723事件調查完畢：劉志軍、張曙光負主要責任

在國務院的英明領導下，723甬溫線特大交通事故經調查經已完成。原鐵道部長劉志軍、原鐵道部總工程師張曙光、及通信信號股份有限公司董事長馬騁三人，對事故發生負有主要領導責任。

因劉志軍及張曙光另涉嚴重違紀違法案件，另案一拼處理。馬騁早前因病去世，故不予追究。

事件至此業水落石出，這個結果，實在充分體現黨中央、中央人民政府、以及國務院的高度問責精神，對國家及人民作出真誠交代。劉志軍、張曙光犯罪集團罪大惡極，目無黨紀政紀，不知最終會否被槍斃，以免對黨國留有後患。

原來溫州高鐵事故，時任鐵道部長係劉生
咁盛光祖當時係咩位？
唉，個調查報告，不管你信不信，反正佢自己信了！

資料來源呢？就算係抽水都比少少料吖...

原帖由 238X 於 2011-12-29 00:01 發表
資料來源呢？就算係抽水都比少少料吖...

行文取態唔敢講, 但首段提到3個人名, 好多新聞網站都出左 ......

報告原文:
http://www.chinasafety.gov.cn/ne ... /content_160577.htm

睇完之後，同當初估計一樣：CTC放車問題，加上GSM-R有盲點，最終做成慘劇

事故問題核心之一的 LKD2－T1 列控中心設備係廣珠城際亦有使用，難怪廣珠要急急減速......

最估唔到係301頭卡死人真係算少
頭四卡合計都唔及3115第16卡多.....

壓住果卡原來仲緊要過飛落橋

如果真係咁危險的話, 我認為應該將所有用同類信號的路線全面停駛
作出整改, 先係英明的領導
而唔係咩250km/h 變200 km/h 咁就算數,
咁樣做對成件事係完全無幫助

同時, 對於723 後下令盡快通車的官員, 應當受到處分
成件事未查清就通車, 跟本就係草菅人命 ...

究竟高鐵跑快D會唔會死人呢？答案係唔會！
但無認真了解軌道、運行、設備狀況係絕對會死人！

份報告我只會謹謹收貨，因為無了解到當時點解D3115聯繫唔到CTC，究竟係機戴設備問題定真係GSM-R有盲點?
若果當時D3115司機聯繫到CTC，CTC根本唔會放D301，或者即時叫停D301，意外就唔會發生。

當然，意外報告所披露o既資料應該俾大家預計o既多，以大陸角度o黎講，呢次真係算公開了...

原帖由 herman15hk 於 2011-12-29 01:22 發表
最估唔到係301頭卡死人真係算少
頭四卡合計都唔及3115第16卡多.....

壓住果卡原來仲緊要過飛落橋

記得當時訪問乘客得到的記憶係，D301由北京開來，
在上海杭州等站已經落了唔少客，因此佢係本身比較少客。
被壓亦的確比整車墮橋更容易死人，現場下面係泥潭，相信卸了部分下墜力。

另外，D301的乘客事前幾分之一秒可能已因感覺到列車緊急制動而做好準備
（當時據聞D301駕駛目視見到前方有車而落brake），
反之D3115乘客一直冇預料到有事發生。

這個報告的確比一般事故處理披露了更多資料，內文我未睇，
亦好可能唔會睇，但整體感覺都係客觀務實為主。

始終這件事關乎國體，死幾多人罰幾多人唔係重點，
重點係事件令有意外銷高鐵的大陸當局面目無光。

睇返其他搞高鐵的國家，中國有高鐵真係急進得有點過份，
雖然，話用高鐵運客搞客貨分流這個理據都尚算成立，
但這個國家是否人人富足、最偏僻的田野都有自來水有電有污水處理、
最窮的人都不會餓死、兒童可以在國內安全獨自出門？
希望這件事可以戳破一些人的春秋大夢，未打好個底，上面建成最高大廈也只會化灰。