中大校巴撞倒途人消息 (8/9)

中大校巴 NE2472 於約 5:50 分沿大學道右轉入中央道上山時，於蒙民偉工程樓對出撞到一個女同學，十分鐘後已有警員到場處理，該女同學事後坐在路邊手部受傷，相信在等候救護車到場。

其實中大好多師生過馬路既習慣都唔係咁好，以後大家都要小心一點，尤其下年３３４又會多車左.....

本來蒙民偉樓對出一段中央道已經加闊行人路和重置斑馬線，
還有一段新行人路至邵逸夫堂，不過始終中大車路好似東望洋咁，
重型車又多，過馬路真係要小心。

2012-2015年，將有三年時間係舊制同新制兩批人同在，
全港所有大學都會人口膨漲，中大工程處處，總之都係要小心啦。

我今日放工都在大樓門前等了五部私家車通過先可以過馬路。

原帖由 DIH 於 2011-9-8 21:27 發表
本來蒙民偉樓對出一段中央道已經加闊行人路和重置斑馬線，
還有一段新行人路至邵逸夫堂，不過始終中大車路好似東望洋咁，
重型車又多，過馬路真係要小心。

2012-2015年，將有三年時間係舊制同新制兩批人同在，
全港所有大學都會 ...

果段路擴闊完今晚大派用場
因為架校巴停了在路口，警方要封路調查
其他校巴又上唔到去
果陣又係繁忙時間
結果全中大師生齊齊「樂步行」....

至於肇事地方 - 大學道同中央道交界個路口
其實果個路口係好繁忙
我之前上八半堂由 HALL 行中央道前往蒙民偉工程樓 4樓入口
去到果個路口，好多時都要得成分鐘先確保真係冇車，安心過馬路


不過其實中大同學亂過馬路既情況都真係好嚴重
但奇唔奇在佢地出到出面又唔會咁樣過馬路架喎....
但事實係，中大路面車流其實好高，
再加上條條路都係大上大落，
同學應該要更小心至係

講緊今晚單野
肇事既係 NE2472 掛牌車長
咁岩佢轉上中央道果陣，幾乎半架車過左雙白線上
（其實咁大架車過少少雙白線好難免，但幾乎半架車過雙白線上又好似誇張左 D）
其實對佢有少少不利....

[ 本帖最後由 kks 於 2011-9-8 23:13 編輯 ]

原帖由 DIH 於 2011-9-8 21:27 發表
本來蒙民偉樓對出一段中央道已經加闊行人路和重置斑馬線，
還有一段新行人路至邵逸夫堂，不過始終中大車路好似東望洋咁，
重型車又多，過馬路真係要小心。

2012-2015年，將有三年時間係舊制同新制兩批人同在，
全港所有大學都會 ...

我總係覺得個斑馬線改咗位置之後,
雖然可以集中行人在斑馬線過馬路,
但係 MMW 嗰邊行人路係有少少盲點位

講返今次 ERB 嗰段路, 要過馬路次次我都要一眼關七,
同時留意中央道落山、崇基路上山、大學道雙程共四個方向的車, 睇定先敢行
早幾年擴闊咗路口位之後, 路闊咗仲難行

原帖由 Quanta 於 2011-9-9 17:15 發表


我總係覺得個斑馬線改咗位置之後,
雖然可以集中行人在斑馬線過馬路,
但係 MMW 嗰邊行人路係有少少盲點位

講返今次 ERB 嗰段路, 要過馬路次次我都要一眼關七,
同時留意中央道落山、崇基路上山、大學道雙程共四個方 ...

其實我覺得果個路口根本唔適宜過馬路
但有時真係要過馬路，要行去個安全少少既位過馬路又要行遠好多（但都唔算安全好多），所以我自己都係照過，唯有小心 D

長遠而言校方應在該個路口增設欄杆，控制人流

原帖由 kks 於 2011-9-9 17:29 發表

其實我覺得果個路口根本唔適宜過馬路
但有時真係要過馬路，要行去個安全少少既位過馬路又要行遠好多（但都唔算安全好多），所以我自己都係照過，唯有小心 D

長遠而言校方應在該個路口增設欄杆，控制人流 ...

校方卻在該處路口的行人路裝了凸點斜坡，即係明話畀你知可以過路。
都唔好話人啦，講車，本來道路習慣應該右轉車要讓對面線直行車，
在該路口即係右轉上山車要讓直路落山車。
但由於通常上山車較趕、轉波難度問題等，
於是該路口不成文規定係落山車讓上山車，
可能亦由此造成司機右轉時較少留意路面，
而行人亦未必察覺到大型車轉彎要過火位。

今次都算係不幸中之大幸。

原帖由 DIH 於 2011-9-9 22:54 發表

校方卻在該處路口的行人路裝了凸點斜坡，即係明話畀你知可以過路。
都唔好話人啦，講車，本來道路習慣應該右轉車要讓對面線直行車，
在該路口即係右轉上山車要讓直路落山車。
但由於通常上山車較趕、轉波難度問題等，
於是該 ...

我會覺得，
一黎果度整過路處已經好有問題，要整，係都整後少少，例如起碼於直路位整，而唔係於個咁繁忙的路口...
二黎我覺得中大除左整凸點斜坡，我覺得更有需要係真真正正髹上斑馬線，其實唔係個個人都知凸點斜坡係話比人知可以過路......
三黎路旁最好整番多 D 欄杆，等同學唔會走出馬路，當然唔少行人路都有擴闊的需要。


另今日見肇事車長仍然執行駕駛職務