東鐵線列車廣播更新

原帖由 kp3011 於 2011-12-19 19:40 發表


你估 PA system 係一部 iPod，經 iTunes 剔左佢入落去就得嘅咩？定係以為好似巴士電牌生產商咁好死，比埋套 software 你整電牌 data？

咁樣改廣播要搵翻廠商 update 個 embedded system ，閒閒地都講緊三十幾萬，如果唔係廠商 ...

唔怪得輕鐵唔肯改 pa囉

原帖由 dongfeng 於 2011-12-20 01:15 發表
那麼前九鐵線列車的下一站廣播，可否由即將到達下一站播，改為列車完全離站後即播(前地鐵線廣播模式)？

九鐵系統站距較長，如果一開車就播，可能快到下一站時已經唔記得了。
一般乘客就話可以睇站牌，如果乘客係失明的呢？佢唔記得就無線索架喇喎。
馬鞍山綫站距短，就開車播定臨到站播都冇乜分別。

而家大概只有M車由大圍開去九龍塘係在開車後播，
位置大約係沙田嶺隧道入口至畢架山隧道入口，而千九就在隧道內播。

原帖由 DIH 於 2011-12-24 11:56 發表

九鐵系統站距較長，如果一開車就播，可能快到下一站時已經唔記得了。
一般乘客就話可以睇站牌，如果乘客係失明的呢？佢唔記得就無線索架喇喎。
馬鞍山綫站距短，就開車播定臨到站播都冇乜分別。

而家大概只有M車由大圍開去九 ...

MLR車羅湖去上水都是出站不久就會播, SP1900的廣播, 大多數在入站前播, 落馬洲去上水就最明顯, 差不多出隧道才播, 但是MLR在出落馬洲出站不久, 在架空橋已經播了

原帖由 DIH 於 2011-12-24 11:56 發表
而家大概只有M車由大圍開去九龍塘係在開車後播，
位置大約係沙田嶺隧道入口至畢架山隧道入口，而千九就在隧道內播。

若干年前九鐵乘客聯絡小組有成員提出，MLR列車在隧道時行走時車廂內的噪音大，乘客難以收聽廣播，所以九鐵將南行列車
在畢架山隧道播放的PA提前到入大地龍之前。相信現在落馬洲至上水的MLR列車在入洲頭隧道前播PA都是為了遷就車廂噪音問題，
至於SP-1900列車的PA就無需為此作出特別考慮。

原帖由 tonyng 於 2011-12-25 11:19 發表

若干年前九鐵乘客聯絡小組有成員提出，MLR列車在隧道時行走時車廂內的噪音大，乘客難以收聽廣播，所以九鐵將南行列車
在畢架山隧道播放的PA提前到入大地龍之前。相信現在落馬洲至上水的MLR列車在入洲頭隧道前播PA都是為了 ...

其實MLR 係手動定自動廣播架??
因為我每次搭MLR 都唔係同一個位播PA
特別係火炭同大學之間呢段
差唔多次次都唔同
去火炭有陣時又播左落車門位置先至播報站

原帖由 mmlcs36 於 2011-12-19 23:19 發表


M車加普通話果時都唔係一晚搞好哂

呢樣野令我想起一個疑問
o個時港島線上環站臨時封閉o既時候，荃灣線金鐘站PA同港島線PA 都改用過臨時版
咁呢個情況係唔係預先入定資料先，然後o係改動其間由車長咁出黎? 定係自動呢?

原帖由 ate_58x 於 2011-12-24 11:55 發表



唔怪得輕鐵唔肯改 pa囉

其實搵人投訴到公司覺得煩，之後就會學許冠傑咁唱：「D錢係會繼續黎」

度縮公司一向都係唔急嘅排期排到幾十萬年後先到你，有大人物投訴啦，就即刻變急症，
LAR train 漏水攪左咁多年，都只係因為一個高層有「親身感受」之後嘈左兩句，然後就即刻拿拿臨攪掂晒

EAL / WRL 今次換 PA 都係因為有人投訴先換

[ 本帖最後由 kp3011 於 2011-12-26 22:13 編輯 ]

其實輕鐵有部乒pa都幾急需要換
如果有版友有同感, 希望可以一齊寫信"反映"下

原帖由 lrv1092 於 2011-12-26 20:22 發表
其實輕鐵有部乒pa都幾急需要換
如果有版友有同感, 希望可以一齊寫信"反映"下

d站名轉左其實真係要錄過lor

今朝9:20在大圍上車往紅磡（車廂#645），走馬燈訊息以「歡迎乘搭東鐵線 Welcome to EAST RAIL LINE」取代「本列車往紅磡……」，搞到車上乘客唔知架車前往甚麼目的地 ，又無端顯示一些logo，估計係走馬燈軟件的品牌，但係到達紅磡站前的一大段報站PA卻又沒有更新，請問有冇人知道MTR搞乜鬼…