被投閒置散... 天星小輪 "天星號"... 無限唏噓

話說呢日又坐天星灣尖線經過灣仔碼頭, 我搭果班船臨埋岸果陣望過對面, 見到之前泊到凸晒出黎o既金星竟然對返正碼頭 (果陣天星係擺金星後面), 心稔架天星又走左去邊? 之後唔覺意望返去近會展果邊, 竟然見到有架天星細船泊左響度 (同一位置之前長期泊左架遊艇), 望埋船名, 正正就係 "天星"! 初初見到幾開心, 因為個位不論由其它船定岸上影過去都幾好, 但再望真D, 泊呢個位未必係咩好事, 因為...


今日見佢泊左響呢個 "靚位", 船o既另一邊係一座似乎已廢棄o既碼頭建築, 旁邊o既水面, 圍住一大堆垃圾 (唔係講笑, 陣味好勁下..), 加埋我夕陽之下影, 成個情景令我越睇越心酸, 話晒呢架係天星十幾隻船之中我o既最愛, 隻船個名又同公司名一樣, 偏偏今日天星業務萎縮, 佢o既下場比起十幾個兄弟都要淒涼, 我一直唔太明天星手頭上明明仲有其它冇電動跳板o既船仲行緊, 點解偏偏要收埋呢隻, 仲要當波咁踢 (呢幾個月至少泊過中環、灣仔、尖沙咀, 唔知有冇泊過紅磡).



話明被投閒置散, 隻野D保養都係麻麻地, 特別係下層船身, 已經甩左好多油同埋污跡斑斑, 連船名週邊o既位置都唔例外... 究竟我仲有冇機會再坐呢隻天星號穿梭維港? 或者要到平安夜先會有答案. Anyway, I'm looking forward to travel with you again and again...

[ 本帖最後由 GY8940@93A 於 2011-8-27 22:49 編輯 ]

有無人知道,嗰座廢棄o既碼頭建築同架遊艇究竟乜來頭 ,每次行過都覺得恐怖

原帖由 AVW21 於 2011-8-27 22:54 發表
有無人知道,嗰座廢棄o既碼頭建築同架遊艇究竟乜來頭 ,每次行過都覺得恐怖

隻遊艇係天星既...係前后星...

星期五黃昏見金星泊在西碼頭，即相片中天星泊的位置。

原帖由 ccicoltd 於 2011-8-28 15:26 發表
星期五黃昏見金星泊在西碼頭，即相片中天星泊的位置。

我果幾張就琴日 (27/8 Sat) 17:xx影o既, 兩個時間中間調過位. 同埋金星泊呢度個感覺未必咁強, 話晒船齡低好多, 個樣新淨D, 又明知佢耐唔中會出黎行, 果種滄桑遠遠及唔上天星.

跟
攝於琴日下午@天星小輪熒星號上層
離開灣仔碼頭時攝

「天星輪」是十艘五六十年代同系「雙頭車」之中最舊的一艘，1956年下水，黃埔船塢九龍船廠建造，停泊過舊中環(畢打街）天星碼頭，
不過天星輪畢竟年事已高，紅磡航線停辦後又沒有多條航線可用，停用灣水不足為奇!下一步.....待沽.......

原帖由 LW1 於 2011-8-29 00:27 發表
「天星輪」是十艘五六十年代同系「雙頭車」之中最舊的一艘，1956年下水，黃埔船塢九龍船廠建造，停泊過舊中環(畢打街）天星碼頭，
不過天星輪畢竟年事已高，紅磡航線停辦後又沒有多條航線可用，停用灣水不足為奇!下一步.....待沽.. ...

仲有隻1989年的世星
自今年6月起一直響青衣北海面灣水灣到依家

呢隻1956年的天星
如果真係沽出的話，相信下場只有1個：拆毀

[ 本帖最後由 ATR50 於 2011-8-29 23:01 編輯 ]

呢個碼頭(前海上夜總會碼頭), 好快都會消失

原帖由 ATR50 於 2011-8-29 23:00 發表


仲有隻1989年的世星
自今年6月起一直響青衣北海面灣水灣到依家

呢隻1956年的天星
如果真係沽出的話，相信下場只有1個：拆毀

賣得走通常都係拖上內地拆卸，天星不是汽車渡輪，不是快速單頭車，買來用可能會無人問津，副車又舊，二衝程英國Crossley六盤車，
如果是汽車渡輪，可以賣去泰國（Ex民定，民合，民基，民本...），印尼，菲律賓（Ex民宏），甚至澳洲塔斯曼尼亞（Ex舊民安）!
不過....當年都有天星小輪賣去新架坡，好似係東星Oriental Star，另一艘舊耀星Radian Star亦是被賣走....