九巴於港島車站名稱跟隨城巴／新巴

118,118P,N118已更新路線圖
saw in "Tong Mei Road " stop

興利中心 --> 希慎廣場

原帖由 octopusman 於 2011-9-11 19:13 發表
請問九巴報站是否顯示林邨景榕樓？

正確

其實九記要改既野仲有好多，今次睇落似盲目跟城巴而唔係真正用過自己個腦去諗點改站名。

有人話城巴用樓名改站名好，但我覺得唔係一慨而論。你話出名既大廈就話有用，有部份站根本街名仲清楚。
例如107而家田灣堆站，得田灣商場一個站有個田灣字，以前街知巷聞既「田灣街」變左做個甚麼張奧偉賓館，好好地「田灣山道」又變咩咩書院，我作為普通乘客都見過幾次有人miss左「田灣街」站，去到華貴先知過左站，人地街外人去田灣，田灣街咪幾好囉，唔駛求其搵座大廈改名掛？唔係有呢個報站我都唔知張奧偉係邊。就算出九龍方向，田灣都係得一個站，點解係都要搵條興和街出黎頂田灣街？

同樣道理，香港仔站應該加返「香港仔」既字啦，第一個站應該改香港仔海傍道，如果話海傍道有三個站既咁改香港仔大道，反正有兩個站都屬於海濱公園。而第二個站可以改返海濱公園，我認為多數人有心去海濱公園都唔會去散心掛，人人都知去珍寶係由海濱公園搭船，咁第二個站較近，用返海濱公園咪幾好。究竟呢個落既人去買魚多定去珍寶多？

仲有勝利工廠大廈，點解前面個站又唔改做中國銀行？雖然話香葉道好長，但起碼人地去香葉道最遲都識係呢個站落車丫。
陳白沙中學，呢個係黃竹坑大站，人地去黃竹坑多數都係呢個站落，例不如用黃竹坑深灣道仲好，愈黎愈多人去深灣又問邊度落，呢個名又俾人知道係黃竹坑，總比求其拎座建築物名好。

要改既係改黃竹坑村一座，座樓都無左仲搞乜野。
除左站名，要改既係改下電子牌個經銅鑼灣，呢樣野見得仲多過坐過站，見過好多人係香港仔上車，去到總站問，乜唔係經銅鑼灣咩？

[ 本帖最後由 kd7941 於 2011-9-25 09:57 編輯 ]