重組九巴3C/9/203E線

原帖由 GL3789 於 2012-1-31 16:54 發表 http://www.hkitalk.net/HKiTalk2/images/common/back.gif
其實我唔係咁想講日出康城，因為同四彩既環境好唔同
先唔理係咪有實際需要，抑或係方議員既牙力
領都/領峯/領凱係私人樓，咁交通配套差長實又點賣樓
好似將軍澳藍田隧道跨海大橋，係咪利益輸送增加康城既吸引力?
領都有專車往康城站，可以唔行有蓋行人通道
康城交通選擇少(相對於四彩)等等
環境唔同好難相提並論

咁只係你迴避運吉雙重標準的問題，同埋潛意識覺得「有錢人大晒」，窮人應該自求多福。

開25，你搞到唔增加巴士途經繁忙地區既架次，咁TD就用唔到呢個理由reject你囉
咁你做唔做到? 你做唔到嘛
有無數據證明四彩交通真係不便到非開巴士線不可 ? 無，只係用「我認為咁咁咁」、「我覺得咁咁咁」，咁又點challenge到TD呢?
所謂合理交通服務，背後有甚麼數據支持? 無，只係一d好general既數字，如「三萬人口」、「行三個字搭車」，咁唔detail又點說服到TD佢當初既交通評估係有缺失呢

25都有好多種行法，萬一彌敦道無quota的話，大可以跟24，
太子道西左轉洗衣街，右轉旺角道，左轉西洋菜街，左轉亞皆老街，
或者好似dippy建議，行亞皆老街直去，右轉新填地街，右轉旺角道，
右轉西洋菜街，左轉亞皆老街回程。
唔掂到彌敦道就咩事都無。

「三萬人口」同埋「行三個字搭車」係客觀數據，
四彩交通不便亦唔止上過一次報紙，even你話可以行出去都好，
行人通道網絡差過秀茂坪、藍田、慈雲山好多，絕對無咁好行，
彩德一係搭電梯一係行大斜路，彩福更係只可以等電梯。
呢D都係客觀事實。

上面講過，麗晶未有綠小46同行人通道去彩虹交匯處果陣，
啟業麗晶都支持到一條班次頻密、用大車的24，
而麗晶啟業人口其實不過同四彩差唔多，
當年啟業一樣可以行出觀塘道搭車，對部分座數更方便，
都唔係個個搭晒24，尚且做得起呢條線。
因此我有足夠理由相信，四彩係支持到一條全日線直出旺角的。

正如我上面所講，反正24而家吊鹽水，
大可以將24減到30分一班，再由第二d地方抽一兩架車，俾四彩開25，
之後再慢慢加25、減24都得。根本上有好多種做法，
唔使增加繁忙地區車流都可以開到條合理少少的四彩對外線。

原帖由 DIH 於 2012-1-31 17:14 發表 http://www.hkitalk.net/HKiTalk2/images/common/back.gif

或者要諗下，點解當年3號會取消而唔係拉落尖沙咀，當年改動應該無而家咁多掣肘；
又，關於你條3A，點解而家旺角循環線係用10號個backbone而唔係3號。
當年3號派車係更先進架喎，我印象中3取消前有BL掛牌，而10合併後都係行緊N。
又要諗下，3C一直都係大線，客源從何而來。
用Google街景睇下，同樣係彌敦道，豉油街一段、永星里一段、同西貢街一段的感覺有冇唔同？http://images/smilies/default/shocked.gif

咁以前條3號仔又好難同我條新3號一併而論，
取消左果條舊3號，只係做油麻地同佐敦，而且又要行東頭村道，唔直接之餘
覆蓋人口又遠少過我條上到慈雲山的新3號。

而且條7號仔同新3號一樣，行窩打老道，更加只係做樂富橫頭磡，同九龍塘執雞，
唔係話好好客，但係尚且夠客做到8-15分一班。
新3號可以做到慈雲山同彩虹道，我唔認為新3號的潛力會差過而家條7仔。

原帖由 dippy 於 2012-1-31 21:59 發表 http://www.hkitalk.net/HKiTalk2/images/common/back.gif

從另一個方面睇, 依家無車由樂富出旺角
新7號就可以由樂富出旺角了
而且舊7由樂富loop完去到BU既時候
坐地鐵可能已經過左太子
咁到底你坐緊舊7既人係要快定係要坐車呢?

而新7A雖然唔夠地鐵快, 但漆咸道同梳士巴利道一向都好多巴士棒場客
7A亦同時提供廣播道去樂富既接駁服務, 已經比208多客
初期仲可以用單層車, 進可攻, 退可守
差極都唔會頹過208.

而家坐緊7號班人當然唔係貪快，但係至少7號出到油麻地佐敦的速度係合理。
佢地唔貪快，唔代表佢地一定接受到要再多花10-15分鐘塞旺角。
每樣野都有個限度，而家佢地去油麻地佐敦坐緊7號，
唔代表日後佢地會坐條經旺角的新7號。
呢個世界從來唔係黑白二分，唔係話佢地接受到7號比港鐵慢
就代表7號再慢D都無所謂。

另外，漆咸道一帶的人流點都少過彌敦道。

原帖由 dippy 於 2012-2-1 01:47 發表 http://www.hkitalk.net/HKiTalk2/images/common/back.gif
既然係咁, 不如一開始先救24, 到時再考慮開25
因為難保有一日會起條行人通道出黎
其實行落山唔係太辛苦, 而且彩福條隧道設計唔差
但巴士站點就唔多好
所以先搞24似乎係比較多人接受既走線, 同時搞完即使頹, 都只係繼續頹落去
無乜損失

其實我一直都強週，抽24去開25係最好做法，
我抽3C/9/203E果組，純粹係抽24以外的另一後備方案。

彩德條隧道行落山都OK，但係本身幾斜，行上山就真係……

原帖由 dippy 於 2012-1-31 22:12 發表 http://www.hkitalk.net/HKiTalk2/images/common/back.gif

仲有一點係九號一直都係用大載量既車多
以前用3AV->3ASV先再增直
根本係有客, 淨係黃大仙+彩虹道已經餵飽左9+203E兩條線

9號仔係彌敦道流水線入面客量比較差的一條，沿路的確有大把替代品，
更加係咁多條尖碼線入面客量最差，當年有傳聞話9號同51、70並列五大蝕錢線，係咪事實就不得而知。

原帖由 S3BL100 於 2012-2-1 01:39 發表 http://www.hkitalk.net/HKiTalk2/images/common/back.gif

25都有好多種行法，萬一彌敦道無quota的話，大可以跟24，
太子道西左轉洗衣街，右轉旺角道，左轉西洋菜街，左轉亞皆老街，
或者好似dippy建議 ...

首先，「平均約10分鐘有車搭」、「四彩有大量交通服務選擇」，都係客觀事實
另外究竟行三個字先有車搭係咪只係少數人，有以偏概全之嫌
你有無實際行過先，我有理由懷疑你只係道聽途說

其次，你將條線改行內街，唔行彌敦道只係避重就輕
TD設立quota既原意係減少塞車，咁你從來無解決過呢樣野

還有，用超過十年前既啟業麗晶比較，係未能反映現時四彩既實際情況
充其量只能夠作為參考