問:有關舊筆架山隧道歷史

一號、三號、四號隧道均於雙軌化時消失。

在網上找到部分舊筆架山隧道相片，但相片來源無法確定，如原作者見相，可通知本人要求刪除。

樓上的圖好似幾年前喺italk貼過 (唔知R1定A10板)

想問下柴油客車有冇行過新筆架山隧道? 同埋九龍塘站係咪電氣化之後先有?

九龍塘站是電氣化之後先至有，至於柴油客車有冇行過新隧道就唔知

1982至83年，九廣鐵路上係同時有柴油車同電氣化火車行走。

電氣化通到大埔墟時，好多人由羅湖同上水坐柴油車到大埔，然後轉電氣化火車到九龍。其實柴油車一樣會開到九龍，但電氣化火車較快同埋有冷氣，所以乘客紛紛轉車。

原帖由 PB602 於 2011-10-25 22:50 發表
1982至83年，九廣鐵路上係同時有柴油車同電氣化火車行走。

電氣化通到大埔墟時，好多人由羅湖同上水坐柴油車到大埔，然後轉電氣化火車到九龍。其實柴油車一樣會開到九龍，但電氣化火車較快同埋有冷氣，所以乘客紛紛轉車。 ...

我想問當年柴油車係咪一樣停晒沿途所有車站？
我知太和站、火炭站應該未建成，而由沙田站開去大圍臨時站似乎都好近下。
當年理論上可以由柴油車轉地鐵？
當年有自動售票機未？柴油車售票如何處理？

在九鐵電器化分段通車交接時期, 柴油火車不停已電器化的車站, 直往旺角站及紅磡站. 而各新的車站已有自動售票機, 可同時購買電器化列車/ 柴油車.
1. 八二年五月六日，近郊線[紅磡至何東樓車廠]的一段鐵路電氣化。
柴油車 行走 紅磡<>旺角<>(不停九龍塘) 沙田<> 沿途停各站至羅湖.

2. 一九八三年五月二日，電器化遠郊線鐵路  (紅磡-- 大埔墟)通車,
柴油車 行走 紅磡<>旺角<>(不停九龍塘/沙田)<>大埔墟 <> 沿途停各站至羅湖. ** 所以系由大埔墟不停站直出旺角, 好爽**


而最後一期至羅湖站則於一九八三年七月十五日完成。

仍好記得很多乘客在大埔墟站跑過中間月台趕坐電器化列車的情況, 而我當然留在人少了的柴油車內,
享受不停站的暢快的旅程, 反正坐電器化的機會多的是.

而官方最後一班柴油列車於83年7月23日開出, 來回紅磡<>上水






[ 本帖最後由 SMP 於 2011-10-27 14:24 編輯 ]

原帖由 SMP 於 2011-10-26 02:19 發表
在九鐵電器化分段通車交接時期, 柴油火車不停已電器化的車站, 直往旺角站及紅磡站. 而各新的車站已有自動售票機, 可同時購買電器化列車/ 柴油車.
1. 八二年五月六日，近郊線[紅磡至何東樓車廠]的一段鐵路電氣化。
柴 ...

咁例如大埔墟至紅磡，坐柴油車係咪平過電氣化火車?

*係「電氣化列車」，唔係「電器化列車」