維澳蓮運各站頭向乘客派道歉信 <附圖>

原帖由 Crotone 於 2011-8-4 16:38 發表
澳門政府認為巴士公司不應輸入外勞
http://www.shimindaily.net/dev/?p=68832
其實巴士服務呢樣,真係不應輸入外勞..始終安全係最重要.

新加坡一樣有外勞巴士司機，我又唔覺有乜問題。當然，當地人例牌反對。
如果信唔過大陸司機，大可以考慮招聘香港司機。

或者唔請外勞咪加人工囉，只需緊記羊毛出在羊身上.....

[ 本帖最後由 da54 於 2011-8-4 17:05 編輯 ]

原帖由 da54 於 2011-8-4 16:49 發表

新加坡一樣有外勞巴士司機，我又唔覺有乜問題。當然，當地人例牌反對。
如果信唔過大陸司機，大可以考慮招聘香港司機。

或者唔請外勞咪加人工囉，只需緊記羊毛出在羊身上..... ...

新加坡係新加坡，澳門係澳門！澳門好多窄路，交通環境唔同，好多路連澳門本地人都記唔掂，市民反對引入外地司機合情合理。

8.1開始澳門嘅巴士服務係巴士公司向政府收取服務費，原則上唔會有“羊毛出自羊身上”喱個問題。政府7年之間投入咗47億，平均每年駛6億，唔好同我講咁都叫無錢。澳門政府年幾前講過荷官、職業司機唔會輸入外勞，依家澳門市民唔單只係反對，而係監督政府要遵守自己作出過嘅承諾，如果佢依家話輸入外勞司機，等於朝令夕改，澳門市民反對有理！

原帖由 da54 於 2011-8-4 16:02 發表

我好想知如果你係三巴 CEO，你會點樣增加司機數量？

如果用澳門整個人力市場黎睇係無意思。唔同行業的供求情況都唔同，
司機係需要有特殊技能的工種，唔同清潔工人等非技術工種。
我相信現時澳門巴士司機的失業率係接近零 ...

放寬引入外勞司機，只會令巴士公司有條件壓榨本地司機，喱點全澳門人都知道。澳門政府一直有做培訓，每次培訓幾百個司機出嚟，但係點知三間巴士公司偏偏一個都請唔到，反而銀河一開張條條線都有司機？喱個又係咩道理？

說明咗澳門唔係唔夠司機，只係職場上有好多人持牌唔做司機。

幾年前未有發財車時，澳門巴士司機數目一定比而家少。點解幾年內澳門大巴司機可以倍數上升？就係因為賭場肯出高人工去吸引其他人入行，於是發財巴開完一架又一架都唔會唔夠司機。

維澳個Case都係一樣，佢肯出高人工同投入資源培訓司機，就一定可以吸引其他人入行，問題係佢無咁做。

澳門巴士服務係由政府出錢包車，叫政府用澳門市民錢去請外勞司機？個政府真係唔想撈。既然錢係由政府出，車費又由政府補貼，咁根本唔存在用高人工請司機會令車費增加呢個問題，因為車費收入根本唔會落巴士公司袋，加到十蚊一程佢都無著數。

[ 本帖最後由 PB602 於 2011-8-4 22:43 編輯 ]

原帖由 PB602 於 2011-8-4 19:36 發表
幾年前未有發財車時，澳門巴士司機數目一定比而家少。點解約年內澳門大巴司機可以倍史上升？就係因為賭場肯出高人工去吸引其他人入行，於是發財巴開完一架又一架都唔會唔夠司機。

維澳個Case都係一樣，佢肯出高人工同投入資 ...

而且仲有一個問題，喺澳門巴士迷之間都有討論，就係維澳蓮運依家完全係攤大手板問政府攞人，相比兩巴以前呢？新福利/澳巴都有自己嘅學車，自己有做培訓。

賭場係商業機構，三巴係公共事業，好難比
況且賭場出手狠就係人都知
賭場令澳門社會k型不是8月1日先出現

原帖由 da54 於 2011-8-4 16:49 發表

新加坡一樣有外勞巴士司機，我又唔覺有乜問題。當然，當地人例牌反對。
如果信唔過大陸司機，大可以考慮招聘香港司機。

或者唔請外勞咪加人工囉，只需緊記羊毛出在羊身上..... ...

道理係咁，之但係澳門人既感受都要顧及

仲有，樓上講咗，跟本司機唔夠，其實應該加人工去吸番個勞力供應
但三巴實際係公營，個經營權又係價低者得，加人工唔似得香港既巴士公司咁有咁彈性

[ 本帖最後由 HF3204@243M 於 2011-8-4 20:51 編輯 ]

咁即係話維澳計錯數，當初佢仲投到三個標段，個價夠低，但事後證明無肉食，於是貪平買村村通，又俾唔起高價去請司機。

做唔住，一係當毀約賠錢，一係俾番D大線俾其他公司做，不過只怕其他公司唔肯接。

但大家有冇唸過，銀河同埋新濠天地，都係由中澳巴士黎做，
背後係歧關。同埋我都想知，過境車係咪可以請內地人做？
如果係的話，咁就解決晒問題啦。即係那班人都係外勞。
現在好多發財車都有兩地車牌，可能就係呢個原因。

另外，維澳同埋歧關，看上去好像又有關聯。

原帖由 cx838 於 2011-8-4 21:11 發表
但大家有冇唸過，銀河同埋新濠天地，都係由中澳巴士黎做，
背後係歧關。同埋我都想知，過境車係咪可以請內地人做？
如果係的話，咁就解決晒問題啦。即係那班人都係外勞。
現在好多發財車都有兩地車牌，可能就係呢個原因。

另外，維 ...

上幾個月去珠海,一早起身去澳門影車,在拱北關口, 成批發財車...好似連內地牌都沒有的...