[轉貼]誓不向「影音使團」低頭之 導賞挪亞方舟驚世啟示2

http://www.youtube.com/watch?v=IfJ_JqCqfBI

片主：howtindog

早兩個星期前講"挪亞方舟驚世啟示2"條片俾youtube delete，相信係因為其中包括預告片o既片段。雖然可惜，不​過我相信佢已經完成歷史任務，消失前view count已達過萬，多過佢條官方片十倍有多。條片我冇留底，不​過我o既觀點已經講得夠清楚，希望大家可以同自己身邊朋友講解，​為將要睇呢齣驚世鉅片o既人作出適當指導，免佢地誤入歧途。至於​我本人，一定會影音做第一場show前，再upload條新片，​再講一次我o既論點。可惜o既係會令到我已經錄好o既"恥笑吳主​光相信聖經密碼"同埋"上帝的名字不是耶和華"，可能要延遲推出​。最後，希望影音使團了解﹕good try, but you cannot ban the truth。

由於我效率超高, 唔似某個團體, 過咗成年都仲講唔出方舟地點喺邊, "上帝名字"將會如期推出, weekend見.

同埋被影音投一投訴, 我而家只可upload 15分鐘片, 所以長片將會分兩part上, 搞到我D view count升得仲快, 真係唔係幾好意思, 多得袁文輝.

（想知更多，請自行搜尋上傳者的youtube頻道~ ）

連方舟既燈籠同月餅都有...... :L

上面位板友, 你貼佢張海報出來, 小心俾呢個使團話你侵權, 河蟹你.......

呢個機構其實已經變質, 任何見證分享已經不及方舟重要......佢利用方舟搵左幾多人錢(或者搵左幾多人笨)

我係基督徒, 但不認同呢個機構的方針.

[ 本帖最後由 gordon 於 2011-8-11 12:40 編輯 ]

利益申報：我係基督徒。
首先，我係全不同意影音使團的處理手法。
然而香港就係咁，搵幾個權威撐下腰，變忘形起來，
學者一抽秤，又拿不出證據，滿口威嚇的話，
可是這些威嚇的話竟令其他人敢怒不敢言。
最重要原因係一般基督教學者對影音使團的狀舉持觀望態度。

我覺得，要人信耶穌，首先要站在福音的重心，
上帝若要真正顯隻方舟給人看，唔會刻意叫地上某一兩個組織或人，
無緣無故走出黎話自己睇到，然後日講夜講不停講，
是炫耀自己嗎？這是不對的。
是為自己辯證嗎？若是出於上帝，祂會為你申辯。
若他們發現是真的，上帝必不將這些東西隱藏，
正如耶穌復活升天，都顯給幾百人共同看一樣。
老實，俾你搵到方舟，又有乜野用途？
上帝要啟示自己，必要叫祂自己的名在地上稱為至高，
使萬人信服。影音使團這種輸打贏要的心態，
顯到上帝祂自己麼？

回應gordon兄所言，一直該使團就算未搵到所謂方舟前，
給我的印象都係一般。不過基督教機構同市面一般的機構，
比比皆是，究竟，福音無論經過那一個途徑被傳開，
誠然係好事，使徒保羅也贊同。
故此，一個生命因整全福音下得著，比機構如何如何更重要，
雖然我也對影音使團的方舟信息感到厭煩，
然而用影音傳達福音的信息也多，經費籌措也困難，
機構本身也知道淨做見證集也不能多元化打通市場，
雖然情有可原，但也值得相榷。
我只會咁睇：佢個Marketing好差，成日翻兜，
俾Ｄ新野嘅思維又無，又唔去回應市場的需求，
同觀察口味改變，個Marketing唔炒唔得。

然而箭豬兄雖然偏激，但閣下的偏激再貼埋海報，
反而變相宣傳，影音使團理應要多謝你。

[ 本帖最後由 KC3555 於 2011-8-11 16:21 編輯 ]

利益申報：我係基督徒，以及有買佢一本雜誌的

無可否認，影音使團晌福音工作上真係好努力，呢點我諗無咩邊個會反對，
我覺得如果真係有人因為方舟而吸引到佢聽福音從而信主我亦好感恩，
使團發現既所謂方舟我個人覺得你信就信，唔信亦可，因為係真係假其實真係得使團先知，
反而我最擔心既係使團已從「敬拜上帝」走向「敬拜方舟」，甚至帶領人有錯誤既觀念先最大問題。

我反而最唔鍾意影音使團係成日都嗌救命話無錢，
但另一方面就成日將好厚既彩色宣傳品大量寄到我教會度，
仲要數量係我地教會人數一倍之多，
搞到我教會都好尷尬幫佢派又唔係唔幫又好浪費，
最後好似要教會同工打電話反映先有所改善。

再重申: 我是基督徒

外間有很多基督教或非基督教機構(包括香港, 台灣及外國的機構)已提出質疑, 究竟方舟的遺跡確定左未, 因為見呢個使團已急不及待開記招, 開收費的佈道會, 但另一方面卻找一些專家再求證找到的木標本的真偽, 如果這些專家最後證實這些木不是來自方舟, 那麼先前開的記招, 佈道會, 電影, 豈不是全是假的, 咁那些別人因為信他真的發現方舟遺跡而奉獻或者決志信主的, 又可以怎樣處理.

同埋最討厭佢近八年來都是利用方舟, 來榨取人們及教會的金錢, 令事情變得商業化, 我欣賞他們找方舟遺跡付出的努力, 但老本可以食幾多年呢, 其實除了方舟, 有很多見證也可以令人感動信主的.

27/8星期六呢個使團會在亞洲博覽館舉行電影的佈道會, 唔知到時會有幾多人出席呢.

[ 本帖最後由 gordon 於 2011-8-13 13:05 編輯 ]

原來係主內弟兄的揮手區，而我自己都係。

坦白講，我信主後不久有好多來自使團的產品，
其中有唔少係同方舟有關，
亦都有去過相關的佈道會。

我覺得到底信徒接唔接納佢地的講法，呢個絕對係信徒的自由。
同樣地，我亦都欣賞使團響呢件事上的努力，亦都有盡到傳福音的責任。
但問題係，就算佢引用耶穌響福音書記載，
話末世日子如何，看挪亞的日子如何就可以知道等等，
我唔能夠接納一個推論，就係主要去藉著方舟的發現，
藉著使團去揭示自己如何為主工作。

每一日，好多信徒，
尤其響好多無信仰自由的地方，
已經受緊好多的逼迫、面對好多的挑戰，
我哋又有無見過呢班信徒走出來去高舉佢地面對的困難呢?
使團又有無認真去檢視一下，所謂的困難，
其實又係乜嘢呢?

考古學的發現可以係見到件實物，
但係好難確證果件實物就係佢想搵的果一件。
即係話，我地可以話果件木結構係同方舟有吻口的地方，
但我地係好難即刻jump to the conclusion去話果個就係方舟。

我更加唔喜歡佢地要高舉當中一位隊員去方舟之後患上癌症，
以此去話果位隊員等唔到去同其他人去分享佢的訊息。
聖經的歷史上，我地都見到唔少人係以自己有某一種職事為名，
去宣稱神的話。最後果d係咩呢?

原帖由 dennislokawai 於 2011-8-13 09:27 發表
使團發現既所謂方舟我個人覺得你信就信，唔信亦可，因為係真係假其實真係得使團先知，

呢句唔係好啱，係你信就信，唔信就唔得，因為佢堅持自己係真。
時代論壇呢份教報因為刊登太多學者質疑的文章，
影音使團打正旗號打壓，時代論壇慘被封殺，差Ｄ被逼摺埋，
搞到出啟事話立場中立。以我所知兩者關係已經破裂。
黃錫木博士忍唔住出聲，打正旗號責備影音使團，但都想勸交。

我都係主內的弟兄,對影音使團的認識源於福音電影,個時覺得呢間機構係推動福音工作方面的確不遺餘力
但睇完上面張相加埋弟兄的意見,發覺佢地愈來愈商業化,究竟係力圖賺錢供自己享受,還是當中有神的旨意呢?
我地不會知道,好多時我會有疑惑,本身基督教係好,問題在於傳揚其教義的教會/福音機構的訊息是怎樣,例子:
錫安教會,佢啲衰野唔多講,可憐當中的信徒被人利用左,思想洗腦都不懂醒覺,才是可悲的事!

原帖由 ATR83 於 2011-8-16 14:15 發表
我都係主內的弟兄,對影音使團的認識源於福音電影,個時覺得呢間機構係推動福音工作方面的確不遺餘力
但睇完上面張相加埋弟兄的意見,發覺佢地愈來愈商業化,究竟係力圖賺錢供自己享受,還是當中有神的旨意呢?
我地不會知 ...

呢個問題涉及基督教倫理層面，每間機構都有佢不同的難處，
我覺得又唔好論斷佢地所作「係力圖賺錢供自己享受，還是當中有神的旨意呢。」
正如聖經使徒行傳中保羅傳道中期，也邊傳道邊織帳棚賺錢維生，
保羅唔夠錢要搵飯食，教會機構都一樣係咁，佢無偏離信仰就得。

機構無非都係要開飯，甚至要開拓新傳福音的方法無可厚非。
信徒亦不見得咁樣會被利用，因為信徒信的是上帝，不是機構。
只不過，在基督教倫理學的角度，如果因為呢個未必係真的見證（或者白Ｄ講：假見證），
但他不是陷害人，而是存心造就人，倫理上不算為他的過失。
然而，他被眾人批判這是可能是個假見證，因為機構事到如今沒有下台階，
被不能接受指責之餘，還要堵塞輿論，並且拿不出實質的證據證明這見證是真，
倫理上這算是他的過失。

我的立場是，有人因此而信，正如dennislokawai兄說的，從「敬拜上帝」走向「敬拜方舟」，
若信的人是敬拜上帝，這是出於上帝；沒有可譴責之處。
若信的人是敬拜方舟，這機構便是作假先知引導人拜偶像，那信的人必然跌倒，
機構便受自己種下的禍了。作基督徒的應該小心，為那些信的，保守眼目只向上帝。
保守機構常行在神的榮耀裡。