作為交通迷的反思

前幾天在街上碰到一位巴士迷朋友，我還沒開口，他就已經用手掩住胸口。
我問他是不是不舒服，他說沒甚麼，向來都是這樣，只是肚間中有點痛。
再看清一下他的樣子，雙眼無神，臉色偏黃、偏黑，沒有那種年輕人應有的活力。
我問他，「你近來有沒有運動？」他說沒有……

其實不單是這次，八月港鐵上環封站進行工程，
剛巧路過的我也看到不少到場拍照的巴士迷精神不振，臉色很差……
我覺得長期以來，不少交通迷可能因為喜歡拍照，
往往很少放下相機，去參與一些對身心和健康皆有益的休閒活動（尤其是體育運動）。
後果呢？是身體狀況差，沒有精力，更嚴重的是生活壓力太大，
對於某些人而言，更可能因壓力大變得思想偏激，喜愛撩事鬥非，甚至精神錯亂。
比如像italk這裡，每天都發生胡亂扣分、屢勸不改、為一二字而爭論不休等。

我不是一竹篙打一船人，但作為大家的一分子，我感受到有很多交通迷都不注重體育運動，
每一次網聚均離不開交通，至於休閒活動如踩單車、踢足球，則屈指可數。
即使在italk內，每逢有體育的新聞和討論，該帖子都一定「拍烏蠅」。
香港的交通迷，是否應該反思一下呢？

（個人認為香港交通迷人數雖然不多，但實際上也不少，如果說要為交通迷舉辦體育活動，我認為條件和人數上是絕對足夠的）

拿, 說話唔好亂講呀...

上星期練長跑, 經過南昌站時,
見到有巴士迷衝出馬路影車,
跑得仲快過我呀！

再者, 雙眼無神，臉色偏黃、偏黑,
乃係典型毒男表徵, 毒到入骨者尤甚！


[ 本帖最後由 kwyeung 於 2011-11-28 01:25 編輯 ]

記唔記得hkitalk.net以前個中文名稱？

「樂在生活互動區」嘛！

除左交通同影相，人生仲有好多樂趣ｏ既！

應該唔止係交通迷掛？
而家時下年青人好多都缺乏運動…

原帖由 peterpan 於 2011-11-28 14:40 發表
記唔記得hkitalk.net以前個中文名稱？

「樂在生活互動區」嘛！

除左交通同影相，人生仲有好多樂趣ｏ既！

子非魚, 安知魚之樂？
如果覺得自己生活很好, 別人怎看又如何？
人於不同時期, 對生活態度有不同看法。
時辰未到, 怎樣說也不能改變一個人。

曾幾何時, 我以為讀書工作是一切,
沒有追車影相, 一樣貌似病壞書生, 思想偏激, 喜愛撩事鬥非。
有閒情可以在網上跟個素未謀面的人激辯幾十頁,
到人家無聲可出時, 我會自我感覺良好。
事實上, 可能係我只會死做死讀, 但體育唔掂, 追女仔唔掂,
生活苦悶才要找方法「自我感覺良好」。

又不知何時何刻, 我再沒有跟人網上激辯的閒情,
講一次你聽唔明又要撐, 解釋多一次, 但唔會有第三次。
我亦開始沒興趣去遊車河、打機。
如果有時間, 為甚麼不多行兩次山、玩多次市區長跑、看多本書？
世界咁大咁靚, 做乜要浪費時間係陌生人身上？

價值觀會變, 今日迷巴士, 十年後、廿年後？
可能 gone were the days, but who knows?
又好似早幾星期, 有新板友投訴我打錯字都有人加分,
我當然覺得好小事, 小朋友唔高興, 咪搵篇文加佢分等佢開心番。
不過, 十年前仲係益仔時, 我一樣會好重視呢D無聊野。

所以我唔覺得特別需要反思, 需要的只是時間。

原帖由 SSBT 於 2011-11-28 21:03 發表
應該唔止係交通迷掛？
而家時下年青人好多都缺乏運動…

難得有個post我真係好有興趣討論

時下年青人少運動是事實,
而交通迷越來越少人會運動亦是事實。

我記得遠古時代, 曾經要由N板拆個體育板出黎,
A10板初時最多人貼的是山徑相片。
而家體育板唔知去左邊, 郊區相片搵多張都冇,
體育post就更少, 一年頂多兩個,  
仲要係首相大人用黎宣傳佢會跑 / 已完成渣馬。

學樓主話齋, 有板聚都未必一定係遊河,
規模細D, 10-20人一齊行山、跑街聯誼下, 都未嘗不可。

我以前都喜歡行山、但出來工作之後經常和朋友不同假日、只有自己去又危險，現在只是放假去踩單車影下相而已...........

其實我都真係好想運動
但一要考AL
有時間想訓覺多過做運動...

原帖由 Snoopy@FB8617 於 2011-11-29 23:59 發表
其實我都真係好想運動
但一要考AL
有時間想訓覺多過做運動...

作為過來人, 我認真覺得AL唔應該日讀夜讀,
讀得多仲唔入腦, 浪費時間哂心機。

以前AL可以日讀18個鐘,
最後反而考得麻麻 (雖然都係碌到入D所謂神科)。
初時入到U又係日讀夜讀, 結果gpa插水。

後來把心一橫, 每日運動一粒鐘,
唔會成日眼訓, 專注力強左, 諗野快左, 反而谷底彈上頂。
生活態度係絕對會影響效率。

#1：
那位朋友似乎唔只係缺少運動咁簡單，可能係胃部有問題，
我會建議佢去檢查一下，及留意飲食習慣。

#9：
我自己由小學到大學都算係成績唔錯，
而我係唔會好似其他人咁讀通頂呀、唔食飯唔出街呀、死操爛操呀咁，
我認同最重要都係要精神好，step 1聽得明、step 2記得快、step 3溫得精，無往而不利。