乜o野情況下架車會回火？

今晚收工渣車去旺角接我女朋友，由我公司樓下開車去旺角時途中，沿途俾架白色o既 Chaser 推住，車內有一男一女。停燈口時，架 Chaser o係我後面踩空油，由於我無開冷氣，好大陣電油味傳入我車內。此時，我o係倒後鏡望到架 Chaser 車尾有D燈火，初頭我都無為意，但係當綠燈後，架 Chaser o係亞皆老街o既三條行車線上左穿右插，此時，我好清楚見到佢架車多次o係死氣喉位有回火現像。但係，同我之前見過o既回火現像好唔同 (之前我見過 Diabio SV 有回火)，佢果D火係散開咁噴出o黎，唔係好似我之前見咁閃燃。到底係佢副偈有問題，令引擎不完全燃燒 D 油oY，定係佢架車改裝後引擎出現o既『正常』現像呢？另外，回火會唔會令架車出現動力流失，或者對引擎有不良影響呢？

＊果架載住個女仔左穿右插o既 Chaser，最後都係九龍醫院對出上橋位因為入錯線，而被困塞車o既車龍中，左右，就靠左線過o左佢頭，我接完我女朋友兜返出o黎先見到佢去到火車橋﹗慢﹗

原帖由 FX8173 於 2006-2-9 20:54 發表
今晚收工渣車去旺角接我女朋友，由我公司樓下開車去旺角時途中，沿途俾架白色o既 Chaser 推住，車內有一男一女。停燈口時，架 Chaser o係我後面踩空油，由於我無開冷氣，好大陣電油味傳入我車內。此時，我o係倒後 ...

FX8173兄:
架 Chaser 副偈同死氣喉應該有改裝過。副偈在高轉運行突然收油變低轉時，因引擎內的汽油不能完全燃燒，不能完全燃燒的汽油被迫排出引擎。引擎內部是高溫，加上火嘴點火所產生的火花。不能完全燃燒的汽油與火嘴產生的火花形成火焰，而火焰排出死氣喉。中、大Turbo 車同大cc的 NA車都較容易出現回火。

架 Chaser D火係散開咁噴出，可能係部車有較多汽油不能在引擎內完全燃燒。在一瞬間要噴出較多未完全燃燒的汽油。

噴火係部副偈有「燃燒不良」，長期出現此情況可以影響副偈壽命。

原帖由 DC5 於 2006-2-9 23:17 發表
引擎內部是高溫，加上火嘴點火所產生的火花。不能完全燃燒的汽油與火嘴產生的火花形成火焰，而火焰排出死氣喉。
...

DC5兄:

但係...
火咀產生火花時...生死氣嘩佬已經全部關閉,火焰唔可以排出死氣喉

我之前睇書講過....
副偈排到咁上下...死氣喉就有咁上下溫度(足夠點著d電油)
因為有d燒唔晒既油排左出死氣喉...
而死氣喉又唔夠氧氣比d油燒..
所以d油一排出死氣喉就搶火...所謂既打炮
有電油味係架車用左假催化.....

另一方面打炮又可以證明架車響高轉時夠油燒....

[ 本帖最後由 6008-JU1220 於 2006-2-10 13:06 編輯 ]

原帖由 6008-JU1220 於 2006-2-9 23:49 發表


DC5兄:

我之前睇書講過....
副偈排到咁上下...死氣喉就有咁上下溫度(足夠點著d電油)
因為有d燒唔晒既油排左出死氣喉...
而死氣喉又唔夠氧氣比d油燒..
所以d油一排出死氣喉就搶火...所謂既打炮
有電油味係架車用左假催化..... ...

我又聽人講過架車打炮係因為d電油有水o係入面, 係咪真呢?

原帖由 yoyotown 於 2006-2-10 12:24 發表


我又聽人講過架車打炮係因為d電油有水o係入面, 係咪真呢?

唔關電油有水事.....