真正「火車」時間表

o係某討論區見到咁既野

1925年九廣鐵路英段詳細時間表
http://i.minus.com/ibqQRa36jL2qRU.jpg


原來，唔係剩係機場快線同日本有詳細時間表，睇返而家.....

比較值得留意既，係當年尖沙咀來回深圳(依圖中Shumchun估計站名)，官方時間係58-61分鐘，係咪真我唔知。我只知近百年後既今日，相若既路程，尖東來回羅湖(其實比當年短左少少，因為尖東站比當年鐘樓旁既九龍站東移左少少)，官方時間46 分鐘，但事實呢........隨時太和去紅磡都已經咁上下(尤其南行碌車比較嚴重)。

如果計尖東來回羅湖，連埋等車(西鐵線的疏車，紅磡站差勁的轉車安排，尤其係南行東鐵轉西鐵，隨時要走幾卡....)、東鐵既不穩定因素(經常碌車、o個D理論上唔太多，但就唔知點解硬係冤魂咁既東風、韶山、KTT......)，真係隨時差唔多成粒鐘。

近百年來，行車時間居然近乎冇進步，這就是東鐵。如此的服務質素，收費較其它港鐵路線為低，絕對合理。

1925年，由尖沙咀去羅湖，有幾多個車站？
今時今日，由尖沙咀去羅湖多左幾多個車站？

1925年，一天有幾多班列車？
今時今日，一天有幾多班列車？

1925年，發車間隔多少分鐘？
今時今日，發車間隔多少分鐘？

1925年，一趟列車載多少人？
今時今日，一趟列車會是1925年的多少倍？

1925年，火車誤點是家常便飯的事。
今時今日，出事8分鐘已經要公佈天下了，人人投訴。

請問兩者相差如此遠，你單憑行車時間改變不多而下定論，東鐵質素未有改變是否過份天真？

[ 本帖最後由 railfan 於 2011-11-14 21:00 編輯 ]

樓主介唔介意延長少少作編潮文
為壇增光

太和去紅磡點搭到46分鐘出黎?(唔好同我講故障)

原帖由 tomtom2015 於 2011-11-14 21:41 發表
太和去紅磡點搭到46分鐘出黎?(唔好同我講故障)

我由粉嶺去紅磡都係35至36分鐘車程,
再夾硬計埋中途站避直通車+6分鐘,
頂盡都係42分鐘
煩請樓主解釋太和站至紅磡站46分鐘車程是如何得出

呢篇真係一篇潮文，既沒有可靠既計算方法，
而且比較緊既野，根本係無可能就咁比較兩者

舊時行車時間長，用既列車同埋站數你無納入考慮範圍，
咁基本上你個所謂既"行車時間相若"既言論係不成立

原帖由 mckhgc 於 2011-11-14 20:42 發表
o係某討論區見到咁既野

1925年九廣鐵路英段詳細時間表



原來，唔係剩係機場快線同日本有詳細時間表，睇返而家.....

比較值得留意既，係當年尖沙咀來回深圳(依圖中Shumchun估計 ...

如果無記錯，其實每條港鐵線其實都有timetable（輕鐵唔清楚）
不過比唔比你拎到時間表咁解

原帖由 railfan 於 2011-11-14 21:57 發表
1925年，由尖沙咀去羅湖，有幾多個車站？
今時今日，由尖沙咀去羅湖多左幾多個車站？

1925年，一天有幾多班列車？
今時今日，一天有幾多班列車？

1925年，發車間隔多少分鐘？
今時今日，發車間隔多少分鐘？

1925年，一趟列車載多少人？
今時今日 ...

公開的時間表已經唔存在
八分鐘機制已經名存實亡....
其實東鐵都成日出事,睇MTR update就知

另外我唔覺得佢比較方法有問題
任何鐵路路線改良都係想方便市民,縮短行程時間
如果因為加站而搞到仲耐左真係叫D客情何以堪?
咁就要開返快速列車飛咁D細站

當然今日的各停服務(~45min)與25年的特快(43min)比較就無意義,因為兩者對象都唔同
不過其實電氣化之後加左幾個站都好,總行車時間比電化前有所縮短

[ 本帖最後由 herman15hk 於 2011-11-15 22:41 編輯 ]

原帖由 ASV50 於 2011-11-15 05:13 發表


如果無記錯，其實每條港鐵線其實都有timetable（輕鐵唔清楚）
不過比唔比你拎到時間表咁解

多謝世界級公司,以前LAR都有時間表貼出來....

我知道有班表係網上流出過,亦有鐵路迷拎住佢當寶,誰不知係過左期班表