北角電車撞巴士意外十三人受傷

原帖由 herman15hk 於 2012-2-20 01:41 發表

電車司機手車可以好兩極
係燈位衝到去的有, 慢慢碌到紅燈的都有
正所謂一樣米養百樣人

但係唔該唔好一竹篙打一船人,講到個個師兄都不惡不赦
好似你之後見果部18
未必係怕左電車,可能咁啱係個禮讓的司機

平日都唔少車泊係英皇道東行搞到巴士唔夠位行要走入電車路
依我所見大部份巴士都唔會突然抽出去...
反而試過幾次都係電車隊私家車尾

無可否認，行行渣車係有咁架啦，電車，巴士，的士，小巴等都有人死抽有人碌車 ? 唔出奇
所以咪話，電車司機同巴士司機好多係自己友，都係同一陣線，打工渣車者.. 邊個想撞
好多時我都見電車巴士互相禮讓，呢樣係真
認為電車今次有心撞巴士既人只可以講句無奈
次次緊急關頭下都停到救到車避免到，呢個世界就無"意外"
係咪怕左都好，你要 cut 去電車前面就當然要判斷電車讓唔讓你先，切線基本步驟

原帖由 herman15hk 於 2012-2-20 01:54 發表

跟據樓上師兄所講,部新巴可以抽頭出去再同部城巴平排停低
其實所要的時間我諗都唔少
部電車撞到個頭咁電車車速應該都唔低

係呢件事上咁多未知因素我就唔會咁快下定論話邊個完全無錯啦

前文我理解錯你前面炒巴士佬 ...

其實講多無畏
將心比己
我唸每一個人有日渣住部載幾十人既車，前面果個仲要系日日路面上的"同行"，即使你知道自己一定贏，你都唔會傻到刻意加速撞埋去
原因唔洗多..一兩個就夠..
你點知咁撞埋去自己會傷成點 ?
衝力呢下應的話可以命都無，好多不確定性
第二，乘客呢 ? 渣車最怕就傷到人，排除法律責任，唔洗賠傷左人自己都唔安樂啦... 係咪 ?
要是專登撞，減慢hi埋去都夠架巴士煩啦，做咩搵命博 ?

電車同巴士當然都有駕駛態度惡劣或者頻頻踩界既司機


不過近年搭巴士同電車經驗所見
近年電車司機手車明顯小心左、防衛性亦高左好多
(聽講係管理層對大小意外都捉嚴左好多，有少少九記咁矯枉過正)
助跑衝閘或者相連路口下借 d 意衝前一格先停燈都少左好多
凡係同對面線停站或者停燈既電車相遇時更大多會收一收
準備好除時有盲毛衝出黎要急停


反而近年巴士司機手車愈黎愈危險
以英皇道東行咁窄同咁唔順燈既環境，巴士抽巴士實在正常不過
尤其十幾年前英皇道巴士站重組後
日頭一向都係 內陸 vs 東隧線互抽、紅隧線抽其他線、北碼車係站尾落完客抽其他線
(夜晚就全世界都咁快)
本黎係安全情況下
又實在無理由明明唔使停站都要跟著排巴士隊
基本上英皇道上大部分專利巴士同電車司機一般都識得呢 d 不成文既"優先權"


只係近年新入職巴士司機質素每況愈下
有可能係積落以前做其他運輸行業既駕駛惡習
但又未夠技術做到快定安全
變相好多時遠遠去到見到有巴士車龍就即刻抽出去
去到人地面前見到人地上完客又即刻急剎俾翻人出
一架車位都快唔到之餘
成車客又無端俾佢搖勻晒以為要閃避前面邊架車


好多時搭老一輩既快車手 (巴士)
抽巴士頭係抽得好淡定，望好鏡打好燈之後就保持均勻車速爬頭
以前搭過新巴 81 長毛早更，渣 LA 英皇道東行最高都係 2波中轉 30 左右
(皆因死衝死踩都無用，日頭大部分情況下都唔順燈)
但睇位爬巴士睇得好準，連北角海逸酒店一段咁窄既路都可以均速爬過埋站巴士
新入職個班又想快又要驚
結果成日都係路上面製造危險
有時搭巴士聽老一輩司機閒談下都提到班新仔完全唔識讓邊 d 線既車行先，一味搶位


不過呢個位好似都唔係第一次撞車
淨係電車巴士相撞，呢個位近年好似都已經有兩次
呢個位後一個同前兩個路口有載客車輛相撞都見過最少一次 (不過唔關電車事)
今次撞車位前少少車路收窄(遷就左邊行人路電梯)亦係一大黑點
隔離 d 車成日都踩晒界
搭電車已不下數次要急剎避佢地
再前少少路口盲點位多之餘近年又愈黎愈多人唔怕死跨欄亂過馬路......


至於電車剎車性能問題
電車剎車間歇性差起上黎可以誇張到無人信
有時得車速幾公里但冼轆架車都係會保持該速度撞落前車
大部分人都或會以為係司機發夢無剎車直撞埋去
自己試過最驚險既一次就係今次撞車呢個位
前面盞燈無端端早轉
(英皇道東行交通燈轉燈時間不定，時早時遲，參考同路口平衡既斑馬線人像燈亦未必有用
再有經驗既巴士同電車司機有時都俾 d 燈位玩殘)
司機即刻急剎之餘同時響實長0安，盡力截著右邊路口衝落黎既車
由僅僅 3-4字頭車速，左邊仍屬巴士站既區域開始急剎，
到停定時，架電車已經冼到去前面十字路口
亦好彩右邊路口綠燈開車過黎既的士醒目停低
事後聽該車司機同同事講翻當時情況
提到當時最高已經推到 80 磅風架車重衝前 (比正常剎車力度高出一倍有多)

[ 本帖最後由 HW8373 於 2012-2-19 20:03 編輯 ]

原帖由 38．HKT．138 於 2012-2-20 01:30 發表
你估電車好想撞巴士 ? 佢地幾多係自己友你地又知唔知 ?
大家都係打工渣車，日日朝見口晚見面，再者邊個會想收工前撈野 ? 貪得意 ?

就算贏左，搞到後面同班站長收唔到工，無壓力架 ?

撞左落去上頭唔會召見 ? 無後果 ?
覺得人地刻意撞埋去，唔好玩啦 ..
意外真係逼不得已先發生

呀先生, 你係前面唔係寫班電車大哥想剷堆巴士好耐嗎?
連電車迷都可以有呢種損人不利己既思想
真係難保有電車大哥會做出呢種行為囉
尤其是假如個電車大哥正正就係閣下的話
仲有, 你又唔係現場, 淨係聽班電車大哥吹下水就信到十足
認定電車贏晒, 就算刻意撞埋去都係贏,
你對巴士司機巴士迷咁有偏見, 其實真係無得好討論囉...

原帖由 teddybus 於 2012-2-20 12:06 發表


呀先生, 你係前面唔係寫班電車大哥想剷堆巴士好耐嗎?
連電車迷都可以有呢種損人不利己既思想
真係難保有電車大哥會做出呢種行為囉
尤其是假如個電車大哥正正就係閣下的話
仲有, 你又唔係現場, 淨係聽班電車大哥 ...

點會冇姐?

即係當巴士佬都可以分線分廠既時候,
點會唔會有堆電車佬想剷巴士?
我睇唔出關思想咩事囉,
佢講事實姐...

只係話有幾多呢D人存在咁解

大型路面載客運輸呢行,
尤其巴士,小巴,村巴,電車,
乜野人都有,
有D係本身係轉過行,
雖然大多數都唔會有惡意既,
但係你始終唔會知人地諗緊乜架...

小弟今日從相關車長口中証實
肇事車長已經被解僱
而電車司機估計亦不能倖免