慳得一蚊得一蚊

呢度有不少已投入社會工作的交通迷,日常生活開支都要自己付,還要俾家用,搵少個錢都唔掂! 因此,本人想分享自己一些慳錢方法,大家都可以分享一下平時如
何慳錢.

一) 由於家中近地鐵站,加上趕時間,所以無暇行去拍2蚊卡,但係我來回中環要十一個幾一程,來回要廿幾蚊,好貴,所以我放工後,一定會行上荷李活道拍2蚊卡,
返5日就慳左十蚊.
二) 而家地鐵搭100送一,所以我於星期一至五盡量搭夠100蚊地鐵(基本上,只要返放工唔搭巴士,就一定過100),然後星期五放工搭完地鐵後就換免費票.免費票專
門用來搭地鐵去東涌游水之用.
三) 平時上班都會拿免費報紙,有美心快餐3蚊現金票,於是我拿多幾份,剪多幾張3蚊票,所以中午食飯可以平3蚊.
四) 由於我公司容許員工CLAIM見客既的士錢,所以我見客一定會搭的士,因為可以問公司全數CLAIM番.不過,如果不是見客,就不想浪費公司資源,所以我會搭
電車,一程2.3,雖然熱D,但係慳唔少.

大家平時又點慳呢?

唔坐車改做行路，九龍塘站某兩條小巴線咁鬼短都收 $3.9，行十分鐘算…
樂富有免費車坐，夾到時間都坐
好鐘意飲凍飲，但係食飯飲熱飲算，慳三蚊

我响觀塘返工，美心都算幾貴……當然相比其他兩間平…
呢區最平連凍飲（凍熱同價）都係 $23

原帖由 bananasims 於 2011-7-23 23:10 發表
唔坐車改做行路，九龍塘站某兩條小巴線咁鬼短都收 $3.9，行十分鐘算…
樂富有免費車坐，夾到時間都坐
好鐘意飲凍飲，但係食飯飲熱飲算，慳三蚊

我响觀塘返工，美心都算幾貴……當然相比其他兩間平…
呢區最平連凍飲（凍熱同 ...

我相信打工仔黎講最慳既莫過於帶飯(有能力的)
不過有D 同事更誇張
中午/ 夜晚放飯時用睡覺代替, 完全唔食野(當然唔鼓吹)

最衰我間公司無微波爐，唔係我都帶飯

原帖由 FBI2 於 2011-7-23 18:20 發表
三) 平時上班都會拿免費報紙,有美心快餐3蚊現金票,於是我拿多幾份,剪多幾張3蚊票,所以中午食飯可以平3蚊..

入大家樂會啦

一個禮拜食五餐 ($18 或以上早午茶晚)  總共送你十八蚊呀  


係咪抵過美記呢

1. 可行的情況下，步往分段點上車，或下一個收費階前落車，再步往目的地。
例如太子步往欽洲街搭33A；荃灣往油麻地，會在旺角站落車，再步往油麻地。

2. 儘量往小店購物，大多數情況下較便宜，食物質素一般而言比超市更佳。

搭車:
返工 (荃威>灣仔): 如果有 30X 熱狗開早(即早過 8:00am 開), 會搭 30X 熱狗 ($5.8) 到
九龍中央郵局下車, 再行過去尖碼轉船; 否則會行去海灣花園搭 238X ($7.3) 去中港碼頭再行去尖碼轉船
放工 (灣仔>荃威): 坐船去尖碼, 再步行至九龍中央郵局轉 30X ($8.1)
灣仔辦公室(駱克道市政大廈)<>大會堂: 步行約 15 - 20 分鐘 (比搭巴士仲快).

午膳: 除非約了同事, 否則盡可能帶飯 (其實是幾塊有餡既方包)

食 :
1. 帶飯/在家煮食
2. 唔食午餐, 改食下午茶

行
3. 用步行代替坐車/ 夾時間坐熱狗
4. 去一些不用收費的場所娛樂
5. 減少去一些非必要前往的偏遠的地區 (eg. 屯門)
6. 善用轉乘優惠去完成短途來回的行程

衣, 行
7. 買一些比較易配搭的衣服
8. 減少閒逛行商場 [要買必須品就例外]

[ 本帖最後由 12A 於 2011-7-24 16:34 編輯 ]

原帖由 12A 於 2011-7-24 16:33 發表
我的省錢之道

食 :
1. 帶飯/在家煮食
2. 唔食午餐, 改食下午茶

行
3. 用步行代替坐車/ 夾時間坐熱狗
4. 去一些不用收費的場所娛樂
5. 減少去一些非必要前往的偏遠的地區 (eg. 屯門)
6. 善用轉乘優惠去完成短途來回的行程

衣, 行
7. 買一些比較易配搭的衣服
8. 減少閒逛行商場 [要買必須品就例外]

行商場原來要付錢的嗎?



[ 本帖最後由 3357。KS8450 於 2011-7-24 22:03 編輯 ]

我最初返工時曾經因為以前成日帶飯，想重新開始所以唔帶飯，
但食了一年，幾好食的飯堂都食厭，又肥，都係自家帶飯。
開支本身已在家用裡面，以中大一餐約$25計，一個月慳返$500。
通脹之下，中大飯堂的價錢不比外邊低，而食品質素有時真係會懷疑做乜要咁作賤自己。

交通就真係無得點慳，冬天可以放工去搭272S（一個月都唔慳到好多），
但熱天我真係唔想行半個鐘上斜落斜去搭車，熱病睇醫生重慘。

在家中減少無謂的電器使用，夜晚洗完碗後熄廚房燈廁所燈，
我身體唔熱得，冷氣就唔慳喇。

精明選擇電訊服務，我而家手提$36家居$88上網$110，總共$234，
我同同事提及過，佢地話我竟然可以用得咁少，佢地淨係一個電話plan都二百幾銀。
而我自知我這個開支已經不是最低，為了保持質素，家居與上網整合等我都費事煩無做到。

我目前沒有甚麼財政壓力，本身也不是喜歡行街消費的人，
一年睇戲最多兩三次，電話、衣履唔係用到壞用到爛都唔會買新，
減少外膳的確係慳到最多開支而又對生活質素沒有太大影響的做法。