師傅報料︰九巴66下月全線「淪陷」

請PB7069@66站友討論時應拿出確實理據, 感謝合作

巴士公司唔當佢地係生財工具,咁唔通當啲巴士係私家車?你都幾幽默下播

原帖由 PB7069@66 於 2011-8-30 18:22 發表
九巴呢D禁既公司不知所謂，連屯門，甚至大西北唯一一條既熱狗線都cut埋，間接使新界人再沒有平價車搭。

要平車搭既
我包保全新界人都會希望 59A , 66 減價而唔係去保留個一千零一架熱狗

原帖由 PB7069@66 於 2011-8-30 19:41 發表

新巴本身當巴士唔係巴士，只當它們是生財工具，你看新巴接管中巴幾年，大量大量將熱狗退役，然後跟廣大市民說這就是改善服務。
另外，城巴呢間公司為左所謂既改善服務，結果係98年全冷。
難道你認為改善服務=不斷既去加冷，全冷？ ...

巴士對巴士公司黎講唔係生財工具係咩
係咪應該留返哂堆熱狗響度,當佢地係愛人咁錫錫 ?

改善服務不一定係加冷,全冷
但而家夏天成四十度就絕對係...

你不如試下夏天坐下熱狗行下彌敦道,乘客唔辛苦司機都辛苦啦...
仲要留意有幾多乘客''讚''部熱狗喎

原帖由 PB7069@66 於 2011-8-30 18:22 發表
九巴呢D禁既公司不知所謂，連屯門，甚至大西北唯一一條既熱狗線都cut埋，間接使新界人再沒有平價車搭。

66得番個一架熱狗行，仲要有d時候都出冷代熱既，講真，有幾多人真係會有平車
搭呀?!仲有而家根本好多人都唔鍾意熱狗架啦，咁既天氣連師傅都唔想揸，何況d
客，同埋全冷根本係一定要架啦，只不過係時間問題姐 而家全冷不知幾多人歡
迎啦

p.s : 其實66全冷有冇可能減到$10.4同59A一樣呀?!

原帖由 NC8285 於 2011-8-30 20:29 發表


66得番個一架熱狗行，仲要有d時候都出冷代熱既，講真，有幾多人真係會有平車
搭呀?!仲有而家根本好多人都唔鍾意熱狗架啦，咁既天氣連師傅都唔想揸，何況d
客，同埋全冷根本係一定要架啦，只不過係時間問題姐 而家全冷 ...

66全冷後收11.1

對於剛才未有長盡的解釋，在此抱歉。
對於 82M兄所指 「巴士公司唔當佢地係生財工具,咁唔通當啲巴士係私家車?」的言論有所保留
在中巴年代，所有巴士不但是生財工具，而且是用作服務乘客的工具。
當時中巴的政策是字軌司機配字軌車，即指每位值班司機都有自己的一部巴士。
例如：在中巴時代的LA20，車上是有一盤金魚，掛滿司機的裝飾物。

另外，對於GU9338兄指「包保全新界人都會希望 59A , 66 減價而唔係去保留個一千零一架熱狗」的言論亦有所保留
首先，你認為九巴會自己提出減價?若九巴真是減價，當然我也認為應該全冷。
但現實如此，九巴大機會不會減價。

原帖由 PB7069@66 於 2011-8-30 19:41 發表

新巴本身當巴士唔係巴士，只當它們是生財工具，你看新巴接管中巴幾年，大量大量將熱狗退役，然後跟廣大市民說這就是改善服務。
另外，城巴呢間公司為左所謂既改善服務，結果係98年全冷。
難道你認為改善服務=不斷既去加冷，全冷？ ...

大熱天氣開架冷氣車叫做正常服務,開架熱狗就叫做倒退服務.
冬天開架冷氣車叫做標準服務,開架熱狗就叫做基本服務.

改善服務,巴士全冷化係基本原則,因為香港而家既天氣和空氣大不如前,以前坐雞鴨都冇乜野,而家坐熱龍熱豪真係好難頂.

任何一間巴士公司,都視巴士為生財工具,唔賺錢,搵鬼做?
另外,深圳公交也幾乎全冷,當地人見到熱狗都唔想上車,當然,人地冷馬都係收一蚊,呢樣抵讚.

閣下說66全冷係剝奪人地坐熱狗遊屯公既權力,請問有幾多人會特登坐呵? 除左巴士迷,我諗唔到其他! 再者,屯門區會已多次質疑為何66那麼遲才空調化,
結果由原本明年中才全冷既計劃提早到今年中秋節前.

原帖由 PB7069@66 於 2011-8-30 20:38 發表
對於剛才未有長盡的解釋，在此抱歉。
對於 82M兄所指 「巴士公司唔當佢地係生財工具,咁唔通當啲巴士係私家車?」的言論有所保留
在中巴年代，所有巴士不但是生財工具，而且是用作服務乘客的工具。
當時中巴的政策是字軌司機 ...

你講到中巴咁好,當年就唔會被政府三度削線兼cut埋專營權啦!
我都好鐘意中巴架,我以前都成日坐雞寶佳牌,放假專登係青衣坐船出中環遊河.中巴個個都係車手,仲有擅自改路,夜晚坐47黑夜飛車都好正.

可是,而家已經係2011年,市民對巴士服務既要求已經唔同左,再加上香港既氣候係明顯變差,以前九龍市區邊有咁多高樓?
因此,唔可以再用以前既標準去衡量而家,熱狗只能夠成為歷史,要坐既,去d冇咁熱既地方坐啦.