好文共賞：為甚麼我想香港獨立/自治

http://commentshk.blogspot.com/2012/01/wingyee-lau.html

我呢位朋友（undergrad低我兩年的同學）都算認真大膽，據我所知
佢將呢篇文貼上facebook兼且set做public之後，有好多內地生add佢，並且問候佢祖宗十八代

講返正題，呢篇文簡直道出左好多人的心底話。
我有一樣野一直都諗唔明，就係雖然大家都係有中國人的血統，
但咁又係咪代表所有具有中國人血統的人，奉旨要由同一個政權統治呢？
點解咁多人會將「政權」同「國家」兩個概念撈亂？
讓有顯著文化差異的群體同時並存，自行發展，豈非值得考慮？

權力猶如蛇的毒牙, 紮進人的屁股, 就開始給你麻醉,
讓毒液腐化人的軀體。只有割下腐肉才能逃脫。

只是有多少人願意忍痛割肉？

港獨理念上有可取既地方
但實際運行上對雙方都唔會有好處

先講中方
人民幣國際化仍然要靠香港金融中心既地位
而政治上面越搞越亂
都要觀望香港2017整成點

到香港就唔駛多講
國防要又由無變有
香港現時背靠中國既優勢會消失
而最大問題係香港實際上亦冇得走返轉頭
對香港未來經濟做成幾大既問題

反而成篇文最唔得既係講英國果part
香港再係咁落去就真係成也英國,敗也英國

當年殖民時期响一個全球起飛嘅年代得到優勢
就等於一世都保持到? 只係當期時個時勢好.
如果當年無中英談判, 香港繼續殖民統治, 香港人一樣唔會有自由

中國係有好多問題, 但唔代表要媚外
大家自問真係俾人地優異? 如果真係自我覺得甘完美我無嘢好講
所謂家家有本難念的經...只係我地鍾意將我地唔好嘅嘢放大俾人睇
你覺得你做中國人可恣, sorry, 你今世無得揀, 除非你本身就係識中文嘅外國人
否則, 你除咗選擇死咗佢, 都改變唔到你叫中國人嘅命運....
與其將內地人嘅缺點放大, 不如諗下點將呢啲問題改變, 衝動, 仇恨同敵對根本解決唔到問題
只會令人笑大個口
我嘅意見預咗大家唔啱聽, 歡喜嘅可以安個五毛, 憤青, 乜乜物物嘅朵俾我

[ 本帖最後由 dbat98D 於 2012-1-25 05:16 編輯 ]

原帖由 dbat98D 於 2012-1-25 05:12 發表
當年殖民時期响一個全球起飛嘅年代得到優勢
就等於一世都保持到? 只係當期時個時勢好.
如果當年無中英談判, 香港繼續殖民統治, 香港人一樣唔會有自由

中國係有好多問題, 但唔代表要媚外
大家自問真係俾人地優異?  ...

我唔會話你係五毛、憤青
(事實上香港有自由, 咩立場的人都有, 講呢 d 嘢的人唔一定係五毛/憤青)
但你同佢地的一個共通點, 就係將血統上的華人、同中華人民共和國人混為一談,
而且有一種 Primordialism 的民族思想和被灌輸了一種大一統的觀念 (香港的主流教育就係咁)

民族同國家(政權)無必然關係, 這點在歐洲最明顯
同一種民族唔一定要係同一個國家, 正如一個國家可以有唔同民族一樣

回應返原文, 我覺得呢篇文值得一看,
原因係令大家思考香港的政治身份問題
---- 雖則我並不認為獨立是個解決方法:
如果大陸開明得讓香港獨立的話, 我想香港已經沒有獨立的必要,
因為我想那時大陸人/政府的思想, 應已進步得和香港相去不遠了(甚至更超前)

我覺得, 說到底一國兩制、高度自治還是可行的做法
只是這幾年來, 兩制的空間愈來愈小, 大陸的干涉愈來愈深,
若大陸不再干涉香港內政, 並容許真普選, 那大概已差不多了

[ 本帖最後由 Quanta 於 2012-1-25 17:37 編輯 ]

何以見得我嘅意見就等於一定係中國人同現有政權掛勾？
我都好難明點解同所謂＂主流＂意見有所不同就會有咁嘅
睇法，難道所有嘢都要畫公仔畫出腸或者要隨波遂流
先叫態度正確咩？我覺得好無謂囉

文中關於英國那一點未必準確，
以我所知當年香港人想要居英權而未必得到，
相反日本東北大地震有港人遊客得中華人民共和國人員幫助離開災區。

從十分實際市儈的考慮，假如我在外國被恐怖份子綁架，
護照上係五粒星定係米字旗已經可以係生死之別。

此所以話香港人對大陸係又愛又恨。
恨的係無文化、恨的係香港一直不能自決命運，有大一統思想的人係恨鐵不成鋼；
愛的就係，文弱的香港人偏偏在外要靠中國，中國經濟崛起之時亦的確係有錢落袋。

雖然見到大陸人不文明行為我都會好不滿，
但我會出聲鬧，我會希望可以糾正到佢地，
畀著係個菲律賓人或者美國人，我真係睬佢都傻。

我係好市儈的典型香港人，亦係新亞書院畢業手空空無一物的窮書生，
我唔想香港獨立，不過雙邊關係有需要改一改，
北京如果想隻鵝繼續生金蛋的話，除了餵金之外，還要讓鵝有舒適自在的環境。

其實我感覺係，北京高層（中南海）對好多細節其實係無所謂，
當初佢地甚至係想有咁遠行咁遠，只不過香港有班鞋油成日擦鞋，
或高舉道德旗幟妄顧香港實際情況。
普通話教中文，有叫過咩？雙非得身份證，有叫過咩？
係邊個或明或暗令到而家香港周街「蝗蟲」（我個人不用這名稱）？

香港當年做了越南船民第一收容港，香港人無權話事；
香港而家做了大陸移民第一收容港，又是誰所造成？

就算香港自治，就算大中華行聯邦制，
我都不認為以香港目前培養的政治人才可以令生活過得更好。

或者我真係好膚淺啦下，但我認為目前香港如果要搞獨立，無著數。
而若果想要更高程度的自治，這很大部分取決於香港決策層的識見，而無需在現有條件下再爭拗。
要推行的政策，客觀上係對大家有利的話，北京的作用只係橡皮圖章，你估佢地又好想事事關心？

其實，當初中英都沒有讓香港獨立，但亦沒有讓香港完全與內地合併，
背後可能有千絲萬縷的關係，唔係表面睇得咁簡單。

[ 本帖最後由 DIH 於 2012-1-25 22:35 編輯 ]

雙非得身份證，並唔係基本法原意，而係建基於香港終審法院外籍法官當年嘅判決，判政府敗訴而引致。接受得法治，就要接受得呢個法院判決。

目前唯一可行嘅解決方法係交由中國人大釋法，我好奇怪，大部分市民對呢件事都有共識，但全港無一個大政黨喺呢件事上願意跟隨主流市民意願(我唔覺得新民黨係大政黨)。泛民之間唔受釋法我可以理解(公民黨律師們更加強烈反對)，但佢地亦無共識去用行政手段去阻止問題惡化。

其實以而家香港社會情況去睇，搞右翼保守主義政治大有市場，但奇怪點解無人去搞。如果我係泛民，要同中央對抗兼玩大佢，大可以搞「公投運動」，借呢件事搞公投去挑動中國政府神經。

一方面，中國政府最怕香港搞公投，所以一定會出聲發晒癲。另一方面，香港市民對呢件事好關注，所以亦一定會支持公投(同上次五區公投情況完全唔同)。最後只要中國政府佢一出聲反對，就即刻同香港民意為敵，同香港市民作對，中國政府喺香港市民心中嘅評分必然大插水。

呢個個係千載難逢挑釁中國政府同香港市民嘅好機會，做得反對派都唔識好好把握，學咩人搞政治。

[ 本帖最後由 PB602 於 2012-1-26 02:48 編輯 ]

原帖由 Quanta 於 2012-1-25 17:32 發表 ... 我覺得, 說到底一國兩制、高度自治還是可行的做法
只是這幾年來, 兩制的空間愈來愈小, 大陸的干涉愈來愈深,
若大陸不再干涉香港內政, 並容許真普選, 那大概已差不多了

想不到現在還是有人誤解一國兩制的意義.

其實鄧小平所說的一國兩制是指經濟制度上,在社會主義為總體的一國下,容許部分地方(按鄧小平所說就是港澳台地區)有資本主義的兩制. 這個完全和政治無關的. 當然現在大陸在經濟發展上, 很大程度已經走資了, 但總體仍然離已發展國家很遠, 所以才有50年不變(從1980年代開始計算)的說話. 香港的政治制度, 就算到了2047年,其總體還是不會大變的.

另外大陸是允許香港真普選的, 因基本法已經清楚列明, 閣下大可看看其條文, 本人不再重覆. 還有香港一般內政, 大陸除在外交,軍事及在其他特定情況(如戰爭)下, 是不會干涉的. 請閣下了解基本法的原文及其原意吧.

一國之內，文化有別，其實十分普遍。小如英國，先別說四國之間，英格蘭南北之間、同一地區的貴族與基層之間，文化差異仍十分顯著，分下去。相信全世界都要搞城邦自治。

一次大戰後，歐洲盛行民族國思想，多民族國家(英國、捷克等)不是分拆立國，就是大搞民族自治以表面維持統一。南斯拉夫本來就是勉強結成的多民族國家(等同將中日韓、越南、新加坡合併成「東亞儒家聯邦」)，自然落得血腥分裂的下場。

關於英國的部分，有點「有奶便是娘」的味道。以經濟理由/親英，與紅色資本家/劉X華派媚共，毫無分別。

[ 本帖最後由 ArnoldC 於 2012-1-26 08:38 編輯 ]