25/9朝早上網, 見到留廠已經一段日子o既GA5144行返掛牌字軌, 開心都黎唔切, 拿拿聲出發去遊車河. 呢日o既GA5144, 坐落好似零舍勁咁, 2位掛牌車長都開得偏快, 跑埔公山路爽到飛起, 如是者我一坐就坐左轉半 (之後約左人去坐GK3088, 如果唔係我應該會繼續坐5144...  ).
3個難忘o既車程之後, 就係我同5144告別o既時候, 因為72A 26/9開始改為全空調巴士服務, 而部車之後又經歷一段留廠o既時光, 直到今日正式退出載客行列.
呢部車響72A我由佢經歷過冇廣告果段時間開始坐, 之後先後上過2個版本o既保良局廣告, 到17年大限又幸運地成為續命車一份子, 直至今日, 中間有好幾年o既時間經常搭佢遊車河, 部車表現一直唔係突出, 不過勝在同佢有緣, 初初未係好知72A D車務果陣老撞幾次多數都搭到佢, 後期識夾時間要搭佢就更加容易 (冇出車例外), 到而家已經數唔到搭左幾多次. Anyway, 佢帶俾我o既回憶, 我會永遠記得.
Forever memories... S3N356 (GA5144) - 1/6/1994 -28/10/2011 |
