車長按規矩做事反而成為乘客出氣袋

話說年初一中午時間坐B1去落馬洲，係一部MU牌掛牌車，係元朗廣場門口上車，排係我前面有個大約三十幾歲男人同埋一個五十幾歲男人拎住幾袋行李上車(當時上車門只開左單邊)，佢地上車時我隔住玻璃見佢地叫車長做一些野，不過車長哂手表示不可以，到我上車時，聽到那個三十幾歲男人，就用粗言穢語來喪罵車長，又話只係按一個掣都唔得，又話呢係係過境線線實多行李，仲要企係車長側邊手指指車長，仲話揚言要打去投訴到你工都無得做，一路嘈到差不多到元朗站先靜下來，之後到落馬洲總站下車，我準備下車，從上層車窗望下去見到那個三十多歲乘客竟然用行李袋襲向車長，車長隨即倒地，眼鏡趺落地碎裂，之後還見那個三十多歲男人好像想向車長施襲，幸好在附近工作人員到來制止，而站長得到知會到場協助，並同時報警，警察就同車長返回車內了解事件，後來聽到警察向那個三十多歲男人表示你唔可以走住，因為車長要告你襲擊佢，之後就見警察將有關行李袋和那個男人帶走。

我想問如果有乘客拎大件行李，車長可否開埋另外個邊門俾佢上車呢?

呢件事可能對只肯開一邊上車門為難乘客的車長有警惕作用，雖然果個男人到咗落馬洲總站仲襲擊車長係過份咗D。

公司好似出過指引話如果唔係有特別情況應該要開哂兩頁門。

[ 本帖最後由 ATE24 於 2012-1-25 15:32 編輯 ]

雖然乘客守則有話唔俾帶大型行李，
但係做過境線，整埋行李架又唔俾人拎咁多行李又好似唔多合邏輯喎

原帖由 k_depot_tko 於 2012-1-25 15:56 發表
雖然乘客守則有話唔俾帶大型行李，
但係做過境線，整埋行李架又唔俾人拎咁多行李又好似唔多合邏輯喎

有限制的隨身行理...你諗下80人一人一件都唔夠啦！你明唔明？

話雖如此、但太大太多會令其他乘客不便、好似D水貨客咁、一架車行李又大又橫、架又放唔哂的話............試過坐地鐵時、D水貨客行李多到排在地上、成條路俾佢地霸哂..............

跟足公司指引係好事黎
有咩事都好  公司自己負責返

如果唔跟指引做野
出事既話分分鐘要咩獲


搭單一問 : 如果巴士頂閘~又或者如果巴士到左總站, 公司指引比唔比開頭閘落車?

原帖由 ey3231 於 2012-1-25 19:24 發表
跟足公司指引係好事黎
有咩事都好  公司自己負責返

如果唔跟指引做野
出事既話分分鐘要咩獲


搭單一問 : 如果巴士頂閘~又或者如果巴士到左總站, 公司指引比唔比開頭閘落車? ...

公司梗話唔俾啦,,但係車長多數都會開埋,,方便人哋落車都方便自己快啲到總站抖

原帖由 ATE24 於 2012-1-25 15:29 發表
公司好似出過指引話如果唔係有特別情況應該要開哂兩頁門。

呢個指引我都聽過,,不過如果落雨就多數開單邊,,費事啲客上車先閂遮搞到成身濕晒

原帖由 ATE24 於 2012-1-25 15:29 發表
公司好似出過指引話如果唔係有特別情況應該要開哂兩頁門。

B 線有特別規定？普通線反而規定一般只開單門，除非天雨或者上輪椅，否則一般情況下都唔可以開雙門。

原帖由 AV512 於 2012-1-26 00:26 發表
呢個指引我都聽過,,不過如果落雨就多數開單邊,,費事啲客上車先閂遮搞到成身濕晒 ...

相反，落雨係開雙。

利申︰我係前九巴車長。