運輸署要求巴士公司重組油尖旺巴士路線

根本九巴既路線網絡就係五十年前既定線模式
乘客坐車習慣唔同,車輛性能唔同,交通情況唔同,道路情況唔同
你地話附近居民自私之前,有無諗過到底九巴既網絡定線係咪合理有效率?
我由荃灣去觀塘點解要我漫遊長沙灣九龍城?
我由青衣去土瓜灣點解要經何文田?
我由青衣出尖沙咀點解要行彌敦道?
我由馬鞍山出長沙灣點解要兜大圍?

我地要諗下,到底巴士營運上有幾多行車里數,有幾多行車時間,有幾多廢氣,有幾多油量係無必要地浪費左
最後重點係,係咪二十條線既班班車都有需要停果個站,經果條路?
如果大部份客都唔需要果個站,果條路的話,點解唔帶佢地由另一條路走?

其實好多路線都有得大執一下。

無錯，無咩上落的時候，
行深水埗/長沙灣/美孚的確同行公路的時間相差唔遠，
但係點解去到繁忙時間，
咁樣塞法都係唔行開特班，
俾車由旺角/太子/深水埗一帶已經走先?

如果講入青衣的果堆線，
42A/43C的角色分配得好少少，
其實42A早就可以響太子走啦...
43C專門做好深水埗打後就好好多啦。

至於40/41/45呢d奇兜的路線，
生客中完一次招之後，
你請佢都唔會再上車，
咁請問呢d線客量點會好呢?

原帖由 307 於 2011-9-10 10:14 發表
其實好多路線都有得大執一下。

無錯，無咩上落的時候，
行深水埗/長沙灣/美孚的確同行公路的時間相差唔遠，
但係點解去到繁忙時間，
咁樣塞法都係唔行開特班，
俾車由旺角/太子/深水埗一帶已經走先?

如果講入青衣的果堆線，
42 ...

41一係行表衣, 一係行尖沙咀..
尖沙咀已經有41A/42A等線..
變左一定要行何文田

反而覺得彌敦道巴士站都有重組空間
就連點畫巴士線、交通燈setting都可以研究下..唔駛一開波就話踢走D線

點解條條線都行彌敦道?
我反而覺得係有需要..彌敦道就如港島既軒尼詩道同怡和街
雖然大家覺得彌敦道沿線有鐵路
但誇區個d又點計先，既然有人係彌敦道落車，即係有價值...

又講下轉特快
無錯，實有人唔鐘意行彌敦道/長沙灣道
但夠唔夠客轉特快，相信都係九巴最清楚

九龍區道路接駁又唔算係好，上落快速公路都要時間
行車時間里數慳極有限，但同時間少左人，多數又要收貴，區議會又嘈
食得鹹魚抵得渴...

就算改得成，彌敦道車疏左，到時又係另一個問題
等同上環西營盤巴士服務越搞越差一樣

原帖由 kay 於 2011-9-10 15:43 發表
反而覺得彌敦道巴士站都有重組空間
就連點畫巴士線、交通燈setting都可以研究下..唔駛一開波就話踢走D線

點解條條線都行彌敦道?
我反而覺得係有需要..彌敦道就如港島既軒尼詩道同怡和街
雖然大家覺得彌敦道沿線有鐵 ...

根本個問題唔係條路太多巴士，而係條路太多車
城市繼續發展，人口繼續增加，通勤人流又增加，但路又冇多到闊到
結果條路越泥越多車
正確做法的確係令條路少D車行，但鐵路為主行左十年有多，巴士少左，但情況反而轉差
咁係咪係時候將個重心放返o係減少其他車輛果度？

有人話，九記個路線網絡仲係50年前定線模式
但大家又諗下，繁忙地區個鐵路發展咪又係一樣係30年前既定線模式
望下旺角、東九龍、灣仔銅鑼灣既核心地帶，對上一次有新鐵路服務係幾時？
所以巴士實情由幾年前開始就唔應該拎泥為交通擠塞埋單

原帖由 kay 於 2011-9-10 15:43 發表
反而覺得彌敦道巴士站都有重組空間
就連點畫巴士線、交通燈setting都可以研究下..唔駛一開波就話踢走D線

點解條條線都行彌敦道?
我反而覺得係有需要..彌敦道就如港島既軒尼詩道同怡和街
雖然大家覺得彌敦道沿線有鐵路

點解720, 780, 788 可以飛得起？
係有需要的話，唔好用20/80嚟代？

東區出銅鑼灣有8P/8/2X分工，出中環有788/780/720/722分工。
但將軍澳？出觀塘全部爬山。出旺角照爬，想平就兜秀順或者土瓜灣。
新城8P, 82X, 788, 789全部飛起柴斜又做得起，
對比有九巴份的隧道綫106, 118, 606全部兜柴斜。

同樣出旺角，796C上繞道，296C就碌觀塘。
同樣去沙田，九記連轉89X都唔得。我坐98A到觀塘798都到沙中喇。
近近地去觀塘嚟計。796S全日20分鐘,98A等車隨時半粒鐘

點解新城可以湊大啲快線？九記連一條41綫改特快年年都唔得？

原帖由 Choi 於 2011-9-10 16:55 發表

點解720, 780, 788 可以飛得起？
係有需要的話，唔好用20/80嚟代？

東區出銅鑼灣有8P/8/2X分工，出中環有788/780/720/722分工。
但將軍澳？出觀塘全部爬山。出旺角照爬，想平就兜秀順或者土瓜灣。
新城8P, 82X, 788, 789全部飛起柴斜又做得起，
對比有九巴份的隧道綫106, 118, 606全部兜柴斜。

同樣出旺角，796C上繞道，296C就碌觀塘。
同樣去沙田，九記連轉89X都唔得。我坐98A到觀塘798都到沙中喇。
近近地去觀塘嚟計。796S全日20分鐘,98A等車隨時半粒鐘

點解新城可以湊大啲快線？九記連一條41綫改特快年年都唔得？

東廊出入口全部都可以直出舊路(英皇道/軒尼詩道/中環)
但九龍區你睇三幹.. 一係佐敦上, 一係深水埗..
你兜得上三幹.. 行舊路都差唔多..
講緊260X/268B/269B 都得得260X做得起
點解268B咁少客, 但68X可以風山水起
好明顯特快唔係話真係咁吸引

東九龍走廊/啟德隧道東行得歐化一個入口..
觀繞入口出口都唔及東廊多


其實你舉既例子.. 好多都唔正確..

>點解720, 780, 788 可以飛得起？
720/780/789都唔見得話好好客.. 係得788叫好客

>對比有九巴份的隧道綫106, 118, 606全部兜柴斜。
難道新巴獨營既682/694唔兜柴斜? 完全放導緊人

>但將軍澳？出觀塘全部爬山。出旺角照爬，想平就兜秀順或者土瓜灣。
咁點解682要兜第一城?點解82要行柴斜?
答案都一樣: 唔兜唔夠客
當然部份路絡(如98C)應盡快行隧道

>同樣出旺角，796C上繞道，296C就碌觀塘。
>同樣去沙田，九記連轉89X都唔得。我坐98A到觀塘798都到沙中喇。
>近近地去觀塘嚟計。796S全日20分鐘,98A等車隨時半粒鐘
但296C明顯好客過796C...
98A轉89快過轉89X去沙中.. 你未撘過就唔好紙上談兵..
但98A絕大部時間都快過796S有車..

>點解新城可以湊大啲快線？九記連一條41綫改特快年年都唔得？
咁你有無數過新城取消左幾多線?


你咁誤導人...

[ 本帖最後由 neosan 於 2011-9-10 18:26 編輯 ]

原帖由 ming7401 於 2011-9-8 18:25 發表
對於有區議員質疑彌敦道785至787號對出，及777至781號對出共8個巴士站，竟有多達20條巴士線行走，對附近居民及行人造成滋擾。運輸署署理高級運輸主任袁妙珍在油尖旺區議會交通委員會會議上表示，已要求巴士公司重組上址巴士 ...

哦... 個區議員原來係... 鼠王的手下(xxx動力)...  
講真... 全香港唔係只有彌敦道對出有咁多巴士站 + 有咁多巴士線... 裕民坊/創紀之城/九龍灣鐵路站......等等地方 都有「咁多巴士站 + 有咁多巴士線」呀...
咁係唔係都要重組呀 (區議員)...

原帖由 Choi 於 2011-9-10 16:55 發表


但將軍澳？出觀塘全部爬山。出旺角照爬，想平就兜秀順或者土瓜灣。

同樣出旺角，796C上繞道，296C就碌觀塘。
同樣去沙田，九記連轉89X都唔得。我坐98A到觀塘798都到沙中喇。
近近地去觀塘嚟計。796S全日20分鐘,98A等車隨時半粒鐘
點解新城可以湊大啲快線？九記連一條41綫改特快年年都唔得？

如果行隧道夠客既話98A隧道特車唔駛CUT到得番20分鐘一班
如果行隧道大晒既話796S唔會減到得番20分鐘一班
坑口同寶林分別有102同10M小巴行隧道出觀塘,98A同93A行隧道除左死快啲外,有咩著數?


796C上繞道,但係之前要兜調景嶺囉,計落時間差幾遠?

98A班次唔準係人都知,但係有幾多人真係試過等足半粒鐘都冇車呢?
拎796S最正常同98A最唔正常黎比較有咩意思?

269D,276A/B,279X呢啲唔係快線係乜野?碌線?


多謝呢位站友教曉左大家咩叫"斷章取義"同"以偏概全"

原帖由 Choi 於 2011-9-10 16:55 發表
九記連一條41綫改特快年年都唔得？

你諗下會有幾多人會青衣來回何文田先la
又貴,本身又唔係多人搭,踢42A上特快咪仲實際