昨天啟行禮相關新聞

原帖由 神奇50 於 2011-12-3 16:59 發表
今日見到#168,171同#173都有行
#168@WD6042
#171字軌不詳
#173@WD6120

#171 - WD6053

#173近中午被安排開往筲箕灣；
#172、#174今天下午所見仍然留廠。

[ 本帖最後由 ML29 於 2011-12-3 19:32 編輯 ]

乘坐報告.
搭左 171 173 快就真係好快，用住8衝仲快過巴士，不過根本發揮唔到，坐感係無好感，欠缺所有電車特色，特別係聲音上 ..
由內到外都面目全非，完全唔明白點解有關方面講得出"能夠保留電車特色"
電車係為特色為懷舊為回憶又平車比港島代步而生存定係同巴士港鐵死過而生存，我唸班法國佬要好好考慮一下..
架車快又快得幾多 ? 香港地..一日咁多唔順燈同人.. 一日唔畫返全專線，就算比你架電車開到200km/h都無用
我真係唔覺得全部翻新可以爭取都幾多客..唔好話爭取，留唔留到幾多客都係問題 ..
其二，雖然個人梗反對電車裝冷氣，不過你一日唔裝冷氣，話之你將架車改到點，果班熱下都會叫救命嘆慣唔識咩叫節約環保既人咪一樣唔會搭 ..
即係來來回回大致上都係同一班人 ..
咁做法遲D西環 MTR 通車，最後浪費咁多資源同錢..最怕都係拉唔到又留唔到客，一敗涂地
搞好D制度，等班員工有士氣上下一條心同你抽做生意好過個個唔願做，你做埋我果份啦 ..
再睇下點做好行車配套好過搞新車 ...
呢間公司的確有心做，係好，不過都做事制點既野...先有用囉..

[ 本帖最後由 38．HKT．138 於 2011-12-6 14:53 編輯 ]

原帖由 38．HKT．138 於 2011-12-6 13:01 發表
香港地..一日咁多唔順燈同人.. 一日唔畫返全專線，就算比你架電車開到200km/h都無用

有些轉右的行車線正正在電車路軌，例如：
．筲箕灣道西行與太康街交界（專利巴士線）
．英皇道西行與糖廠街交界
．英皇道西行與油街交界
．德輔道中西行與禧利街交界（專利巴士線）

有不少司機在這些路口前會刻意與電車鬥快，不讓電車前進，試過有一天晚上乘電車往北角，到了英皇道西行與糖廠街交界前不足十米突然被一輛七人車超前並駛往轉右的行車線，結果電車要急剎車並向前車響長按。

原帖由 hkaiw 於 2011-12-6 13:37 發表

有些轉右的行車線正正在電車路軌，例如：
．筲箕灣道西行與太康街交界（專利巴士線）
．英皇道西行與糖廠街交界
．英皇道西行與油街交界
．德輔道中西行與禧利街交界（專利巴士線）

有不少司機在這些路口前會刻意與電車鬥快，不讓電車前 ...

無錯喇，呢D死症一日唔解缺架電車搞到五星級都無用
又例如 SOGO 出面東行到商務，一早應該畫返專線，點解我要同堆巴士塞埋一齊(呢個我相信唔係電車公司問題)
不過呢D配套係咪可以有做好D既空間 ?
講真，員工士氣真係好重要
制度唔好(聽大部份師兄提出，我唔係員工唔知啦)一個碌車博做行小，對運作帶來影響有幾大公司知唔知 ?
客等得耐走的有，慢成咁搭到怕唔再搭又有，回唔切車班次失誤流失幾多客 ?
唔通架車有速度個個就會衝住去唔裝碌吊 ?
電車唔係巴士一個司機玩野後面可以爬頭，草根問題都搞唔好，搞咩鬼翻新 .... 多餘.....

係呀, 我初初出師都中意抽架, 不過, 俾人投訴快, 公司唔幫你, 有意外就算唔關你事都係麻煩(因要用自己時間寫報告等等...), 新舊人待遇天與地, 搏命請人搏命走人. 而家 ? 啋你都傻, 有人碌我拍爛手掌 !