當年今日：九巴70線最後一日提供服務

行走上水至佐敦(匯翔道)的九巴70號巴士線，2008年今日最後一日提供服務，吸引大批巴士迷和一般市民親臨拍照留念和親身乘坐以緬懷一番。

70線原稱19線，1968年1月27日開辦，配合獅子山隧道通車，行走上水至佐敦道碼頭之間，1973年改稱70號。70線的服務範圍廣泛，包括上水、粉嶺、聯和墟、大窩西支路沿線、大埔墟、大埔公路沿線、沙田、九龍塘、油麻地及佐敦。由於服務範圍廣泛，行車路線相對較為迂迴，隨著九廣鐵路於八十年代初全線電氣化，加上來往新界東至九龍的道路網變得完善，更多來往該兩地的特快巴士線陸續開辦，使70線的客量長期處於嚴重偏低的水平，後來更成為五條虧蝕程度最嚴重的九巴路線之一，虧蝕金額到了2008年甚至進一步上升至八百萬。九巴多次提出取消70線都被區議會反對，最終聯同運輸署動用行政手段，宣佈由2008年12月7日起永久停辦70線，由新路線271P及12組八達通轉乘優惠及七組即日來到優惠取代。

在70線最後營運日的晚上，大批巴士迷聚集在上水及佐敦兩邊巴士總站拍照，不少人更特地留守至午夜，見證70線尾班車開出一刻，或等候乘坐70線尾班車。到了凌晨尾班車時間，由於候車的人太多，九巴需要在兩邊總站合共開出五班車接載乘客。尾班車於凌晨二時後陸續抵達兩邊總站，在巴士迷的一片歡呼聲下，70線超過三十五年的歷史使命正式完滿結束。

[ 本帖最後由 3AD172004 於 2011-12-6 23:45 編輯 ]

70最後一夜，咁快就三年，我覺得猶如早排發生既事咁新鮮…

每次想起，總會順便想起批坦蘭蘭，同埋同部滅蚊蘭…

.

↓　最　後　既　７０
模 型 盒 上 所 用 既 圖 片 (由 小 弟 拍 攝)




↓　真　正　既　尾　車





.

[ 本帖最後由 n281 於 2011-12-7 01:39 編輯 ]

我咪當年搭尾班冷馬出佐匯既其中一人，場面熱鬧非常。
真估唔到咁就3年喇！(OT)職位都冇轉過 。

原帖由 AVW28 於 2011-12-7 07:51 發表
我咪當年搭尾班冷馬出佐匯既其中一人，場面熱鬧非常。
真估唔到咁就3年喇！(OT)職位都冇轉過 。

小弟當年是搭尾車出佐匯的第一班,因為當年我叫老友晚上9點幾開始排隊,我自己就9點半係佐匯搭入來,之後到我排隊,老友出去影車,然後一起搭尾車出佐匯,
之後飛的回家.

我相信要到明年熱狗尾日才會出現那種震憾了.

我選擇早兩日係埔公影，始終覺得影70加埋綠色樹木先代表到70。

雖然當晚返緊工，但見到電視新聞內的情景，感受到現場有幾熱鬧。

好有印象自己在尾二日搭70，入上水全程。
用車:GK3088。
然後在上水站再搭全程70X去觀塘。因巧合地當時觀塘IVE做helper。
就咁樣過左畢生難忘的70旅程。

最後一日因有事做，沒有空閒時間去送70，所以選擇尾二日去搭。

我當晚選擇搭往上水尾車, GK3088, 事後才知道原來往佐敦尾車咁熱鬧, 早知入上水搭啦... 咁就三年.

如果70 仲未死, 相信已經全冷了...