巴吧, 佢實情係一部單層巴士黎, 但就要兩架飛狗乘客迫埋一架) 帶你遊盡市內各大酒店
因此, 我上次由機場出酒店用左足足兩個鐘有多.... 正因為咁, 如果有得揀, 我建議你都係坐返國光好 d


至於你話買平衫, 饒河夜市附近有個叫五分埔的地方, 做成衣批發的
你如果有興趣可以去睇下 (不過我未去過)
至於其他地方 (例如位處忠孝東路兩旁橫街 o個 d 服裝店), 就應該唔會平得去邊喇...

原帖由 DR1666 於 2011-7-20 02:00 發表



如果你地唔係一定要去台中/台南既話, 咁我諗你地都係留晒四日o係台北好 d...

另外, 我今次去台北都係坐飛狗出市區, 但我就發現佢所謂既 "直達各大酒店" 原來係先用飛狗由機場車晒所有乘客去某一處 (我上次個位置 ...

其實我指買衫個部份係想買返小小有牌子 o既,
同埋我朋友都想買返 d accessories (手錶等)
唔知有冇 d 大 mall 好介紹 ?

飛狗係因為我買 package 包埋的 ~