[多圖注意] 2008德國行(相在#1,6,9,10,14,15,19)

一次過看到了好多唔同的德國火車,大開眼界,
多謝樓主先  

DB的火車我只係搭過3~4次(未搭過S-bahn同ICE )
給我的印象係架火車不論新舊,都好鬼乾淨企理,感覺良好,
(SBB同OBB都係,反而SNCF同Ftrenitalia車箱可以殘得好恐怖 )



*Karlsruhe架tram-train特別引起我的興趣,
睇佢唔出,細細架Tram上到MainLine可以行100km/h,
如果香港ge輕鐵都可以上西鐵跑就正嚕 (<其實有潛質)

[ 本帖最後由 93A_S3_6:30am 於 2011-7-25 13:20 編輯 ]

見到 DIH 兄精采既文章，小弟都搵返 d 舊年去德國科隆交流期間影既相
























臨走之前適逢博物館開放，我跟讀汽車工程既鄰居一同參觀







最後一張車廠外拍攝既相，背後既大廈就係小弟住既地方 (Junkersdorf)

#11：
當時我搭緊架雙層RE在幹線飛馳，
見到旁邊軌道規格一樣的路線竟然有電車模樣的車在行走，
已經覺得不尋常，去到Karlsruhe-Durlach轉車時有時間到站外逛逛，
路面上的電車也是和主線那些一樣，那還未意識到tram-train這回事；
到了拍片時，原本只係諗住拍「一架到站列車」，
沒想到竟然走出一架「路面電車」停在我要等「幹線列車」的月台上，
內心實在嘖嘖稱奇，不過同行的友人唔會有感覺的。

這次去完德國，不止鐵路，很多方面都烙印了「why not」在我的腦海中。

#12：
由於時間關係及唔識路，沒有細味科隆電車，多謝你的分享。

第五部　法國小探 (47p)

由前兩年曾經去過的labmate帶住，我地在夏至當天去了法國一趟。

影片連結，建議睇完相後觀看：http://www.youtube.com/watch?v=QsCrpRDzQEM

先講買票，這次的車程是Heidelberg往Strasbourg，
在德國境內最後一個車站係Kehl，這段路都在Baden-Württemburg內，
所以德鐵一段只需買邦票，以及買Kehl到Strasbourg這一小段的短程票，每人€4.20。
至少這是去過那位人兄的經驗。

原本想在海德堡車站買過境車票，排了好一陣子之後終於輪到我地，
但那個男櫃檯職員唔明我地的想法，要求我地買由唔知邊個大站出發的車票，
支出大大增加，我同學明知係唔需要咁做，但時間緊迫唔同佢拗，
只係在櫃檯買張邦票就出發，去到Karlsruhe再作打算。

07:48-08:32   S3         Heidelberg Hbf - Karlsruhe Hbf
09:10-09:50   IRE 4705   Karlsruhe Hbf - Appenweier
10:10-10:34   OSB 87422  Appenweier - Strasbourg

起程又是425系，五次離開海德堡，四次是搭S-Bahn。


到Karlsruhe轉車，這裡可以搭車去瑞士Basel，已經很有出國的感覺。
本站的小胖胖女櫃檯服務員態度好得多了，佢主動提出只須買Kehl至Strasbourg的短途票，好快搞掂。


很有霸氣的站牌


轉雙層IRE到Appenweier轉乘過境列車。


站牌。西歐地區，以至台灣及大陸，甚至合併前的九鐵新線，都在用相似的站牌。


自由連絡通路。主線是直線，過境列車停在轉彎中的月台。


駅周辺。你能相信這是轉乘過境列車的車站嗎？


由2號月台一下子跳到9號月台。


終於到了國際列車候車月台。


這個時候還可以買票。


望向德國


望向法國，我沒有移動過，月台就是這樣大了，
雙層大列有很多週末過境客，也有一些單車客，
看到這個情況，我跟同學打趣說會不會來一輛巴士？


結果......


諗唔到過萊茵河會好似過深圳河咁，也估唔到過境服務係由「私鐵」做。
這種情況我相信查票員也不上車了，不過一板一眼的德國人應該會照查的。


離開德國最後一站Kehl，跨河進入法國，神根公約國，中途不設關卡。


Strasbourg到著！卑賤的私鐵不能使用SNCF的有棚月台。


風格截然不同的站牌。


史特拉斯堡站被一隻玻璃蛋包住，內裡仍然係舊建築。


難道這是法國人的建築美學？
大堂空間係多了，又有空調，但舊建築就在視線中泡沫化了。


Strasbourg路面電車，遠睇好似好靚，近睇，是一舊硬膠。
佢個頭幅應該係玻璃纖維造，近睇好多刮痕，成架車輕飄飄。
本人的確是描述車體使用塑膠，不是粗口諧音。


部分市內景色，有運河～


有童話故事般的舊城～


環境相當不錯


值得花多一點OT篇幅


與硬膠電車說再見，我們要去下一站了～


13:53-14:22   RE 96230  Strasbourg - Colmar (by TER)

之前出站觀光前先買了去Colmar的車票，
前面有兩三個人排隊，本應好快，但法國人一來慢條斯理，
二來很有「人情味」，印好車票交好錢之後還要和顧客閒話家常，
本來可以5分鐘到我地變成15分鐘。

這程車，車程半小時，成人單程要€10.20，我細過25歲就收€7.70，
港紙一百銀搭半個鐘普通車，在歐洲搭車如果無用pass真係搶錢。

TER列車


目的地一樣係瑞士Basel，法文名唔同。


車內，座椅比德國的硬椅軟熟，但較為陳舊。


一過國境便國情不同，列車延遲了三數分鐘，
但之後就用「推背圖」來運行，同一條線上有TGV，
在這段路我諗大家車速不相伯仲，在影片中可以睇到飛站情況。


轉眼間便到了60多公里外的Colmar，如果搭香港火車也有這種服務就好了。


列車繼續往瑞士進發～


Colmar據稱擁有更多Strasbourg那種樓，環境更靚。


這不是火車。


睇下市內，嗯......返到香港後我地叫之後去的人只需在Strasbourg留更多時間。


六點幾返到車站。


18:56有班車去Strasbourg，retard 10min即係延誤十分鐘，
我地班車係19:00，無話retard，後車變前車。


19:00-19:33   RE 96256  Colmar - Strasbourg (by TER)
20:23-20:45   RE 31967  Strasbourg - Appenweier (by TER)
21:07-21:48   RE 4722   Appenweier - Karlsruhe Hbf
22:28-23:10   S1        Karlsruhe Hbf - Heidelberg Hbf

對面有瑞士國鐵車輛。


我地部車來了～


返到Strasbourg，新舊建築的關係是咁的。


這次過境客運由法國TER派車，同朝早一樣，
只係一節的railbus，在片中可以見到併結作業。


車內，法國設計比較著重格調。


等開車，旅客無朝早咁集中。
結果在這程車有查票，女查票員查著一個真係無買票的人，
議論一輪之後始終都係要開罰單，完成手續之後列車快將到站，
查票員只係望住我地笑一笑就走了。


TGV條底褲～


回到德國，對面又來一列南行雙層車，短片中有停車及開車情況。


我地要等車22分鐘，時間已經係九點幾，
對面又有一列OSB進站，朝早的過境列車就是這個規模。


由於德法兩國鐵路供電系統不同，短途過境列車不論何方派車，都是柴油車。
係有長途列車於Appenweier轉過去法國，可能係多頻多電壓機車。


在Karlsruhe等車40分鐘，車站通道有一個鐵路模型。


夏至的夜晚，23:00天才完全黑齊，整天天氣也很好，是不錯的收穫。

多謝欣賞及耐心下載圖片。

[ 本帖最後由 DIH 於 2011-7-28 23:23 編輯 ]

生活還是要繼續。

第六部　慕尼黑 (39p)

這是兩部曲的其中之一，我地主要行程其實係去新天鵝堡，
但由海德堡搭慢車去新天鵝堡要好耐，不能一日內完成，
所以必須先到慕尼黑住一晚，翌日再向西經過新天鵝堡後回程。

之前我在Metzingen買衫要改，所以在去慕尼黑時順道去Metzingen拿衫，
因此並非由海德堡往慕尼黑的最直接路線。

07:07-07:45   S3         Heidelberg Hbf - Karlsruhe-Durlach
08:09-08:58   IRE 4903   Karlsruhe-Durlach - Stuttgart Hbf
09:22-10:04   RE 22017   Stuttgart Hbf - Metzingen (Württ)

又係佢


原來佢都係共用底褲


重臨斯圖加特。


重遊Metzingen。


11:55-12:17   RE 22028   Metzingen (Württ) - Plochingen
12:51-13:47   RE 4931    Plochingen - Ulm Hbf
14:12-16:03   RE 4173    Ulm Hbf - München Hbf

旋風式訪問完Metzingen之後，繼續向慕尼黑進發。


143系牽引RE 22028。


到Plochingen再轉車。


在本站有長達25分鐘等車時間，站外又沒有甚麼，只好留在月台。
這是停在月台盡頭的列車，休息中。


Plochingen是幹線交匯處，規模不小。


可是和整個西歐的鐵路系統一樣，德國的鐵路同樣不能再大幹快上。


在德國多個鐵路站，月台除數字外再加英文字母，
這樣便可縮短編組（包括純粹減卡或用雙層車）而同時容納更多車在站內。
這也是鐵路邁向現代化的生存策略，火車停站由少量大列長時間停留，
變成好似巴士般，班次密集的短車短時間停留，因為人們已不會為了一班車等一整天。


如圖所示，本站已被冰冷地跨越。


幸好傳統鐵路在德語區的發展也不差。


這程車由Plochingen往Ulm，56分鐘車程說長不長說短不短，
亦跨過了萊茵河及多瑙河的流域，即跨過了北海和地中海的分水嶺。
因此，此段路程中間係爬山，未至於係展綫，不過就好多彎同好斜，
列車要龜速而行，中間也沒有甚麼發展。


這是途中某處見到的舊車保存處。


都不知道是甚麼地方，好像是個私鐵。


某車卡


到達Ulm，正式進入多瑙河流域。
Ulm城位處Baden-Württemberg及Bayern（德文名：拜仁慕尼黑的拜仁）／
Bavaria（英文名：巴伐利亞）的州界，Ulm Hbf仍然位於Baden-Württemberg州內；
城中間由多瑙河分隔，過河到拜仁州後，另有一個Neu Ulm站。

圖為站外電車。
不設閘區就有這個好處，轉車時間隨時可以走出去逛逛。


Ulm是一個大站。


又上車了，旁邊有一小調機。


跨越某慢車。


三叉道岔？


雙層車廂內部


差不多兩個多小時的車程，窗外風景也差不多，即使喜歡鐵路都覺得頗為沉悶。
見到這個站名，精神為之一振。


此後在Augsburg附近的一段，正在複複線化／鋪建高速軌道。


這裡開始有一些未完工的。


由海德堡出發後九小時，終於到慕尼黑了！


車站很有氣勢


市內觀光，Frauenkirche聖母大教堂。


Marienplatz瑪利亞廣場。


唔記得叫乜名。


這座建築物有重要意義，廣場附近，其實只有它是原裝建築，
其他大部分舊城區都在二戰中被炸毀，戰後憑著少量油畫、
模糊的照片和居民口述，將舊建築重現眼前，而且也只是最近的事。


在德國城市，電車就如7-11 ，梗有一部在左近。


漫無目的地遊蕩，這個應該是Theatinorhof大劇院。


走進了一個公園，這是拜仁州州政府。


這個公園就叫做Hofgarten，面積大約等於慕尼黑火車站的有蓋部分。


沿著電車路再探索一下。


這個地方叫Maxmonument，電車在此除略為轉彎繞過雕像外，亦有一個大迴環。
而家睇Google Maps先知這裡距離hostel大約有3.6公里，之前係行路出來的，
來到這裡完全不知身在何方，唯有再食一次霸王餐了。


返到hostel，這是對面。


我地住的hostel。


初時以為男女分房，結果夜晚見到兩個韓國女仔同我地同房，
原來佢地係中學畢業前旅行，兩個女仔去了好多地方。
我同佢地好多話題，李英愛、大長今、崔智友、成龍......我的大陸同學就呆坐一旁搭唔到嘴。
好彩我跟得阿媽睇韓劇多。

第二日，向新天鵝堡出發！

[ 本帖最後由 DIH 於 2011-7-30 23:47 編輯 ]

I stayed at the same hostel as you did in 2007. There is a station called Hackerbrucke near by and it was a great spot taking train photos!

之前去柏林, 只係東德範圍有輕鐵..

#16：
間旅館的環境唔錯，不過我就無時間去捕車了。

#17：
我就無去過柏林，當時有諗過去，但路途太遠，結果都係無法成行。
有機會都想去睇下。

第七部　新天鵝堡 (44p)

終於來到本系列最後一站！

影片，請於睇完相後觀看：http://www.youtube.com/watch?v=di2jTEErLfY

起程
06:51-07:52   ALX 86206  München Hbf - Kaufbeuren
07:59-08:56   RE 32622   Kaufbeuren - Füssen (Diesel)
09:15-09:23   Bus 78     Bahnhof, Füssen - Hohenschwangau

晨早流流懵懵地，見到架Arriva係咁影。


對面月台都係，ALX車次由此而來。


影完相先發現原來對面架車先係我地要搭的車，即刻兜去後面衝上車。


與ICE一齊出站。


第一次搭到包廂型車廂。


我諗這車卡在風光年代是「指定席」來的。


同房尚有一對老夫婦，這車其實係自由席，搵到位就坐入來了。Shhh~~


這程車我地要搭一個鐘，出了慕尼黑市不久就見到阿爾卑斯山的雪峰逐漸靠近。


手動開門，但係又識得開車自己閂門架喎。


進入郊區，全部都是「兔耳」機車的天下。


這程車都係差唔多一個鐘，唔係太多人。


經典，極喜歡，這照片現在仍然是我辦公室的桌面背景。


整列車只有四卡，基本上可以肯定全都是去新天鵝堡的乘客。
這段路只有這種車行走，話之你之前搭ICE，來到「天子」腳下都要受個下馬威。


XP指定背景？


阿爾卑斯山越來越近了！


到了距離新天鵝堡最近的火車站。


兩軌，只有一軌經常使用。


好～靚～呀～


影了門面之後入內參觀，裡面唔準影相。
之後行一小段路去鐵橋影全景，睇過其他朋友及板友的貼圖，
似乎只有我去的當天天氣最好～


遊完堡，落返去Alpsee。
湖水無比清澈，有小魚，有小朋友，這裡距離奧地利只有1.6公里。


走了
14:45-14:56   Bus 9651   Hohenschwangau - Bahnhof, Füssen
15:07-16:18   RE 32615   Füssen - Buchloe (Diesel)
16:43-17:22   RE 32684   Buchloe - Memmingen (Diesel)
17:31-17:58   RE 3940    Memmingen - Ulm Hbf (DMU)
18:10-20:32   RE 4944    Ulm Hbf - Heilbronn Hbf
20:59-22:08   RE 4816    Heilbronn Hbf - Heidelberg Hbf
（七個幾鐘車程）

返到富森站。


近拍路軌。


再近一點。


兔耳機車又來了，正正就係來時的那車。


回望新天鵝堡，佢本身已經在山上，但在阿爾卑斯山面前，又是多麼渺小。


牛～


查票員下車，請小心列車與月台間之空隙。


轉車了，218拜拜～


遠鏡，天真係好靚～


轉車都係柴油車，我地坐在cab car。


都唔太落後架～


殘殘地都行到140。


停站時影的。


這列車其實都係一機拖四卡。


第三程火車係DMU，返去Ulm。


DMU設備較好，但沒有全開式車窗，好焗。


第四程車，終於回到電化世界。


Heilbronn是Karlsruhe tram-train的服務範圍。


其實，佢係一部S-Bahn。


好長。


返到月台，調機作業。調機的車輪係用橫軸連埋的。


然後來一列平板車。


第五程火車，終於回家在望。


天黑前影多次小調機。


貼相完，多謝欣賞。

[ 本帖最後由 DIH 於 2011-8-2 12:46 編輯 ]

最後來一點遊後感。

這次去德國完全是好運，實驗室派我去交流，搭火車遊覽只係配菜，
但這肯定是我一生難忘的假期。在那邊，即使返lab都好似放假咁，
當地的labmates朝九晚五，有些更會有少少遲到早退，星期五四點幾已經無晒人，
我地有時做到六點幾，在香港嫌早，在德國已經係最後走要鎖門了。
這令我體會到，做牛做馬做到隻狗又如何？人地優哉悠哉一樣可以出paper。
人生是自己的，世界有很多可能性，有很多新奇事等待我去體驗，有機會一定要多出去增廣見聞。

講返鐵路，在德國搭第一次鐵路，已經完全明白這個國家為什麼會和東洋的日本拉埋一齊做軸心國。
他們的民族性基本一致，高度要求紀律、乾淨整齊、一絲不苟，
當這種高要求發展超越理性，就會想將所有不合心意的人或事都剷除，換上自己的一套。
一直以來我都覺得「意大利墨汁麵」是「和稀泥」的，事實亦是最早敗陣。

分別是，日本在戰後銳意把不光彩的歷史掩埋或忘記；
相反，德國用了「復原舊城」這一招，不用說甚麼，一眼已看出戰爭的禍害。
他們沒有埋怨炸城的人，戰爭是自己挑起的，結果家園被毀，
也是要自己一手一腳去重建，造得幾似都好，痕跡永在。
越光鮮的復古建築，拼合越古老的真正舊磚瓦，
那道如刀疤的分界線，就是歷史的見證，永遠不會褪色。

在德國搭鐵路基本上是和在日本一樣放心，列車一樣係punctuate to the minute，
即使容易受路面交通情況影響的電車都有一時一分的時刻表貼在站內。
搭車完全唔使擔心delay，即使有延誤，德國比日本做得更好：
我遇過不止一次，顯示屏話延誤15分鐘，到14分半都不覺有動靜，14分50秒列車就進站。
在日本，有次在松本站等Wideview Shinano，班車誤點，但真係來到時都比宣稱時間略遲。
這個情況到過法國之後尤其明顯，那邊TGV都未必準時，我地搭RE都比指定時間停多三數分鐘才出發；
相反，一回到德國，唔理S-Bahn定RE定ICE都一定準時，對比實在太大了。

總括而言，在德國自由行，鐵路是極吸引的選擇，班次多、路線多、大致乾淨（廁所難講），
Pass種類多、適用範圍廣，基本上每一個小鎮都是童話故事走出來般純樸漂亮，
如果我有錢去多次歐遊，我都一定會在德語區逗留最長時間。

歡迎討論。

[ 本帖最後由 DIH 於 2011-8-2 12:50 編輯 ]