太感動了!!!!

原帖由 LY7610 於 2012-1-29 21:38 發表
你鍾意點影係你既事..我鍾意點影係我既事,,
我吾會阻止你去影,,只不過我都係個句,,唔係zoom得遠就叫長鏡相~
而且D相我係今日(29/1)影。

長唔長鏡同幾時有咩關係?

edhong o既相都唔叫長鏡，係咪要租直升機影鳥瞰圖先叫長鏡?

原帖由 LY7610 於 2012-1-29 22:04 發表
對不起,,我唔係..我係用450D+55-250

"窮人三寶" zoom得太盡成像化開晒仲核突過「短鏡」

ps: 由於唔同人對幾多焦距屬短鏡，幾多焦距屬長鏡有唔同定義，因此要用引號

原帖由 hr1918 於 2012/1/30 08:14 發表


最近東鐵開餐事件，大部份香港人都唔會話個四眼哥哥無事生非
個原因係因為本地人對大陸人積怨已深，少少事都可以引爆
情況其實同而家一樣
有班長鏡人鍾意企到無雷公咁遠，前面有人，不論是人是車，
就亂發炮老老豆豆問候人， ...

我認為除「長鏡人」遠因外, 近因其實就係樓主以「標題黨」方式寫一個「太感動了」加四個歎號的標題, 站友並唔能夠憑標題知道相片影什麼, 見如此「煽情」的標題, 為人帶來過高期望, 以為有咩驚世傑作。Fine, 龍蛋行 63R 係幾吸引, 可惜又唔係搶閘第一張, "龍蛋行 63R" 更加已經近乎被大家 "洗板" 式張貼, 大家對佢興趣已經大減, 加上相片質素未如理想, 合理期望出現落差。

然後就係樓主講佢點樣排除萬難去影到呢張相, 然後又有人告訴他, "其實你唔駛咁辛苦嘅", 佢回應一句 "唔夠長鏡" 本來冇問題, 但又好似夾雜一些「長鏡優越感」的討厭氣味, 令人勾起對「長鏡黨」嘅不滿, 繼而爆發後續的討論。

大家明白影巴士相有時的確係好辛苦, 影到一張好難先影到嘅相的確好令自己「感動」, 但其實感動就係只有你一人而已, 除非你好有文采, 否則係好難將呢種感動感染他人, 反而會惹來人家反問「有乜咁感動先」、「有乜咁巴閉先」, 結果就會變得挑剔你張相, 「影得咁辛苦, 咪又係影啲咁嘢返嚟?」, 結果弄巧反拙。

所以問題出在標題誇張, 內容未能感染人, 其實如果你好地地影張相, 寫個平實嘅標題, 唔好講咁多不能感動人的個人感受, 就相安無事喇。相貼得出來就係眾人的事, 雖然個人感受唔係唔俾講, 但都要注意你是否能令其他人跟你相同感受囉。

原帖由 JH3385 於 30/1/2012 00:20 發表
只能同樓主講︰技術未到家，幾長鏡都無用

也可以話攝影無"即食",有負出吾代表有回報
如果用影巴士既攝影心態去影生態就簡單得多

原帖由 2500 於 2012/1/30 10:46 發表


也可以話攝影無"即食",有負出吾代表有回報

同埋最重要係攝影對觀賞者來說, 係一門不問付出, 只問回報的玩意。人家一般見你的相片只會憑你的相片本身好與不好去評價, 唔會理你背後張相係幾辛苦、幾難得至影到。相片影得不好, 技術不好, 幾辛苦影返來都係冇用。

所以, 影相者自己宜平衡付出與回報, 兩者要合乎比例, 付出過多回報過少, 則苦了自己, 話俾人聽又會俾人笑。

假如一個影相位, 又有高的車阻人阻風險, 又食欄食柱, 背景又唔係好吸引, 如要用長鏡又增加手震鬆郁矇機會, 再加上目標巴士如果比較難遇上, 失敗一次未必再有機會補飛, 考慮失敗機會率, 係咪應該搵個易啲嘅位影, 等自己好過啲呢。

原帖由 syp 於 2012-1-30 10:02 發表


我認為除「長鏡人」遠因外, 近因其實就係樓主以「標題黨」方式寫一個「太感動了」加四個歎號的標題, 站友並唔能夠憑標題知道相片影什麼, 見如此「煽情」的標題, 為人帶來過高期望, 以為有咩驚世傑作。Fine, 龍蛋行 ...

我只不過係想分享一D個人感受,, 並無惡意。
而且我亦都冇不斷話其他版友D"唔得"..等,,我都係將自己既意見所映出泥。
我知道攝影係好主觀既嘢,,可能我對長鏡既定義有D誤解,,只不過其他人小小的意見都不能接受,,要係度不斷討論長鏡定唔長鏡,,會唔會有點兒那過呢~

原帖由 LY7610 於 2012/1/30 11:19 發表
我只不過係想分享一D個人感受,, 並無惡意。
而且我亦都冇不斷話其他版友D"唔得"..等,,我都係將自己既意見所映出泥。
我知道攝影係好主觀既嘢,,可能我對長鏡既定義有D誤解,,只不過其他人小小的意見都不能接受,,要係度 ...

我唔係話你有惡意, 亦冇話你話人啲咩唔得。

我只係指出如你做了 A, 其他人就會出現反應 B, 我冇話做 A 係啱定係錯, 亦冇評論反應 B 係啱定係錯。你如果唔想其他人出現反應 B, 你只能夠唔好做 A, 除非你係神級領袖, 有改變他人固有思想嘅魅力人物。

呢度都算一個社會縮影, 在社會裡你唔係一個人可以獨立生存, 一個人要學習同其他人相處, 了解自己做什麼說什麼會令其他人帶來乜嘢感覺。除非你可以一個人生活, 做乜都唔駛靠人, 否則以上事情你一定要認識, 一定要接受。而家有啲人成日感覺自己懷才不遇, 例如寄幾百封求職信都搵唔到工嘅碩士高材生, 可能就係衰呢啲。世事唔係你話 "冇惡意", 或者冇犯規等等, 就如你所願的。呢啲叫做 "人情世故"。

原帖由 LY7610 於 2012-1-30 02:07 發表
你唔好逃避問題,,答左張相究竟較似金字塔定棺材先.. 你答左咪知點解lo...

你比既定義好似唔係以似金字塔定棺材黎決定個張相長鏡與否喎...
講真, 就算你呢個所謂超級長鏡位, 如果你踎低影加禁遲個快門, 一樣會影到成張金字塔架...

原帖由 petcity 於 2012-1-30 21:29 發表
點解我話付出唔一定有收穫，以我黎講
張相好靚咩？唔係，好差？又唔係，但
未至於影到叫好感動，至少佢張相我真
係冇感動過，又或者sorry，我真係唔會
用咁多時間，至少而家係，同一個位咁等

而扭曲攝影意義，又要sorry囉，我唔明究竟
影一 ...

用呢個標題從來冇要你感動,,係你諗多左。
大家追求既嘢唔同,,可能你覺得只要影到部車就得,,對自己對張相一D要求都冇..
可能你誤解D意思,,呢度從來冇人話要「鬥長鏡」!
只不過發表自己對影車既觀點與角度既討論~
無錯! 點影大家有自由 ,,你亦都有意見自由~ 但你要用「你窒我我要同你鬥返夠本」既心態係度討論,,我冇嘢好講!!
向你發表唔同既意見就叫窒你~ 咁同"向你解釋就叫鄙視你" & "問你攞小費即係打劫你" 冇分別 !!