TVB萬千星輝頒獎典禮2011賽果預測

剛剛上網見到佢開始俾觀眾投票，雖然年年都係最後以高層想法為最後答案，不過由09年開始都幾接近民意，所以大家也一齊去投票表示下我們的想法，另外一提今年頒獎禮會係12月5日星期一舉行，我先講下自己心水選擇

最佳男主角:鄭嘉穎(今年破格演出，將角色神髓充份展現出來)

最佳女主角:胡杏兒(演出今次有驚喜，演技在今年演出花旦中比較好的一個)

最喜愛電視男角色:謝天華(角色很搶眼，不過可惜同兩年前無大分別，所以只選佢做男角色)

最喜歡電視女角色:鍾嘉欣(角色外冷內熱表現突出，接近尾段喊爆一幕令人印象深刻)

最佳男配角: 黃智賢(多場場面表現突出，令人有深刻印象)

最佳女配角:胡定欣(有突出的表現，法庭戲更令人有深刻印象)

飛躍進步男藝人: 林子善(佢的演出總是得意又可愛)

飛躍進步女藝人:黃智雯(近年最耀目新人之一，整個候選名單以佢演技最穩陣)

最佳劇集:真相(以tvb法庭劇集比較少有的角度去看案件和法律的灰色地帶)

最佳節目主持:草蜢(整個遊戲佢地玩埋一份，很是投入)

最佳綜藝節目:變身男女chokchokchok(整個節目係新嘗試很有新鮮感，整個遊戲連觀眾都可以玩埋一份)

最佳資訊節目: 香港演義(回顧一些舊事物，令觀眾勾起一些舊回憶)

tvb.com微博大獎: 陳法拉 (作為現時tvb最搶眼的花旦之一，國內外fans眾多)

最後講埋網上投票網址: http://event.tvb.com/tvb2011/tvbaward/voting/

個人預測當晚賽果
純粹根據TVB+其他觀眾既所謂個人喜好及反應而作出推測
所以不作解釋

最佳男主角:謝天華/鄭嘉穎, 機會均等,視乎到時情況而有所變化
最佳女主角:陳法拉
最喜愛電視男角色:黃宗澤/鄭嘉穎, 個人覺得都係50/50
最喜歡電視女角色:鍾嘉欣
最佳男配角: 黃智賢
最佳女配角:陳敏之
飛躍進步男藝人: 林子善
飛躍進步女藝人:馬賽
最佳劇集:怒火街頭
最佳節目主持:金剛+小儀
最佳綜藝節目:變身男女chokchokchok
最佳資訊節目: 水之源
tvb.com微博大獎: 林峰, TVB應該送個獎俾佢既


至於下面所打既真係自己心水
因為咁會稍加解釋
只不過呢,呢個結果我估應該得部分會實現
調轉由豬肉獎貼番上黎先

tvb.com微博大獎 :
棄權,因不太熟悉TVB各藝人微博

最佳資訊節目:
街坊廚神,難得介紹下D草根美食,好過次次睇蔡瀾廁哥so c 黃果d...

最佳綜藝節目:
棄權,幾個節目都揀唔落手

最佳節目主持:
金剛+小儀, 幾有火花,唔錯

最佳劇集:
仁心解碼,難得部劇都冇咩大cast都好睇
港版GERE同徐子珊兩個既感情線幾好睇
加埋黃浩然+蔣志光,不禁諗起花樣中年

飛躍進步女藝人:
棄權,5個都揀唔落手,馬賽同高LING係花樽,鵪鶉妹同katy唔突出,樂曈做個港女學生
一味大聲巴渣,似做番自己,冇咩演技可言

飛躍進步男藝人:
林子善, 估唔到扮斯文都唔錯
其實個人偏好JASON,不過阿sam一角冇咩大驚喜,極其量都係入屋左少少

最佳女配角:
都係棄權,睇番15個名單都冇咩太突出+驚喜,所以棄權

最佳男配角:
黃智賢,同舊年麥包一樣搵到個爆到既角色,都應該輪到辣薑哥啦

我最喜歡電視女角色:
鍾嘉欣,miss cool個性格+遭遇完全係人見人愛車見車載,絕對符合"我最喜歡電視女角色"
既主題,雖然鍾嘉欣係我心目中仲係扮唔到惡,一做d惡既場面就覺得佢即刻見底

我最喜愛電視男角色:
歐錦棠, 其實鍾國楝呢個角色幾難做,特別係後期失明果幾集
可能佢身同感受會容易handle,而且佢角色身世都幾慘,睇到有少少同情佢添

最佳女主角:
棄權,15個名單冇咩亮點
法拉楊怡司祺姐徐子珊既演出冇咩驚喜
花家姐個角色完全失敗
至於胡小姐,連想聽佢解釋同演出都費事

最佳男主角:
陳展鵬,真相入面成個角色好有台型,俾人感覺真係PROFESSIONAL
而且佢劇入面角色正氣
完全脫離左亞視倒霉既影子