中華巴士最速傳說

最速傳說，當年中記師父揸住部VA/LA係條東廊閒閒地都8/90km/h，LM甚至可以以5分鐘跑完成成條東廊，CX算係慢

恕小弟出世遲，我未搭過LM，未能感受到佢地有幾咁「最速」

之不過有人以標題誤導佢為由扣我分，我就覺得很無奈。我未搭過之前嘅「最速」，又見到CX喺東廊一枝箭般行駛，快過其他車，就自然覺得佢係「最速」。難道我覺得曾蔭權是全世界最英俊的人，你又話我誤導？難道你不能容許別人有主觀看法？如果我話老虎蘭係屯公「最速」，係咪又誤導你，因為之前有ME呀？如果我求其搵個近年的女藝員話佢最性感，你係咪又話以前有狄娜，我誤導你？

既然如此，我以後開post嗰陣啲標題全部好似報特見咁，「中巴CX4@東廊」、「FP6583@66」算啦，保證冇誤導

跟下相算

跟東廊CX

原帖由 MF2648_AVBW8 於 2011-11-19 22:06 發表
恕小弟出世遲，我未搭過LM，未能感受到佢地有幾咁「最速」

之不過有人以標題誤導佢為由扣我分，我就覺得很無奈。我未搭過之前嘅「最速」，又見到CX喺東廊一枝箭般行駛，快過其他車，就自然覺得佢係「最速」。難道我覺得曾蔭權是 ...

如果係咁你就唔該唔好用傳說兩個字喇

傳說（legend）又稱傳聞、流言，是指在文字尚未發明的時代，人們要對歷史紀錄，只能夠利用口耳相傳的方式，因此傳說通常不可考證，所描述的事件發生年代遠在文字發明前的遙遠過去。

唔識中文又要死撐

[ 本帖最後由 Oliver_ME16 於 2011-11-19 22:47 編輯 ]

原帖由 MF2648_AVBW8 於 2011-11-19 23:06 發表
恕小弟出世遲，我未搭過LM，未能感受到佢地有幾咁「最速」

之不過有人以標題誤導佢為由扣我分，我就覺得很無奈。我未搭過之前嘅「最速」，又見到CX喺東廊一枝箭般行駛，快過其他車，就自然覺得佢係「最速」。難道我覺得曾蔭權是 ...

傳說呢兩個字我諗你識解咖可?

老老實實,住左港島咁多年都未坐過LM, 不過由巴迷口耳相傳都知佢快車, 咁呢個先係叫傳說.
樓主再兜只會更難看

[ 本帖最後由 herman15hk 於 2011-11-20 05:17 編輯 ]

其實文章標題形容以下車輛相信更為貼切：

1.文錦渡北行路段左邊既 AL2

2.係英國東部已退 (相信部分車輛已肢解) 既 ex-LM


LM 的機械配搭同行走路線幾乎注定左當代快車傳說
不過其實以中巴經營版圖同零件貯存原因而推算佢買車思維，
相信 LM 原裝尾牙比例應該同九記老虎蘭/中巴 LA 原裝尾牙無大分別
極速應該都差唔多

頂龍只係細一個碼，似城記 2xx
(感覺上城記短蘭尾牙比例較其他專利利蘭細，但估計又比非專蘭大)
又或者其實係 LA/其他公司利蘭服役期間陸續換大尾牙
只剩下行車表現相對經鬆既無冷氣車繼續不變


AL (3軸 Volvo B55) 用 6.7 公升引擎爆 19x-20x 匹馬力出黎
加埋 Voith D854 波箱 (據講 AL1 因為零件問題後期已換上 D851.2 同較大尾牙)
極速應該好驚人
平時搭 TD豪配 Voith 3波 2500轉飛公路/衝落西隧已有 85kph 前後，
估計 AL 尾牙比例應該相距不遠
(兒時無特別留意 AL1/2 起步表現，不過係英國親眼見過保留做校車既兩軸 3波 Ailsa
起步加速同一般 3波車差唔多，波段唔會特別長或者短；
早期巴士討論區亦偶有版友見證或回憶 AL2 60-70 mph 飛東廊/西隧)


CX 或者 DC 都唔慢
感覺上批車尾牙比低地台飛鏢細
車又比低地台飛鏢輕
里數又少
以港島區路面應該已經夠飛有突
只係表現機會不多

[ 本帖最後由 HW8373 於 2011-11-19 18:44 編輯 ]

真係諗極都唔明點解有人可以用肉眼睇得到一架車嘅車速！

就算你話快過其他車又點？你又知道當時其他車嘅車速嗎？

仲有，如果樓主好多中巴車都未坐過，標題就唔該加返“現役”兩個字係咪會好少少？