尖沙咀去廣州上下九需時大比拼

原帖由 leslie 於 2012-1-9 00:37 發表


因為按番西邊高鐵行走路線而不是東鐵線,而事後3小時31分就是扣減了柯士甸西-深圳北站的時間

利益申報: 我參予了是次測試直通車那隊, 時間因起步08:00, 趕不了08:18的車而要坐09:24的車, 在紅磡站逗留了近一小時,  ...

其實我都唔係好明你地點計 3小時31分的預計出黎.....

高鐵車站位置一向好清楚(唔再討論車站位置係市中心定郊區好), 而高鐵本身車程
就一定1小時內完成到, 咁如果夾硬要去轉車的地點, 再計埋現時內地買車票的
時間程序, 根本唔合邏輯..

將來可以係網上購買, 預早買定又得, 香港買票情況亦唔會一樣, 點可能咁估計?

而點去高鐵站亦係有問題, 點會用公共交通去各車站?
正如leslie兄自己都識講係商務客為主, 咁自然多數有自己車/的士去, 駛乜咁樣轉車/坐地鐵法...
去計到成3-4個鐘?

唔通香港坐飛機, 話8個鐘去澳洲, 有人去同航空公司拗, 唔係wor, 話我香港島南區出發,
去香港機場咁遠, a10 都等30min, 去到check in 加埋通關, 去到澳洲機場, 再計埋
等行李,  再去sydney 市中心, 加埋加埋, 要成13-14個鐘wor... 成倍咁多, 之後話人
"實屬搵笨"?

1小時生活圈根本就唔係咁解, 如果好似你地咁樣計1小時生活圈, 香港自己都做唔到la,
我係hku 落中環塞車都可以用30min la... 970返旺角計埋等車行路都可以過1小時la, 咁
計上廣州一定可以話"搵笨"ga, 唔駛親身去試我都知la

依家起緊, 先黎回帶再問"起嚟做乜", 不如設實d, 諗下點樣可以係香港高鐵系統, 係車票,
班次, 服務上, 都做得更好....仲實際吧...

再講, 香港-廣州, 將來人流是只會增而不減, 我唔反對現時直通車的車站是方便, 但你又有
無諗過, 係東鐵越來越繁忙下, 直通車可以發展的空間又仲有多少? 你自己都知等車可以下
班是成個鐘之後, 如果將來越來越多人坐, 情況又會係點? 直通車真係只慢4分鐘咁簡單?

因為咁樣, 就可以證明"高鐵同其他交通工具時間一樣，起嚟做乜"?
直D講, 呢D "測試"真係幾無聊

[ 本帖最後由 3ASV196 於 2012-1-9 02:43 編輯 ]

簡單講一句:
報導既人無知，相信既人無腦

尖沙嘴去落馬洲搭咩最快, 係一個簡單到連大陸遊客都識答既答案
再講, 話高鐵實名制費時, 廣深舊時果面咪又係實名制, 又唔見你講?
不如你計埋無八達通, 又無現金, 又要去銀行囉錢, 又要去排隊買地鐵飛既時間啦

呢一個跟本係一篇選擇性報導既"新聞"
充分表現出80後係連基本常識都無既真正新聞

我諗有人真係天真到仲諗緊可以唔駛用高鐵因為有直通車
家陣繁時九龍塘迫滿人等東鐵, 無啦啦等6,7分鐘
啊原來要等直通車過...我相信唔少人都試過
又或者係沙田停幾分鐘 .. 又係等直通車過 .. 應該唔少人都覺得麻煩
東鐵本身都無咩可能再擴展容納更高流量既直通車
要面對日漸增加既客流起高鐵真係必須

3, 4個鐘上廣州 ... 我都諗極都諗唔到點用到咁多時間
尖咀上羅湖都係50多分鐘, 行10分鐘去深圳站坐城際去廣州都係1個小時

春運前上廣州，排長龍買票係必然o既結局...
同埋廣深高速無事就無事，有事，三個鐘都走唔完高速段

珠江船務蓮花山航班呢？
去香港機場搭飛機上廣州呢？

為什麼是由尖沙咀出發？
東涌出發如何？上水出發如何？赤柱出發如何？

又為什麼廣州目的地不是長隆？都係一個popular destination嚟喎。

假如我要上廣州，以我的住處及到廣州的目的地，直通車太貴、
廣深城際太麻煩、珠江船務風馬牛不相及、飛機簡直搵自己笨，
目前我最方便係搭大巴，咁係咪以上這些工具全部都可以廢棄？

就算高鐵起好後，都總會有一班人適合搭，有一班人唔太適合搭，
又唔係話高鐵要成為神聖不可侵犯的唯一交通工具，
高鐵只係服務其中某些niche，這樣子的比較根本冇意思。

[ 本帖最後由 DIH 於 2012-1-9 09:58 編輯 ]

根本呢班人無事搵事搞。

正如我facebook所講，我最有興趣想知既係究竟由尖沙咀去深圳北站，成個
行程佔左整個旅程幾多%。

原帖由 leslie 於 2012-1-9 00:37 發表


因為按番西邊高鐵行走路線而不是東鐵線,而事後3小時31分就是扣減了柯士甸西-深圳北站的時間

利益申報: 我參予了是次測試直通車那隊, 時間因起步08:00, 趕不了08:18的車而要坐09:24的車, 在紅磡站逗留了近一小時,  ...

噢，陳兄既然有參與是次旅程，為何不提供在交通專業上既意見？

正常如果咁樣上開廣州既都知道，搭直通車一定預先查定時間甚至買定車飛，
而唔會就咁去紅磡站搭，即使真係臨時要趕上去，一知道係紅磡站送車尾，正常
既乘客都會改搭東鐵上深圳轉車。

至於廣深港高鐵，未通到香港就話咁樣轉車唔方便，西鐵去元朗，唔使停站？
仲有咁樣轉B1，我唔知你地係谷亭街定係西鐵站轉定係Yoho Town轉，定係紛紛
中為左個數據而去到天水圍先轉，咁樣轉車，點樣可以同將來廣深港高鐵不停站
直去佐敦比較？咁去到深圳地鐵，我唔知試車既本身有冇深圳通，不過我估九成
都無，排隊買地鐵飛又要時間，你估呢度係香港，排隊即排即買？

我睇完報導，只會覺得成個所謂既測試，係有心欺騙市民‧

連南方都市報之前既測試，都話深圳去廣州搭廣深港高鐵去廣州站竟然快過廣深
動車
巴士+動車+高鐵連接廣深雙城 l

呢篇相對就更客觀，連佢都提過究竟搭咩交通工具要視乎乘客係去邊度.....

原帖由 franco26 於 2012-1-9 03:50 發表
我諗有人真係天真到仲諗緊可以唔駛用高鐵因為有直通車
家陣繁時九龍塘迫滿人等東鐵, 無啦啦等6,7分鐘
啊原來要等直通車過...我相信唔少人都試過
又或者係沙田停幾分鐘 .. 又係等直通車過 .. 應該唔少人都覺得麻煩
東 ...

直通車在測試當日也有近2卡是吉車,大把剩餘運載力...

上文提及,已扣除香港柯士甸-深圳北時間,也就是說, 行西鐵路線定東鐵落馬州路線也不影響那隊在港段時間, 因為係唔計的

攪咁多大龍鳳換來都快不了幾多,高鐵,停建也罷!否則是一個無底深潭!

原帖由 DIH 於 2012-1-8 21:11 發表
有一班人當年話香港高鐵站唔應該起去西九，
有一班人而家話廣州高鐵站離市區遠。

我就從來無信過一小時生活圈，亦都估唔到有人真係反正佢信了，
香港起高鐵我一直都係放眼神州講緊去長江華中會比較快，
以及方便怕暈浪的我就從來無信過一小時生活圈，亦都估唔到有人真係反正佢信了，
香港起高鐵我一直都係放眼神州講緊去長江華中會比較快，
以及方便怕暈浪的人去珠江西，如江門、新會等地。

老實講, "一小時生活圏"只是廣東省政府按珠三角內, 以廣州南站為起點的高鐵車站行車時間去計算, 從那些車站乘高鐵列車的確能在1小時內到達另一端在廣東省內或在香港境內的高鐵車站, 其實並不是完全錯誤. 有些人認為是騙人是因為他們完全按目的地來計算, 那就在多數情況下, 真的不可能在1小時內到達了.

原帖由 leslie 於 2012-1-9 14:46 發表


直通車在測試當日也有近2卡是吉車,大把剩餘運載力...

上文提及,已扣除香港柯士甸-深圳北時間,也就是說, 行西鐵路線定東鐵落馬州路線也不影響那隊在港段時間, 因為係唔計的

攪咁多大龍鳳換來都快不了幾多,高鐵,停 ...

你呢班有剩餘運載能力 === 每一班都有?
先唔講直通車運載能力，有無理過每日東鐵線俾直通車左頂右頂o既苦況？