維澳蓮運各站頭向乘客派道歉信 <附圖>

原帖由 GY8940@93A 於 2011-8-4 11:22 發表

如果佢真係對E200有興趣佢唔會老早入到通街都係大陸車, 新福利亦未必得咁少Dart. 聽朋友講澳門巴士基於營運模式o既問題 (好大程度上靠政府津貼), 巴士公司買車通常以平為優先, 歐洲車一般唔係佢地首選.

有人提雙層 ...

喂喂, E200已經唔存在, 請各位先做功課.

新福利的車箱設計已經預咗流水線得性, 自從11米Dart SLF落地果陣, 所有大車的低地台區域都以企位為主, 唔喺點清新馬路啲客!

至於營運模式影響買車, 我諗未必是主因, 滙率問題, 加上買車數量少, 買歐洲車未必花算, 如果唔喺新記入成40架Dart, 都未曾有歐洲車坐.

雙層巴士問題在澳門半島的確難以實行, 正如板友所述, 流水線同站密, 行雙層唔合適. 反而行澳氹甚至澳門路環線可以考慮, 至少有班遊客唔介意上樓上.
,

原帖由 GY8940@93A 於 2011-8-4 09:41 發表

睇Macau果邊o既客量其實好多線都有用雙層車o既需要, 不過佢D街o既佈局完全滿足唔到, 又窄, 側邊又多招牌果D野, 行雙層真係好有難度...

既然新加坡又用到掛接，咁澳門用掛接又得唔得呢？

原帖由 PKD32 於 2011-8-4 12:34 發表

既然新加坡又用到掛接，咁澳門用掛接又得唔得呢？

澳門d街彎多路窄,人多車多,你再放架18米掛接落去,你係咪想塞車塞得再嚴重d,車程再慢d?
倫敦批Citaro已經有樣你睇!

外勞如非必要不會開缺口的，請唔夠人真係不是理由，因為澳門失業率真係唔低

原帖由 rickywk 於 2011-8-4 11:47 發表

但澳門失業率唔算低，請外勞根本講唔通

最弊既係呢D工種無咩人本地人肯做
或者入職要求過高搞到無人夠膽in

呢樣先係問題

原帖由 da54 於 2011-8-4 10:46 發表
澳門根本就唔夠人渣車，供求嚴重失衡底下，就算俾新福利／澳巴做都係唔夠人，
引入外勞先係長遠解決方法。 (唔好忘記，新福利／澳巴上星期仍然係唔夠人)
引入外勞亦唔代表要慳錢，因為可以透過外勞稅保障本地工人工資水平，新加坡已 ...

da54，建議你去吓各大澳門討論區睇睇，了解澳門人力資源問題。

現時兩巴人工講就係有$13000~$14000，但係，事實上，底薪連$8000都無，其他嗰$5000來源全部來係加班費同埋津貼。

點解賭場巴士可以吸引咁多司機？又唔見銀河開張話佢哋唔夠司機？原因佢地底薪高，做8個鐘已經$13000up，工作量又無公交大。

維澳蓮運請唔夠司機，佢自己要付好大責任！早幾日維澳蓮運有司機聚集，除左係話不滿編更之外，另一個投訴就係話被高層侮辱，據我所知，有一個原來係新福利嘅司機本來原本走咗去維澳蓮運做，最後竟然返番轉頭去番新福利做，就係因為喱個原因。仲有，前幾日有貨車司機打過上去澳門電台時事節目，就係話新公司人工低，唔會考慮加入。

澳門司機入外勞肯定無必要，唔可能！唔只澳門司機朋友，連澳門市民都唔會接受！

原帖由 Adams 於 2011-8-4 14:46 發表


da54，建議你去吓各大澳門討論區睇睇，了解澳門人力資源問題。

現時兩巴人工講就係有$13000~$14000，但係，事實上，底薪連$8000都無，其他嗰$5000來源全部來係加班費同埋津貼。

點解賭場巴士可以吸引咁多司機？又唔見銀河開張 ...

其實呢個真係牽涉到好多社會問題, 一來發財車各方條件真係非常吸引, 二來, 我一直都對「威記」呢間公司印象麻麻, 再加上澳門本土一D商業機構0既運作方法, 同政府0既「關係」...如果要講...真係可以一匹布咁長...有好多關乎社會問題0既連鎖反應牽涉在內...其實唔只巴士業, 係其他好多行業都係咁...

原帖由 大班神經漢 於 2011-8-4 15:03 發表


其實呢個真係牽涉到好多社會問題, 一來發財車各方條件真係非常吸引, 二來, 我一直都對「威記」呢間公司印象麻麻, 再加上澳門本土一D商業機構0既運作方法, 同政府0既「關係」...如果要講...真係可以一匹布咁長...有 ...

所以更加唔應該引入外勞。

依家澳門啲企業全部都係咁，有得入外勞，就即刻對啲本地人差。好似維澳蓮運咁，今朝有聽眾打去電台就係話，維澳蓮運唔知係唔係特登做差個服務，迫政府批准佢入外勞司機。

所以，此例絕不可開！

原帖由 Adams 於 2011-8-4 14:46 發表


da54，建議你去吓各大澳門討論區睇睇，了解澳門人力資源問題。

現時兩巴人工講就係有$13000~$14000，但係，事實上，底薪連$8000都無，其他嗰$5000來源全部來係加班費同埋津貼。

點解賭場巴士可以吸引咁多司機？又唔見銀河開張 ...

我好想知如果你係三巴 CEO，你會點樣增加司機數量？

如果用澳門整個人力市場黎睇係無意思。唔同行業的供求情況都唔同，
司機係需要有特殊技能的工種，唔同清潔工人等非技術工種。
我相信現時澳門巴士司機的失業率係接近零。

我曾經同一 d 澳門巴士司機傾過，你講的人工問題我都知道，
但係要解決問題只有加人工呢個方法。事實上聽聞維澳人工已經係三間公司最高，
連加班費高達萬七蚊，但係都係請唔夠人。你可以話叫佢底薪加高過發財車司機，
但同樣地賭場同樣會加人工去避免司機流失。最後只會惡性循環鬥加人工，而事實
上最後最先要投降的必然係三間公營巴士公司，因為佢地來自政府的收入將無辦法
應付不斷上升的工資水平。

所以解決勞動力供應不足問題只有兩個方法：
1. 政府大幅加大經營費、增加工資，從而吸引本地新人入行
2. 放寬外勞，容許聘請外地巴士司機

可惜的係，澳門人兩個方案都唔鍾意呢....

原帖由 Adams 於 2011-8-4 15:32 發表


所以更加唔應該引入外勞。

依家澳門啲企業全部都係咁，有得入外勞，就即刻對啲本地人差。好似維澳蓮運咁，今朝有聽眾打去電台就係話，維澳蓮運唔知係唔係特登做差個服務，迫政府批准佢入外勞司機。

所以，此例絕不可開！ ...

假設維澳係故意做得差，但如今可見，澳門政府根本束手無策，因為佢地深知即使懲罰維澳，收回專營權都無用，人仍然係唔夠。

[ 本帖最後由 da54 於 2011-8-4 16:04 編輯 ]

澳門政府認為巴士公司不應輸入外勞
http://www.shimindaily.net/dev/?p=68832
其實巴士服務呢樣,真係不應輸入外勞..始終安全係最重要.