曾蔭權對黃毓民行為侮辱冒犯及曾鈺成主席裁決

煲呔同你玩鋪勁～
阿權一向喜怒形於色，到而家先出現這種情況，咪算遲囉。

知唔知有好多人，
例如我老豆及一名三十出頭中產友人，係拍晒手掌？
睇住毓民畀幾個大漢「的」出去，
尋日我睇個情境直情好似午門斬首咁，
有部分香港市民真係好心涼架。

我呢，有人在議會內隔空互罵轉頭又攬頭攬頸，
個肚腩越來越大，我從來都沒有對他有期望或欣賞。
有了他之後，我見到立法會新聞就想轉台。
如果對某課題有興趣，或有意見想發表，
我寧願自己上網搵資料、立法會文件，在不受黨派影響下歸納出自己的意見。
在那幢大樓內，無一個人能代表我。

成日話咩「雞蛋對高牆，我站在雞蛋那邊」，只係浪費雞蛋，
高牆只會越來越堅固，雞蛋卻一直孵不出鳥來。
有冇睇史力加3，班「姊妹們」是如何攻入城堡？

林公公我都係睇唔過眼，但又如何？班議員又好好？
粒粒皆辛苦，咩年代呀，掟完斑腩飯又掟雞蛋蕃茄，
我話之你在台下在幕後係幾咁言之有物、出口成文，
但除了形式上的所謂抗爭，他們又做了甚麼？
他們有沒有參與保育大浪西灣、尖碼巴總、南生圍？
他們有沒有盡最大努力，為香港人爭取更美好的生活？（不是毛澤東式的烏托邦）
他們除了批評官員施政或私德，有沒有深入探討社會問題所在？如何解決？
他們有沒有去探究，香港為什麼在硬體上、人心上、政治上，都在分崩離析？

不只是某幾個人，是立法會內所有政黨，以及政府官員，
都是無立場無風骨無技巧之輩，任何一個我都睇唔上眼，
下屆立法會，我都唔知點選。

曾鈺成驅逐梁國雄的決定係有問題，但泛民離場抗議，自動棄權，
同樣是背棄了我作為選民選他們入立法會希望代表我發聲的期望。

[ 本帖最後由 DIH 於 2011-10-14 13:28 編輯 ]

所以話，直播台仲好睇過HBO同Cinemax，定期上演動作笑片。

依家好多有火嘅人都係，同意就做好朋友，唔同意就鬧到狗血淋頭，對人應有嘅尊重嗎，「食得架？」

但係好多年輕人都依然覺得大聲靠嚇就係王道……

利益申報：香港冇個政黨啱我

[ 本帖最後由 FS1819 於 2011-10-14 13:25 編輯 ]

呢個立法會主席不嬲都係偏幫自己個黨

上一任范太明顯比較公正嚴明

原帖由 HY1677 於 2011-10-14 13:57 發表
呢個立法會主席不嬲都係偏幫自己個黨

上一任范太明顯比較公正嚴明

搞到議會立立亂, 佢都好應該要負責
其身不正, 又走去高壓管議員, 你叫那三位點信服
咪同你玩鋪勁
呢一日發生了, 不過到真正最後一次時, 我想會更精彩
放長雙眼看....

原帖由 12A 於 2011-10-14 20:54 發表


搞到議會立立亂, 佢都好應該要負責
其身不正, 又走去高壓管議員, 你叫那三位點信服
咪同你玩鋪勁
呢一日發生了, 不過到真正最後一次時, 我想會更精彩
放長雙眼看.... ...

其身不正係established，高壓又係established，三位唔服都係established。
今次玩鋪勁的係曾蔭權，唔係毓民呀，毓民尋日的行動對我而言已經了無新意。
我用established一字，有預左、一早知、毫不出奇、so what的意味。

請問你心目中的「最後一次」是指甚麼呢？
曾蔭權特首任內最後一次去立法會？
今屆立法會最後一次開會？
解散立法會前最後一次開會？
世界末日前最後一次開會？
特區變直轄市前最後一次開會？


[ 本帖最後由 DIH 於 2011-10-14 22:34 編輯 ]

原帖由 DIH 於 2011-10-14 22:32 發表

請問你心目中的「最後一次」是指甚麼呢？
曾蔭權特首任內最後一次去立法會？
今屆立法會最後一次開會？
解散立法會前最後一次開會？
世界末日前最後一次開會？
特區變直轄市前最後一次開會？
.

想不到你會追問, 暫且係粗字兩個
其他三個和下面呢個...我想我無法預計到時會發生什麼事
我加多左 中共倒台前最後一次開會

正題, 下屆應該會斯文點
三個返唔返到去固然係問題
同埋議事規則好大可能會再收緊
到時玩少少野就可能已經要停賽, 下次會議唔可以入來開會
班議員自然無似樣點

[ 本帖最後由 12A 於 2011-10-14 23:25 編輯 ]

原帖由 DIH 於 2011-10-14 22:32 發表

其身不正係established，高壓又係established，三位唔服都係established。
今次玩鋪勁的係曾蔭權，唔係毓民呀，毓民尋日的行動對我而言已經了無新意。
我用established一字，有預左、一早知、毫不出奇、so what的意味。

其實昨日那2人咁樣出左去, 明顯有D估計唔到, 估唔到2曾會咁樣,
有點手足無措...之後唯有搞人張相...@@

相對上, 今次那2人真係"輸左"(指出位方面)

我覺得根本個4個人已經知道會發生乜事，大家都係按劇本做野講野，唔多似即興
反正今次份施政報告無咩大爭議性....

不過最估唔到既係，特首都會發爛渣
而主席比黃毓民第1個發言，之後梁國雄，再比人趕
我真係唔信係即興....個2個走完，泛民走埋一份

咪可以話泛民唔議政論政囉...

睇見咁既環境，除左"唉"，真係無其他評價

原帖由 kay 於 2011-10-15 13:10 發表
我覺得根本個4個人已經知道會發生乜事，大家都係按劇本做野講野，唔多似即興
反正今次份施政報告無咩大爭議性....

不過最估唔到既係，特首都會發爛渣
而主席比黃毓民第1個發言，之後梁國雄，再比人趕
我真係唔信係即興....個2 ...

你估你想第一個發言就第一個？要抽籤架大佬

原帖由 kp3011 於 2011-10-15 14:38 發表


你估你想第一個發言就第一個？要抽籤架大佬

OK，我講錯.......btw.....咁既然個天都安排場戲，大家都係照劇本做姐

換轉另一位議員問，黃毓民理論上都係會出聲，再重覆事件(佢點都要離場架喇，唔通等到最尾先搞事咩)..
不過佢係第1個發言，間接將件事有機會燒去曾鈺成度