專利巴士自動波箱疑問

(唔知道應該post在B2或V2版,如有錯版請代為更正)
恕小弟不熟識汽車技術
現時香港的專利巴士100%使用ZF,Voith等自動波箱,一樣都係重型商用車,為何這些自動波箱卻不流行於旅遊巴士,貨車,貨櫃車拖頭,泥頭車,田螺車等其他車款?大部份這些車輛都多用手動波箱(棍波)?
成本問題?技術所限?
調番轉各大專利巴士公司只會用自動波箱,不會考慮用手動波箱,聽說過是為了車長的工作舒適些,是真的嗎?

而家中旅 ,永東 ,廣通等直通巴同部份旅遊巴已有專利巴士所用的自動波操控 , 但一些小型
旅遊巴公司如果用自動波往往增加維修自動波的費用 , 原因自動波維修費比掍波貴 !相反呢
類小型旅遊巴公司用棍波由於棍波維修費冇自動波貴 ,所以用棍波旅遊巴較有利 ! 同埋自動
波旅遊巴車價亦較棍波旅遊巴為貴 .至於貨車,貨櫃車拖頭,泥頭車,田螺車用棍波原因係如果上述
車種負載重的貨物, 或拖啲重型物件棍波可以用合適波檔在行車時應付不同重量的貨件..但自動
波由於係個波箱自動轉波關係 , 所以在載重時未必霊活使用一個合適波檔行車時來應付不同重
量物件等....所以貨車,拖頭仍用棍波為主力 ...

其實睇間公司既大細, 始終自動波維修同單價高過手波, 一d大既重運公司,好似kanson咁, 佢地d車都系zf自動波多. 始終運作成本大於一切

目前還有嶼巴ISUZU LV423R仍採用原廠七前速手動波箱

故此香港專利巴士並不是100%自動波

建議立法要重型車輛配備自動波
皆因現在重型車輛起步, 尤其上斜, 一波轉二波的換檔過程令車輛大幅減速, 對尾隨車輛構成險阻

原帖由 barking 於 2011-11-10 00:18 發表
建議立法要重型車輛配備自動波
皆因現在重型車輛起步, 尤其上斜, 一波轉二波的換檔過程令車輛大幅減速, 對尾隨車輛構成險阻

90年代初D重型貨車自動波如Benz咪一樣慢，仲會跌到好低先轉，跟本無關
力營重運車用ZF液壓自動波，純屬重運用途.....

而近期唔少Scania貨車都用自動波，佔有率一直上

唔用自動波不外乎幾個原因，波箱唔夠smart...上世紀唔少貨車自動波都幾嚇人，Benz果幅一見斜就淋，現在ISUZU果幅都唔見得好.....

2來傳說棍仔保養易，不過現今講經濟性的年代自動波一定越多越多....

而貨車重量差大，要多檔段，近期有D新ISUZU水泥車30噸用7速棍，表現未如理想.....今時今日無9個波真係悲劇

而巴士自重差少，輕同重頂多差一個檔位就爬到上去，只要配合適的尾牙就完全無問題


現在除了特殊重運外，基本中重型車用的自動波都係行電腦離合.....又同巴士不一樣的

[ 本帖最後由 DGCNYO 於 2011-11-10 01:05 編輯 ]

原帖由 HE7921 於 2011-11-9 23:03 發表
目前還有嶼巴ISUZU LV423R仍採用原廠七前速手動波箱

故此香港專利巴士並不是100%自動波

嶼巴還有 MS 用手波。

原帖由 3asv322 於 2011-11-9 18:36 發表

......

調番轉各大專利巴士公司只會用自動波箱,不會考慮用手動波箱,聽說過是為了車長的工作舒適些,是真的嗎?

為了車長的工作舒適些？睇怕唔係啦！睇嚟佢哋只係想用自動波箱作為強制慳油的手段。

棍波在各大專利巴士公司的心目中有一個問題，就是助長車長長期令引擎維持高轉數行駛的機會，令他們的慳油夢碎。

因此他們認為自動波就可以減少這個問題出現，因為他們可以乘機例如把巴士tune到很快轉波，把鎖波掣拆除，甚至有些巴士連kick down功能也拆除，令引擎維持高轉數行駛的機會大大降低，從而令他們的慳油夢能夠實現。

當然付出的代價就是他們的巴士起步慢，上斜冇力等，其整體的行駛表現隨時更差於同類型的棍波車（這樣用自動波法似乎愧對於自動波發明者）。雖然結果會令整體的行車速度變慢，但是有這樣的心態的公司多是賺到賺多賺少都完全沒有所謂的公司（這亦是巴士服務專利化的其中一個惡果），只要他們的巴士不是完全被困於斜路他們不會認為有問題。

這裡有不少關於巴士起步慢，上斜冇力等的討論，例如http://www.hkitalk.net/HKiTalk2/viewthread.php?tid=640851和http://www.hkitalk.net/HKiTalk2/viewthread.php?tid=649901。

[ 本帖最後由 doraemonpaul 於 2011-11-10 19:50 編輯 ]

原帖由 doraemonpaul 於 2011-11-10 19:42 發表


為了車長的工作舒適些？睇怕唔係啦！睇嚟佢哋只係想用自動波箱作為強制慳油的手段。

棍波在各大專利巴士公司的心目中有一個問題，就是助長車長長期令引擎維持高轉數行駛的機會，令他們的慳油夢碎。

因此他們認為自動波就 ...

大嶼山埋man個自動波一路都有鎖波掣同K/D, (青年就唔知有無K/D, 不過無鎖波)

做埋d將kd同鎖波廢哂的蠢事的公司應該只係係九巴做得最出。

同埋而家ZF的自動波都係上斜電腦會自己鎖波, 落斜會自己拖波

原帖由 DGCNYO 於 2011-11-10 00:55 發表

90年代初D重型貨車自動波如Benz咪一樣慢，仲會跌到好低先轉，跟本無關
力營重運車用ZF液壓自動波，純屬重運用途.....

而近期唔少Scania貨車都用自動波，佔有率一直上

唔用自動波不外乎幾個原因，波箱唔夠smart...上世紀唔少 ...

同埋而家自動波比例高過以前, 最主要係近年AMT做得愈來愈成熟

其實AMT根本就係棍波底再將轉波同離合自動化左佢, 技術上同而家專利巴士用的傳統自動波好唔同。