有關當年地鐵及九鐵開辦接駁巴士線的問題：

當年地鐵已經購入多輛二手DMS以準備開辦接駁巴士，
但因為政府最終沒有批准地鐵開辦而把這批巴士轉售予城巴。

九鐵當年開辦K11及K12接駁巴士線是由九巴負責派車行走，
到後期由九鐵自行派車行走這兩條巴士線，
還開辦了K14, K15, K16, K17及K18。

為何當年地鐵不能開辦接駁巴士線，
相反九鐵能開辦接駁巴士線？

好似係因為中巴、九巴同小巴既強烈反對 (有錯請指)  

其實想問一樣野好耐...
點解K線係由而家的港鐵派車，但車上又有九巴的logo?

因為根據營運條例, 港鐵的東鐵接駁巴士係唔可以收錢, 所以當年九鐵要委託九巴營運, 對非乘搭東鐵的乘客收費, 杜絕濫用
亦因如此, 東鐵接駁巴士無學生優惠, 九巴加價接駁巴士都跟住加價, 令東鐵的最低收費與接駁巴士收費的差距越來越大

原帖由 martin2000 於 2012-1-10 18:30 發表
因為根據營運條例, 港鐵的東鐵接駁巴士係唔可以收錢, 所以當年九鐵要委託九巴營運, 對非乘搭東鐵的乘客收費, 杜絕濫用
亦因如此, 東鐵接駁巴士無學生優惠, 九巴加價接駁巴士都跟住加價, 令東鐵的最低收費與接駁巴士 ...

其實點解當初九鐵東西鐵兩個部門既接駁巴士唔可以一齊交由九巴營運/自己做返? 係咪因為西鐵部接駁巴士遲d開個政策有變所以九鐵西鐵部可以自己做返??

原帖由 leungfan 於 2012-1-10 21:48 發表

其實點解當初九鐵東西鐵兩個部門既接駁巴士唔可以一齊交由九巴營運/自己做返? 係咪因為西鐵部接駁巴士遲d開個政策有變所以九鐵西鐵部可以自己做返?? ...

性質問題 ?
東鐵堆 K 系既客都係接駁東鐵為主
但西鐵堆 K 系同 506 就唔同，有部分人唔係搭去接駁輕鐵 / 西鐵，而係點對點 ...

原帖由 leungfan 於 10-1-2012 21:48 發表

其實點解當初九鐵東西鐵兩個部門既接駁巴士唔可以一齊交由九巴營運/自己做返? 係咪因為西鐵部接駁巴士遲d開個政策有變所以九鐵西鐵部可以自己做返?? ...

因為東鐵接駁巴士係純接駁性質, 方便周邊居民轉乘東鐵出市區。反而西鐵(輕鐵)部的巴士係基於輕鐵專區的條例而成立, 當年運輸署將屯(門)元(朗)天(水圍)的區內交通專利權交給九鐵, 因此當年九巴大部份的西北區內線都要交由九鐵營運 (除54, 因為錦田不屬於輕鐵專區), 所以初時西北巴士的性質係接駁輕鐵及區內交通, 當然可以收費啦~ 直至03年西鐵通車先要擔負起接駁西鐵的作用..

原帖由 leungfan 於 10/1/2012 21:48 發表

其實點解當初九鐵東西鐵兩個部門既接駁巴士唔可以一齊交由九巴營運/自己做返? 係咪因為西鐵部接駁巴士遲d開個政策有變所以九鐵西鐵部可以自己做返?? ...

因為當年輕便鐵路通車時，政府為保障輕鐵客量，立法設立輕鐵專區，除九鐵外其他交通工具一概不得接載區內客（包括九巴），
但係輕鐵唔到偏遠地區（e.g. 龍鼓灘），九巴同小巴開呢 D 綫又係屬於違法，
所以九鐵自己開設巴士部開辦呢類接駁巴士，亦即今日既港鐵巴士（新界西北），
雖然宜家輕鐵專區已經放寬，各公司可依法開辦專區內路綫，
但係因為九鐵／龜鐵係輕鐵專區內依法可以收取乘客接駁巴士費用，
所以港鐵巴士（新界西北）無需要交由九巴營運。

相反，大埔／九龍半島唔屬於輕鐵專區，九鐵又唔係專利巴士（宜家專營巴士）營辦商，
係呢Ｄ地方開辦路綫唔可以收費，所以九鐵面對濫用情況只能啞忍，
到出現八達通，就猶如為九鐵帶來良藥，可以合法（透過九巴呢個可以收車費既專營巴士營辦商）收車費，
同時又可以向鐵路乘客提供免費轉乘。

總括而言，鐵巴自己係屯元天可以合法收取車資，所以可以自己做返；
但係係屯元天以外地區唔可以自行合法收取車資，所以要搵九記幫手。

原帖由 martin2000 於 2012-1-10 22:56 發表


因為東鐵接駁巴士係純接駁性質, 方便周邊居民轉乘東鐵出市區。反而西鐵(輕鐵)部的巴士係基於輕鐵專區的條例而成立, 當年運輸署將屯(門)元(朗)天(水圍)的區內交通專利權交給九鐵, 因此當年九巴大部份的西北區內線都 ...

但想問流浮山/大棠屬於輕鐵專區?
個度同元朗好遠
點解55,56要俾九鐵做?(雖然九巴都應該唔想做55,56)
54又點解唔洗俾九鐵做?照計當時區內線係一條都唔可以留底
流浮山/大棠/錦田都係屬元朗區

原帖由 KMB-ATE1 於 2012-1-10 23:12 發表

因為當年輕便鐵路通車時，政府為保障輕鐵客量，立法設立輕鐵專區，除九鐵外其他交通工具一概不得接載區內客（包括九巴），
但係輕鐵唔到偏遠地區（e.g. 龍鼓灘），九巴同小巴開呢 D 綫又係屬於違法，
所以九鐵自己開設巴士部開辦呢類接 ...

咁想問下
我唔係轉東鐵,又俾錢坐K12
或者假日東鐵係無免費轉K12而俾左錢坐
D錢係去九巴定係去港鐵度?

同埋想問九巴洗唔洗俾任何COST去"營運"呢幾條線?

[ 本帖最後由 3AD110 於 2012-1-11 14:22 編輯 ]