上水-金錢紅色小巴路線

因為google過都係得呢個板一個o既6年前o既舊post（http://www.hkitalk.net/HKiTalk2/redirect.php?tid=54132&goto=lastpost ），同埋某大巴士forum o既一個post有提過下呢條線（前者仲要有問無答）
所以先再上o黎問下

唔知有無經常來往金錢o個 / 頂熟紅色小巴o既朋友知道呢條線o既服務詳情呢？

歡迎討論

服務時間就唔多清楚.. 但肯定中午後就冇服務...
用車來自 元朗(18)上水 線... 得兩架車行...
好似係 FH2134 .. 另一部唔記得... 總之離不開果兩部...

路線走法
金錢開
[金錢村公府為總站] 金錢路 > 金坑路 > 古洞路 > 青山公路 > 粉錦公路 > 寶石湖路 >
寶運路 > 新豐路 > 新運里(調頭) > 新運路 > 巡撫街 [ 近新康街口為總站 ]
如客滿唔行金坑路果邊.. 直接係高爾夫景園果面路口走..

上水開
巡撫街 > 新成路 > 新豐路 > 寶運路 > 寶石湖路 > 粉錦公路 > 青山公路 > 金錢路

大致上係咁... 如有錯誤.. 多多見諒...

早一兩日見過有架LT5xxx（實際車牌號碼唔記得左）行
另外仲有兩樣有關行車路線想問/提返樓主：
1. 新運里o個度係咪即係18號個站頭，點解要無端端兜去o個度？
2. 往金錢方向次次見親都係行龍琛路，去到馬會道交界就轉左行去區場/翠麗對出o個段馬會道...

真係唔多清楚.. 見親佢會兜去果邊落客...
反而你講果度情況就未見過...
同埋家下都好少咁早去果邊... 可能改左都唔定...

o岩o岩個星期日朝早11:30左右又見到行緊呢條線o既車 (LT7459) 出現...
不過今次係o係新成路近符興街交界，行去海禧華庭方向...
真係想知呢條線而家o既實際行車路線係點...