九巴蕩失路50乘客嚇餐死 (續)

真係想再講，唔該你地做下好心。
如果你地夠胆講，自己無試過重覆犯錯，
就企出黎繼續挖苦。叫人駕駛邊條邊條。
你地無試過老師老闆由頭到尾望實你而無怯場，
就繼續挖苦落去。
唔通你地叫人駕駛邊條邊條線係幫人嗎？只係令人傷口灑鹽。
你地識唔識將心比己，諗下自己係咁會係點。
人地報館拿住你地堆說話爆料，逼到人地走投無路，你地心安樂嗎？
人地要搵食，揀到做車長，上哂報紙，已經斷人米路，
完全係失德行為，唔該可唔可以正面Ｄ，俾返Ｄ正能量俾人。
過得人過得自已，唔好討論邊條邊條啱佢駕駛。

54/77K/76K 路又爛又窄,
77K要上落斜,
仲要咁多大貨車拖頭,
點會好行呀?

原帖由 KC3555 於 2011-9-22 18:09 發表
真係想再講，唔該你地做下好心。
如果你地夠胆講，自己無試過重覆犯錯，
就企出黎繼續挖苦。叫人駕駛邊條邊條。
你地無試過老師老闆由頭到尾望實你而無怯場，
就繼續挖苦落去。
唔通你地叫人駕駛邊條邊條線係幫人嗎？只係令人 ...

搞清楚一樣野先，究竟係報紙佬害佢定 italk 板友害佢？
大家係度討論九巴制度問題，點解係大家挖苦車長？
italk 出名多巴士公司職員睇，閣下又話報紙佬會睇，
咁我地係咪以後咪唔洗貼文？一定要讚揚文章先可以貼？
恕不苟同....

會唔會53荃灣煙花版(不入井財街)最好，永遠都行青山公路.....

今日都市日報第一版左下角都有提261事件(不過係重提太陽說的)

講真
我覺得一個司機連續2日都出錯好有問題
理得佢男人定女人, 無啦啦車左人地去第2度, 又浪費成車人時間, 又易出事, 出事起上黎保險仲唔知賠唔賠
有報紙佬係度, 冇錯係會比壓力佢
但咁都唔代表完全唔關佢事, 全香港咁多打工仔有邊個唔洗受氣?!
自己行錯第1日, 仲上埋報, 就應該預左成個禮拜都有人"跟車"架啦
佢一係就唔好返, 返就唔該準備好, 唔係話一句壓力就可以拎成車人條命黎較飛

自己係路痴既話, 就更加唔好做巴士司機啦
佢今次熟261, 下次有事要改路/調去第2條線, 唔通又要浪費咁多資源黎教你?!

[ 本帖最後由 KC3555 於 2011-9-22 19:23 編輯 ]

咁你又搞清楚，點解要搵隻代罪羔羊去鬧巴士公司?
咁請得個車長，under同一個制度下訓練個車長，
等於學生考試，成績有高有低。考包尾無人想，
而家要佢再訓練，你不如解釋一下同個制度有乜關係?
頂盡話公司逼車長退休，同埋公司刻薄員工，
導致流失大，我無意話阻止你地討論制度。
但老實講，傳媒既然逼到個車長去到呢個地步，
之後衰D又會再係討論區找料講三講四，
如果真係要做到講制度咁單純，我就覺得可以，
但係如果在文章中繼續抽個車長水，變相係做報紙個幫兇。
恐防言者無心，聽者有意。成篇文真係好似你咁單純評論制度嗎?
我唔覺囉。

P.s. 唔好意思，我用手機打上文編輯唔到。

第一，你衰左野上報紙頭版，我相信你唔係路癡都變路癡。
第二，你衰左野係預左老闆睇實你。正如古人講一朝被蛇咬，
千年怕草叢。正常心理啫，打工仔個個有壓力，無錯。
做得報紙頭版，幾乎受千夫所指，唔係一般人可以承受。

好似以前76k行錯路，成個車頂批走，人地都唔會咁狙擊法。

原帖由 orange 於 2011-9-22 10:54 發表

跟車督察一般(因為不在場唔可以評論)一路睇住佢楂,發覺有問題就會
立即出聲,一來等個車長無咁大壓力,二來可以知道車長係邊一個地方出
問題可以及時修正

楂車要一眼關七,有時佢專注於路面或其他情況而出現分神情況, ...

話，咁玩我係客仲驚，當年年搭NR332就係咁，我一上車話小學落，職員同佢講要提乘客唔好拍卡住，轉左八仔收費先拍，我都仲覺得OK，一開車踩油嗰刻個職員即刻講，第一下唔駛比咁大油，慢慢比，慢慢轉呢個彎，嚇到差D標尿，心諗好彩唔係搭出去，等陣部車都唔知會唔會係青馬飛落海XD

原帖由 lsc04d11 於 2011-9-22 18:57 發表
會唔會53荃灣煙花版(不入井財街)最好，永遠都行青山公路.....

今日都市日報第一版左下角都有提261事件(不過係重提太陽說的)

揸53絕對不能輕視唔睇有無車/跟本無視對頭車就出入田廈路兩邊車場既各位貨櫃車大佬，同埋無視任何車輛，上完客就咁U-Turn既的士司機

[ 本帖最後由 EH2674 於 2011-9-22 19:50 編輯 ]

原帖由 orange 於 2011-9-22 11:29 發表

屯門元朗廠最短途係54,但正如前文所言,睇落好易其實好難,
至於屯門公路線更加唔使諗,無番咁上下經驗去行分分鐘未到
油柑頭已經拉手掣停埋落路肩

行261已經係最低危險度路線,起碼唔使行隧道過收費亭,唔使
出市區對 ...

簽約可以講明新入職一定要出大荔廠/沙廠做區內線實戰一排
做唔做就車長自己揀番， e d 嘢你情我願，一定要做，冇得反口


人係要請，但係一定要確保佢地舞得掂架巴士
大大話話百幾人條命就喺車長度