【分享2】的士終極挑戰！上水華山軍路+登頂成功

上一回講到小弟有一日開的士上九龍坑山頂失敗，但因為只差三百米路程就上到頂，
實在心有不甘，所以小弟昨日早上搭載另一位好友兩人再闖九龍坑山山頂。

而昨天登頂成功，小弟便再下一城立即前往聞名駕駛難度極高的上水華山軍路，
昨天真是很幸運，開著一部已經有11年車齡的殘破Toyota Comfort的士，
全部道路均能「1 take pass」，最後平安回到山下！

昨天(2/4)早上，小弟先以九龍坑山路作試驗，如這次能成功上頂，便會前往上水華山軍路作終極挑戰


最後成功登上九龍坑山山頂


安全返回九龍坑


接著駛到上水華山軍路虎地坳入口，作終極挑戰前的準備


戰戰兢兢駛上這條路，而所謂的戰前準備，就是用幾層報紙包著易刮花部位


上水華山軍路99%路段絕對只能夠一架車通過


去到路程接近一半，我同架的士真是要休息，順便與好友欣賞風景


回望走過的路


後面便是深圳市，而大家可看到華山軍路是沿山脊而建，可見該路的斜度。。。


繼續行程，上水華山軍路的大上大落和超斜路段


點解我會用報紙包幾層咁騎呢，其實就是怕會被沿路過長草木刮花車身和倒後鏡


如果想去駕車挑戰該路之板友，出發前請做足準備功夫和三思！


上水華山軍路，不是難在窄，而是難在路面超斜，經過量度，部份路段斜度達1:3


上水華山軍路，絕對是考驗車的性能之餘也是考驗司機的駕駛技術的一個絕佳舞台


行駛此路段，尤其是考驗駕駛者對控制油門，另外也可考驗剎車和轉向技術


最後挑戰成功，平安返回坪輋出口，落到山的一刻心裡的成功感和滿足感也是非筆墨所形容


雖然對部份板友來說上水華山軍路可能也是低級難度，但我自己本身自問駕駛技術一般過一般，
加上當日是開一架只有79ps的細馬力後驅石油氣的士，真是好驚到時死火/壞車/唔夠力或輪胎打滑
上唔到斜等事情發生，萬一發生以上問題真是唔知點搵人救.....


比一個心得比大家，華山軍路上超斜路，真是要一氣呵成，心無雜念地完成，有段超斜路我試過
踩到50km/h衝上去，最後部車也好辛苦用個一波跌速至15km/h先捱到上頂。


補拍：九龍坑山路


左邊路月前試過有的士因為行錯路，加上當時天黑又無街燈，結果衝落54級樓梯


九龍坑山屬於八仙嶺郊野公園




軍營遺跡




其實九龍坑山路況比上水華山軍路更差(路爛和碎石多)，但勝在路面較闊和無太多過長野草，路面斜度亦不及華山那麼跨張！


最後比大家估相，提示位於新界東！


後記：九龍坑山路和上水華山軍路難度差不多，華山難度足5星的話，九龍坑山路難度是4.5星，
而經過今次的刺激旅程後，自己在駕駛技術上也得到不少領悟，而我自己亦接近駕車走過晒香港現有的高難度道路，
而有意駕車前往本文提及的道路之站友，上山前請三思而後行！

PS：嗚謝某好友昨天抽空出席，亦將條半條命交給我，做我呢個傻佬的乘客去行兩條路，Thankyou!!!

多謝收看，歡迎討論！

[ 本帖最後由 volvo_chan 於 2012-2-7 04:46 編輯 ]

最後果張係黃竹洋?

正確.

Wa Shan is really tough



[ 本帖最後由 komodo 於 2012-2-7 21:37 編輯 ]

成日覺得呢d路唔係車行...有車行感覺怪怪的

華山上次上到咁上下就放棄，因為同行友人覺得危險所以調頭落山...
....估唔到師兄可以行足全程 佩服！

想了解下車速大約幾多同用幾多時間走畢全程?

以我來說，行下停下，用了一小時

樓主下次不如挑戰一下的士既極速啦(聽過有紅的係北大嶼山公路開到190km/h,我估計應該係泥鯭的趕住出市區接客)

原帖由 HE7921 於 2012-2-9 22:19 發表
樓主下次不如挑戰一下的士既極速啦(聽過有紅的係北大嶼山公路開到190km/h,我估計應該係泥鯭的趕住出市區接客)

教人做犯法野