係時候檢討何達文先生嘅薪酬同福利

據資料顯示，載通何達文先生嘅薪酬福利總金額，過往幾年都有雙位數字升幅，加幅遠超九巴前線員工。但據何先生自己講，九巴近年經營不善，佢自己都無能為力，既然如此，點解佢過往幾年仲可以年年加人工分幾百萬花紅？

我認為九巴巴要開源節流，何先生應該身先士卒，停收花紅直至九巴業績有所改善為止，否則一方面呻窮問政府要錢，另一方面自己就高薪厚職真係講唔過去。

另外，何先生好似有公司私家車福利，其實作為九巴員工，何先生本身已經有免費乘車優惠，唔明點解九巴仲要浪費金錢幫佢養私家車。何先生如果日日坐九巴番工放工，一方面可以充分體驗九巴優質服務，另一方面又可以巡視業務增加對自己盤生意了解。私家車係導致巴士脫班主要元兇，何先生日日坐私家車番工分明同九巴過唔去。

如果我搵幾十萬一個月，仲日日同你迫巴士，我彩你都傻啦
正如之前港鐵加價，有人同港鐵主席點解唔搭下港鐵體驗下民間疾病。你估佢搵十幾皮野一個月，會唔會同你傻？

你話叫何生出黎渣下巴士，體驗員工之苦好過啦…叫佢搭巴士…

之前陳生在職都唔係成日搭啦

[ 本帖最後由 he3543 於 2011-7-20 14:46 編輯 ]

原帖由 he3543 於 2011-7-20 14:45 發表
如果我搵幾十萬一個月，仲日日同你迫巴士，我彩你都傻啦
正如之前港鐵加價，有人同港鐵主席點解唔搭下港鐵體驗下民間疾病。你估佢搵十幾皮野一個月，會唔會同你傻？

你話叫何生出黎渣下巴士，體驗員工之苦好過啦…叫佢搭巴士 ...

以前陳生都會搭巴士的, 但似乎真係沒見過何達文搭自己公司的巴士.
(唔知以前陳生搭新城係晒証定俾錢呢......)

原帖由 he3543 於 2011-7-20 02:45 PM 發表
如果我搵幾十萬一個月，仲日日同你迫巴士，我彩你都傻啦
正如之前港鐵加價，有人同港鐵主席點解唔搭下港鐵體驗下民間疾病。你估佢搵十幾皮野一個月，會唔會同你傻？

你話叫何生出黎渣下巴士，體驗員工之苦好過啦…叫佢搭巴士 ...

搭都唔會, 仲點會坐上司機位?
嗌佢坐司機位影張做馬相都未必得啦

原帖由 cktse 於 2011-7-20 17:37 發表
搭都唔會, 仲點會坐上司機位?
嗌佢坐司機位影張做馬相都未必得啦

何生落區巡視站頭?
佢帶多多阿媽去都唔夠俾司機問候!

九巴點解唔諗下做多D真正的快線去同人地競爭呢?

如果佢識諗就唔會攪到咁既田地

80-90年代 - 九巴以量為目標
90-00年代 - 九巴以質為目標
00-10年代 - 九巴以潮為目標
10年代以後 - 九巴以財為目標

原帖由 gordon 於 2011-7-20 16:34 發表
以前陳生都會搭巴士的, 但似乎真係沒見過何達文搭自己公司的巴士.
(唔知以前陳生搭新城係晒証定俾錢呢......)

一間巴士公司嘅服務，如果連自己老闆都吸引唔到去使用的話，咁仲點說服市民去使用？

你睇田北臣大把錢，照計佢應該日日著意大利或法國靚料名牌西裝同恤衫，但事實上佢著得最多嘅係自家品牌Made in China嘅G2000。

間公司連自己老闆都唔撐，又點好意思開口叫乘客同政府撐？

其實對比其他本地大型上市公司，
何生既薪酬福利，係已經屬於「好奀」。

田二少會著自己品牌衫，
但你又幾時聽過田二少搭九鐵。

[ 本帖最後由 3ASV174 於 2011-7-21 00:53 編輯 ]