我間學校咁做有冇問題?

很多時學校的決定，需要顧及不少方面的考慮，所以很難說學校有沒有問題
但慈善方面的活動，不能計較太多

另外，其實學校可選其它日子舉行便服日

http://www.commchest.org/fileman ... /chi/event_faq.html

若未能於指定日期(九月三十日)舉行公益金便服日，我們可否另擇日期？

    學校可自行擬定舉行公益金便服日之日期(例如：旅行日、聖誕聯歡日)。唯請將舉行日期預先通知公益金，以便作出適當的協助。

[ 本帖最後由 superay 於 2011-9-19 20:59 編輯 ]

我又咁覺得, 我呢d成年人, 每一日都係便服日時, 就真係少一日都無所謂。

但係學生們唔同, 佢地係俾左錢出來(雖然d錢唔係學校落袋), 換取佢地可以著便服返學一日的權利, 學校如果因為自己的理由去特別處理的話
我理解, 但係我覺得, 應該係另訂一日補番俾人, 或者退錢囉

但係因為自己理由, 剝削左學生僅有的呢一日的特別權利的話, 咁做校方做法係極有問題,
原因唔係計較參加唔參加, 又或者著咩衫定係慈善問題, 而係彼此間的約定, 用參加特定活動去換取一個特別的權利
但係轉頭又話因為校方自己的原因, 要人錢照俾, 但係便服權又無理褫奪左去, 我唔覺得咁樣校方同呃學生捐錢有分別

最少在誠信同埋師生互信兩方面已經做左極壞的榜樣
請問學校咁樣, 仲點可以叫學生去信任佢地?

同埋呢d野, 如果俾人搞大, 校方係一定理虧的, 雖然有無人嘈係另外一個問題。

利益申報, 我已經離開中學校園十年以上。

我都認為有問題，既然學校可以更改便服日時間，點解收晒錢先同人講撞期？

我以前中學都好似遇過公益金便服日與學校活動撞期，
那就改過另一日，並在學年初已經在校曆寫明。
定還是，我學校一向都係自定便服日，就唔清楚。

假如有一些據理力爭的家長......

奉勸大家，唔好以為搞教育就一定人格高尚，
當你越接近教育機構的權力核心，你會發現，
當中的黑幕和混帳，分分鐘比一般私人機構有過之而無不及。
以上這段來自道聽途說。

以前讀中學若遇到類似情況，我可能會敢怒不敢言；
但現在，讀過大學，自己也或多或少是教育界一分子，
對於是非黑白真假對錯要有自己的堅持。

[ 本帖最後由 DIH 於 2011-9-19 23:18 編輯 ]

咁家教會方面有冇家長出聲丫?

如果你學校會補番一日俾你地著便服咁就緊係無問題啦 但如果社員大會其實係學校一早定左，
所以便服日其實佢地一早知會撞期仲要你地交善款，之後先話要取消，但又唔補番日再搞既話其實你學校
好有問題 雖然我覺得損下錢其實無咩所謂 但係有份參加既學生就唔可以得到應有既權利呢
方面先係重點，咁樓主你學校既誠信同你d老師同校長既做法係極不當

原帖由 DW8306 於 2011-9-19 23:18 發表
咁家教會方面有冇家長出聲丫?

說服到家長企學生那邊再說話吧。

不過我真係希望家長教師會的家長真係出聲…

原帖由 HB00610 於 2011-9-19 23:51 發表


說服到家長企學生那邊再說話吧。

不過我真係希望家長教師會的家長真係出聲…

家長教師會?
咪又係做樣既一個會
根本就冇實際既用途
要真係搵既都係搵學生會
雖然都幫唔到幾多

你諗下兩個日期學校都有得預位
社員大會更加係話改就改
根本學校明玩你
除非出動到大量家長踩上門開火
否則改既機會真係甚低

認同樓上咁講
學校內部行政野一樣可以好黑暗
果副校果樣好似好好人咁
但其實可以一入到行政層面根本就係到玩死班學生、玩死老師
若果閣下想知多D既
可以試下專攻一項活動,同負責老師打好關係既時候
自然就可以收到料

我反而想知，啲善款係咪己經捐左比公益金。
我會要求學校出示收據

近幾年，對學校嘅行政無乜信心
捐錢唔係問題，無便服日都唔係問題
如果捐嘅錢，最終唔係有關慈善團體收取
就勢係假