[假設]如果沙頭角支線沒拆

原帖由 kei_hk 於 2011-9-17 12:24 發表
有2點事實﹐不容樓主再去假設。

1. 當年停辦的原因 : 當年出入沙頭角只有鐵路﹐但政府興建沙頭角公路後﹐問題即解決。鐵路也因為居民不再需要﹐客量大幅下降下停辦。

2. 沙頭角鐵路是用窄軌的﹐而非現時東鐵線的標準闊度的軌 ...

點解會「不容假設」？當年沙頭角支線冇客係當時既事，唔同時代背景情況就會唔同。以前未有汽車，政府就發展鐵路，有汽車之後公共交通就以巴士主導，到而家咪又比鐵路追番過頭。當年九鐵尖沙咀總站因為阻礙土地發展同鐵路擴建，唔值得留低而要搬去紅磡，廿年後咪又係因為有需求再改番去尖沙咀。當年九鐵擴建為雙軌行車，雖然詳情唔係太清楚，但係要改過晒ｄ彎位，連幾條短隧道都拆埋，相信都差唔多係重建。要將窄軌改闊都唔係咩冇可能既事。

其實好多決定都係亙動，如果沙頭角支線仲存在，相信當年政府會包埋沙頭角公路沿線地方為新市鎮發展，利用沙頭角支線作交通配套。喺城市規劃上，政府在基建方面根本就好慳皮，寧願迫爆市區都唔肯發展新界，而起公路同鐵路都係等到塞車嚴重時先肯做。如果沙頭角支線仲存在，以現時鐵路為本方針，好大機會政府會加以利用。

以我愚見，假設沙頭角支線無拆，不如假設埋沙頭角公路沒有建成。
當年沒有「保育」概念，無用就自然會拆，沙頭角支線沿線人口不多，
藏在山谷中要大規模開發也不易，接近大陸又有安全考慮，
結果港英政府始終都係唔會大力發展這個地區，到頭來沙頭角支線都未必留得耐。

即使現在，深圳市區發展都係偏向羅湖以西。

我自己都有諗過沙頭角支線活化，不過首先要打鼓嶺、坪輋一帶發展做高密度新市鎮。

原帖由 DIH 於 2011-9-19 23:04 發表
以我愚見，假設沙頭角支線無拆，不如假設埋沙頭角公路沒有建成。
當年沒有「保育」概念，無用就自然會拆，沙頭角支線沿線人口不多，
藏在山谷中要大規模開發也不易，接近大陸又有安全考慮，
結果港英政府始終都係唔會大力發展這個 ...

活化不一定要大力發展周邊社區才行, 不過香港就是不來這一套.

如果沙頭角鐵路仍然存在, 可能現在使用的是類似屯門元朗使用中的輕鐵車輛(這樣也未必有九巴78K及綠小55K的存在)