東區紅隧過海路線重組優化建議 (新線Rt.120)

原帖由 dippy 於 2012-1-18 01:17 發表 http://www.hkitalk.net/HKiTalk2/images/common/back.gif
咁筲總至太安樓繁時都夠客, 係其他時間唔夠姐
依家坐車去告士打道維園站主要都係去銅鑼灣
咁坐新117都已經得, 新117已經去到長沙灣
而銅鑼灣亦都有小巴/171去美孚, 102需求有限
而去維園亦有維園道既巴士站可以用,  ...

1. 為左一部分人車程加快10-15分，而要另一部分人減慢10分鐘，好難講得通。

2. 銅鑼灣個需求好大，主要係搭102/112，是但一個站都唔可以skip，否則等同倒米。
而且117疏車，171站位又同102唔同，港島方向更加貴過102。

3. 我唔認為除左拉118落筲箕灣之外，無第二d方法加快筲箕灣客的車程。

[ 本帖最後由 S3BL100 於 2012-1-18 01:32 編輯 ]

原帖由 dippy 於 2012-1-18 02:34 發表 http://www.hkitalk.net/HKiTalk2/images/common/back.gif
1. 118依家行渣華道比起唔行慢10分鐘
而用地圖計到西灣河上橋同柴斜上橋差5分鐘, 但計唔到直接右轉太安街
所以只係將快左果十分鐘平分番落去來回程
簡單說就係一轉番出黎差唔多

2. 銅鑼灣需求好大係真, 係有幾多人真係去維園?
如果真係要解決美孚入銅鑼灣既問題
寧願用117去到美孚都好過繼續留102
117疏車係依家, 重組完當然有加密

3. 但依家都有人由筲箕灣行上去亞公岩坐118, 所以118如果入埋筲箕灣應該吸到好多客
如果118環翠段真係咁多人坐, 可以早繁開車唔經筲箕灣, 但全日線入一入其實幾好, 694依家都係西灣河走, 反而係得118係柴斜走

4. 維園應該無區議員駐場

1. 行下面電車路停埋站同燈就唔只5分鐘咁少，差10分鐘就差唔多

2. 我夠知告士打道維園個站落車大多數係行返入銅鑼灣。
問題係，無論怡和街sogo個站又好、告士打道維園個站都好，
需求都係好大，無左條102，你估112加106（紅隧口）加新117食唔食得晒？
仲未計入銅鑼灣其實102幾乎肯定快過112，因為出隧道就已經係，
唔似得112仲要停埋摩利臣山道，所以102都有大把捧場客。
仲有，你102又拆兩條，118又拆兩條，夠唔夠車俾117加返去合理（ie 個位數字）班次先？
唔塞返條合理班次既線做果一個站，等同倒錢落海。

3. 118行落筲箕灣當然吸到客，但係我唔支持任何犧牲大量現有乘客利益去達成既野，
柴灣的議員如果知道會慢多10分鐘都唔會支持。再者，我唔會相信
除左118落筲箕灣外就無其他合理方法令到筲箕灣有特快線。
仲有唔好用694比，694係行埋下面都唔夠客，而118係既有服務，
由唔使兜變成要兜，阻力會好大。

4. 維園無議員又點？受影響人數太多，如果真係咁改，肯定俾人port到暈。

總之，因為牽涉乘客數目太多，底線係：
1. 唔可以令任何人車程變慢
2. 唔可以飛走任何一個客倉

原帖由 dippy 於 2012-1-18 12:43 發表 http://www.hkitalk.net/HKiTalk2/images/common/back.gif
而依家102咁多人坐係因為美孚同長沙灣係獨市咁樣去銅鑼灣
當新117去到美孚就無呢個問題
而如果真係去維園, 係維園道落都好方便
去銅鑼灣更加係怡和街贏哂

麻煩你自己留意下102彌敦道沿線同紅隧口有幾多人上車，當中有幾多人
係出隧道第一個站 - 告士打道維園 - 就落。

102美孚長沙灣的上車人數係遠少過彌敦道同紅隧口。

102去銅鑼灣快過112好多，但係因為需求大，唔同人的最終目的地又唔同，
因此各有大量捧場客。去銅鑼灣完全唔見得「怡和街贏晒」，
告士打道維園個站行返入去不知幾方便。

改走左條102，而家果個站落車的大量乘客受影響，被迫搭更慢的112同新117。

如果寫plan淨係計程序分而唔理效益
咁你維持現狀梗係最好

現狀當然唔係最好，問題係令部分人變慢唔見得係提高整個效率的必然結果，
更唔見得係合理。成條thread至少有我、樓主、neoplan720p等人提左幾個
同樣能夠提升整體效率，又唔會令人變慢同大受影響。
點解一定要令部分人變慢、令好多人要改用第二d車站上落先得？
係咪要部分人變慢、要好多人改用第二d車站上落，先至係有明顯效益？

3. 咁任何加經乜乜乜, 入物物物都會令車程增加
咁當年102就唔駛做海區啦, 一句令原有大量筲總乘客變慢已經搞掂
但我認為朝早如果拆到兩邊各自12分如果居民鐘意都OK既
即係118就環翠柴斜, 加多條118A就筲總西灣河
但東區人唔鐘意南區式一鄒一線就另作別論

102唔同，筲總受影響人數好少，而且可以入返內街搭。

4. 受影響人數有幾多?
依家每個組合都更加好, 有D站位方便左, 有D就快左
大家都好囉
如果110九龍段跟你咁改既話(香港段唔郁)
就更加係做埋告士打道維園個站

118落筲箕灣，成條柴斜至漁灣邨的大量乘客都受影響，九龍方向車程變慢；
無左條線港島方向停告士打道維園，果個站落車的大量乘客受影響，
被迫改搭112/117，亦可能令紅隧口106更難上車。
唔見得「大家都好」，你咁搞只係有人歡喜有人愁。

仲有我最初版本的110係唔停告士打道維園的。

如果你真係想102拆兩條，一條耀東一條海皮的話，
海皮果條去到太安樓出已經搞掂，
另外118唔一定要堅持飛渣華道（飛的話都唔係無第二D方法，例如搵條102X補，只係我唔太主張），
咁102就可以照做告士打道維園。而家大把客搭一個站過海$9.3，你估兩巴會唔會放棄呢班客？

好多路線重組的基本原則，恐怕你仲未明。

仲有，我知你拉102係想唔使減價，
但係就算好似我咁，縮去鰂魚涌，同樣唔使減價，跟返而家
健康村$9.3分段已經得。至於耀東，佢地本來係無旺角線，
無論110改入旺角，或者學neoplan720p的116X方案，
佢地的過海交通已有顯著提昇，起碼唔係得條對公屋客無咩用的尖咀線。
當然，有102P上去就錦上添花。

即係呢，如果係一定要根據dippy兄你的諗法，102一拆二、118又一拆二的話，
其實應該咁搞：

102
港島方向跟原路至民康街上東廊，太安樓出，上耀東，筲箕灣作總站；
九龍方向經耀東，後太安樓上東廊，民康街出，清風街上橋，停景隆街入紅隧

102X
來回程健康村出入東廊

咁搞的話，102應該會比起我個版本、縮去鰂魚涌的102，來回用多半個鐘行車時間，
每班車間隔會比我個方案拉疏1-2分鐘（因此我其實唔太鼓勵咁做），
但係就無左飛起告士打道維園呢個平日經常有幾十人落車的站的問題。

至於118/118P，真係要拆的話，應該咁搞：

118
來回縮至柴灣東，港島方向不經渣華道

118X
九龍方向跟118P，港島方向維園道出，落渣華道，民康街上東廊，
停杏花村後直落小西灣，不停漁灣邨

咁搞的話，就只係得118P返杏花村乘客的車程變慢，但係佢地由原本得下繁回程變成全日服務。
受影響人數肯定比起將成條118拉落筲箕灣少好多。

至於食流水客呢，102可以食到銅鑼灣至北角特快返耀東，118X可以食到渣華道特快返小西灣（快過8X）。

因此，只要咁搞，就已經可以避到dippy個方案會造成的幾種問題。
雖然我自己唔係太認同102/102X兩條都拉到咁長，大家齊齊拉疏，
但係起碼咁拆唔會衍生咁多問題、影響咁多人。

see my point?

原帖由 dippy 於 2012-1-18 13:34 發表 http://www.hkitalk.net/HKiTalk2/images/common/back.gif

即係咁
如果唔用原本既重組方法, 咁筲箕灣就當然無得快啦, 但維園個站都唔見得好好
當然, 如果真心要幫東區補位咁應該仲要多一條係告士打道維園->柏景台 如果真心要幫東區補位咁應該仲要多一條係告士打道維園->柏景台->天后廟道->...->樹仁
但當然就係108找數, 而旺角線都比土瓜灣線有用
依家要用山下既車孭埋山上就當然唔係最理想, 但係無火之炊既情況下利潤最大化同埋令最多人加快既重組已經值得

開一條健康村出入東廊的102X似乎係呢度大部分人的共識，但係開呢條線俾筲箕灣有得加快
絕對唔係、亦唔應該係同告士打道維園個站mutually exclusive。

102X已經可以令筲箕灣客車程減少15分鐘，唔使搞咁多野，令到唔少人受影響但係佢地又無得加快。

用108幫手找數絕對係離譜，108而家疏導116的功能好重要。
要改108的話，我只會建議拉去樂富或竹園（後者無位），有利於日後103重組，不入銅鑼灣加快車程。

仲有就係118入一入筲總已經解決到好多用車問題
我諗你唔會反對如果有118, 咁102A同102P都無需去到筲箕灣
一條嘉亨灣一條耀東已經慳唔少車
所以咁係值得既

唔好意思，耀東無位，上得耀東都要落返筲箕灣；嘉亨灣都好勉強。

118只係入筲總的話，照你咁拆，西灣河至筲箕灣一段電車路會變真空；
但係如果118行埋電車路的話，一方面增加行車時間10分鐘，二來輪到118要加車。
所以唔好搞咁多野，102X用返最正路的行法，直行電車路算數。

如果你有細心咁坐過102同118
你應該留意到102炮台山同北角落車既人係不尋常地少既
所以大部份人應該接受到渣華道取代英皇道
而下游既客亦都受惠於車程加快

就係因為有118，所以102炮台山北角少人落，但係102本身告士打道維園都落左大把。
佢地接受到渣華道取代英皇道，唔代表應該因為咁而飛起告士打道維園站。

106難登車唔係呢一日既事, 就算依家, 102/106條龍都係最長既東區線
所以一開二甚至一開三都講得過去
問題只係有無咁多車拆到咁細

問題係，當有相當比例的乘客都係果一個站落車的時候，拆線係咪要飛起果d站？