比脫班更黑人憎 - 早開車

站頭咁多人邊有咁易打大丫
而且對頭車會見到
當然 有d人面皮厚就冇得好講啦

有時咁啱前車慢 後車快
前車搞到越行越慢 其實一d都唔奇

一個上落客慢一個猛追絕對唔奇，但係16分鐘真係得尾車先做到……
除非樓主個鐘慢啦！

平田唔會無站長呀話……好難想像有站長都可以打大？定係所有紅綠燈都大開綠燈？

原帖由 barking 於 2011-10-19 23:18 發表
在彩虹邨見277X班次如下

(1) 21:24彩虹開出, 車型3AV, 下層座位70%滿,
**相隔4分鐘↓
(2) 21:28彩虹開出, 車型3ASV, 下層座位30%滿 (熱線員聲稱平田開21:12)
**相隔19分鐘↓
(3) 21:47彩虹開出, 車型3AD, 下層座位 ...

咁(1)距離前車幾多?
如果(1)被前車放甩，咁好正常都會坐得更多客，
照這情況下，第二部3asv 好易追貼前車3av，客少又有幾出奇?
熱線員話開21:12，這是正常該字軌開出時間，定還是該天的實施開出時間?
有時站長都會按照實際營運情況會提早放車
如果有心睇，唔該你去平田睇幾晚，再上黎向我們討論啦，
人地中間經過十六個站加幾支燈，但你就走去彩虹尾站睇班次....結論就話人打大，
未免太笑話吧

同時也有問過熱線員 平田>彩虹 的行車時間, 回覆15-16分鐘

咁(1)距離前車就不知道了
(1)的客量屬正常範圍之內
熱線員話：我睇番記錄呢班車係九點十二分開出咗

原帖由 jessc 於 2011-10-20 20:32 發表
有乜咁奇, 我試過73x後車追到前車, 發生地點在昌運中心往荃灣方向。
可能你話有乜咁奇？條線咁密車......
但同你講發生時間是上午五時五十五分，你又點睇呢？ ...

如果架車響廠遲出車, 正路都係踢佢出前幾個站載客
總冇可能踢佢過對面站, 又或者擺低架車, 等到下轉先開

係啦係啦，學 62X 70X 蛇車打大成粒鐘好無？

中途總會有快有慢，兩班車追得近就係打大架啦咩

你 277X 追密少少就要叫晒救命，唔知等疏車線等成粒鐘先有車，仲要拖三卡，咁我係咪要自殺？

有時D站長都唔係太理打大既事

有D司機鐘意打大一至三分鐘

原帖由 toyl 於 2011-10-21 00:15 發表
一個上落客慢一個猛追絕對唔奇，但係16分鐘真係得尾車先做到……
除非樓主個鐘慢啦！

平田唔會無站長呀話……好難想像有站長都可以打大？定係所有紅綠燈都大開綠燈？ ...

16分平田到彩虹都唔係冇可能
我之前朝早番工搭277X都可以用15分鐘由觀塘法院去到隧道口個站
不過都要個別一兩個跑手先做得到
而且牛頭角同彩虹果兩枝燈唔好彩既話都要等成分幾鐘先轉
前車唔順燈後車順燈既話都好大機會追貼