【分享】 勇闖九龍坑山 + 初嘗做的士佬

小弟考獲的士牌後，還未真正做過職業的士司機。直至上星期有位用做的士車行的朋友話有部的士
想搵替更，而小弟又想試下親身體驗做的士司機的滋味和生活，所以就馬上去整張的士司機證，
去揸6日的士當體驗各行各業，當中也得到不少體會。

而喜歡開車四圍闖的我，這六天也有開的士去到不少平時很少到的偏遠地方，當中上九龍坑山
更是一個難忘和驚險的駕駛經歷，但真係未必再有下次！

小弟需要在荃灣交更，第一日揸的士生意已經算唔錯，扣除租車/氣錢淨賺接近$500，
成績令我感到有點意外，最初以為頭幾日自己無咩經驗能回本已經合格！


小弟去了鶴咀和鶴咀山兜風，順便在港島搵生意


鶴咀山


風景很美，心曠神怡


鶴咀道盡頭


下城門水塘壩


城門隧道大圍出口上


大家估下係邊度影？


油柑頭上，這裡睇青馬大橋景色一流


之後有朝襯無乜客自己膽粗粗一個單拖開住部的士上九龍坑山


當天下雨，Comfort是後驅車，有段路太斜太滑後輪打轉試幾次都上唔到


只差三百米就上到頂，攻九龍坑山頂失敗，最後掉頭落山


估唔到今次衰收尾呢段又斜又滑又濕的路，下次真係要100%肯定路面乾爽先去


九龍坑山山路路況差，路又爛又窄又斜又多彎，紅花嶺路比他好行好多


九龍坑山山路，暫時是我在香港開車走過的道路中最考功夫的


如果紅花嶺路是3.5星難度，我敢講九龍坑山山路難度值4.5星


九龍坑山山路上有一些相信是軍事設施，有無板友知係乜黎？


九龍坑山山路的疑似廢棄軍事設施


後記：如果各位板友想開車上九龍坑山，除非是四驅車，否則都係等好天無雨同無咁熱，
最好冬季乾燥冷天日子先去。沿路有不少長草，加上路窄小心刮花車身，盡量用殘車上，
除非你同部車有好仇或本身粗用者例外！
小弟其實要上九龍坑山的話就一早上左，不過搵部殘的士上，就算整花都唔會肉赤，
所以到今時今日先開車上去，可惜「只差一點點，先可以登山頂！」。

的士司機感想：用了六日時間體驗了做的士司機的滋味，其實我覺得做的士司機雖然無前途可言，
不過也不是一份好差的職業，起碼叫搵到餐飯食。的士司機真係一份好自由的工作，至少唔洗受人氣，
怪不得聽過有不少人話好多人揸的士後就好難轉行，唔係因為無人請而轉唔行，
而是喜歡揸的士呢份工好自由，鐘意唔返就唔返，時間全由自己安排，所以的士呢行真係乜人都有，
所以各位唔好睇少的士司機這行業，分分鐘揸的士果位有過億身家/幾層太古城樓收租揸的士過日晨亦都大有人在！

人生初嘗做的士佬，今次這個體驗真是很踏實，了解到的士行業，又學到野又有錢袋！
而我只做六日淨賺$3,300(中途還花了不少時間四圍兜風)，個的士朋友都同我講，新人(指我)開幾日工就有這個成績，算係幾犀利！

[ 本帖最後由 volvo_chan 於 2012-1-26 16:01 編輯 ]

頭先起閣下面書睇完話你有 post 要開即時過黎一睇, 果然精彩
同時都做就我起 V2 板第一次發文, 多多指教

回正題,
據講九龍坑山上面軍事遺址係日軍當年攻打香港時留下的 ~

原帖由 volvo_chan 於 2012-1-26 15:47 發表
大家估下係邊度影？

深井？

見到你個題目...重以為你想學上次 個行家衝落 九龍坑山 tim~自己都揸左 的士 唔短時間...
九龍坑山就未去過啦,
不過我都有好多'難得去到'既地方可以同你分享吓既~


首先鶴咀道,有次有客入石澳...出番黎時又無客...
見到個的士入得既牌wo...就咁落左去啦...




哈哈...大家唔好誤會呀!呢度唔係鶴咀道...

係唔係好似呢?不過呢度就一般私家車都入得既~
大家又估下係邊度

被人包車入西灣亭...出番黎又執到個客出西貢市~


不過都係未去過水壩果邊同黃石...

再同大家北上...
當然唔少得 深圳灣口岸


同 落馬洲口岸


我自己鍾意 落馬洲 多d...
因為差不多次次都可以搵到客番出市區~

去埋機場~

點都要試下排隊既~

出番市區



你地又知唔知係邊度呢?

難得見到你,緊係整張合照啦!


最後...我都貼埋自己兩個最高紀錄
一支$ 525.5 的order


大年初一1000-1730 生意額

+2封利是

[ 本帖最後由 g544jacky 於 2012-1-28 00:17 編輯 ]

原帖由 g544jacky 於 2012-1-28 00:07 發表
見到你個題目...重以為你想學上次 個行家衝落 九龍坑山 tim~自己都揸左 的士 唔短時間...
九龍坑山就未去過啦,
不過我都有好多'難得去到'既地方可以同你分享吓既~


首先鶴咀道,有次有客入石澳...出番黎時又無 ...

第二幅係歌連臣角 定 龍蝦灣？

原帖由 g544jacky 於 2012-1-28 00:07 發表
你地又知唔知係邊度呢?

港澳碼頭還是海洋中心地下？

原帖由 fm1234 於 2012-1-28 19:40 發表


第二幅係歌連臣角 定 龍蝦灣？

中呀...就係龍蝦灣~
如果唔係有客帶我入黎...
我都唔知有條咁既路,
原來入面重有個馬場tim~

原帖由 hkaiw 於 2012-1-28 20:46  發表

港澳碼頭還是海洋中心地下？

你係話有隻船果張定室內果張呀?

[ 本帖最後由 g544jacky 於 2012-1-29 00:12 編輯 ]

原帖由 g544jacky 於 2012-1-29 00:07 發表
你係話有隻船果張定室內果張呀?

船那張相當然是在海運大廈，室內那張似是在九龍站，至少肯定不會是在信德中心地下及中港城地庫（前者用 Google Map 查看過）。

[ 本帖最後由 hkaiw 於 2012-1-29 12:47 編輯 ]

原帖由 hkaiw 於 2012-1-29 12:39 發表

船那張相當然是在海運大廈，室內那張似是在九龍站，至少肯定不會是在信德中心地下及中港城地庫（前者用 Google Map 查看過）。

哈哈...咁又係,咁大隻寶瓶星係度...實知啦
尼個的士站真係要聽實大台,知道有船埋先至入到黎0假~

勁呀~就係九龍站!
其實我都想知香港站同九龍站,
排隊個位係唔係好似0假?
做咁耐都未敢走落去排~
(...本人是九龍車...)

原帖由 g544jacky 於 2012-1-29 19:19 發表
勁呀~就係九龍站!
其實我都想知香港站同九龍站,
排隊個位係唔係好似0假?
做咁耐都未敢走落去排~
(...本人是九龍車...)

因為印象中香港站的地庫的士站不是這樣，只有九龍站那個未去過（反而較常去巴士總站那邊）。

至於機場快線車站，我覺得外國旅客多數會選乘免費接駁巴士，本地人則轉乘港鐵為主，所以會較少人選乘的士，反而乘的士往機場快線車站的人會較多（例如：剛走了一班接駁巴士，但又趕著乘搭機場快線列車）。