唐豬, 你還算是男人嗎?

原帖由 053h4 於 2012-2-29 23:29 發表
特權法查梁生，好戲即將上演

之前 HENRY 起電台兩度插 CY
火藥味已經出哂面 ~

而家班人上哂北京面聖,
北京而家有乜風吹早動我諗香港個幾位人兄都好關注 ~

呢 D 大龍鳳一日未到大結局都日日新鮮 ~

原帖由 ATR101 於 22/2/2012 01:15 發表
咁多事非,唔應該出O黎選啦

咁都無得講，香港通常有咩人利益大到要代表？
候選人嘅嘴臉，同佢哋係為咩人爭取或維持利益有好大關係。

原帖由 AVD1 於 2012-3-4 18:57 發表

之前 HENRY 起電台兩度插 CY
火藥味已經出哂面 ~

而家班人上哂北京面聖,
北京而家有乜風吹早動我諗香港個幾位人兄都好關注 ~

呢 D 大龍鳳一日未到大結局都日日新鮮 ~ ...

咁樣唔好咩？建制大分裂, 醫番都哂藥費,
本來泛民大分裂, 慢慢最激進個派邊緣化到消失,
半個建制變反對派, 邊個上場都有一半面阻阻。

水至清則無魚, 搞一搞, 建制沒有永遠的朋友,
對香港政治發展未嘗冇好處

原帖由 053h4 於 2012-3-12 00:39 發表
建制派都分所謂愛國同忽然愛國，本來就唔同道
枱戲未完，一個比人話狼，一個背後班人狠到無人有，擺明就為土地利益同剝削中低層利益無野做唔出

根本香港都無得救
例如係口中話霸權宣戰，面對走資論差唔多沉默一樣
...

學另一站友話齋，革命啦

當整個頂頭系統都係落伍不堪的封建遺毒、一套殘民以自肥的權力架構，
小小香港係無可能出到一個清如馬英九或蔡英文的白馬王子／白雪公主。

正如林燕妮在專欄有講，上到北京，
人地叫佢講香港百年滄桑，佢話香港殖民地時代根本無滄桑。
我補充：就算話以前有貪污或生活環境唔理想，
但這些問題同樣係在英治期間解決左。

我都話香港根本係由所謂回歸後開始衰敗，
因為上面鬥生鬥死之後同世界脫晒節，
根本無能力管理好早已同國際共呼吸的香港。
董建華同曾蔭權係兩個極端，而家唐梁都係兩個極端，
佢地死鬥爛鬥係幾心涼，但就算係泥漿摔角也好、鬥雞鬥蟋蟀也好，
心底裡係這個爛制度令我在其他先進國家的人面前抬唔起頭。

香港被中共收回之後的確係倒退，因為所有甜頭都只係向世界展示中共有能力、為面子，
而唔係真心想香港好，除了仙遊的元老之外，根本無人讀過香港這本書，遑論讀得懂。

原帖由 053h4 於 2012-3-12 00:39 發表
建制派都分所謂愛國同忽然愛國，本來就唔同道
枱戲未完，一個比人話狼，一個背後班人狠到無人有，擺明就為土地利益同剝削中低層利益無野做唔出

根本香港都無得救
例如係口中話霸權宣戰，面對走資論差唔多沉默一樣
...

言下之意即係有人玩殘隻狼 ?

講真個句, 呢次上海仔事件起兩位人兄 o既回應方面我不矛置評,
不過好老講一見到佢地兩個回應我真係會笑得出 .......

最好笑 o既就係粱營個邊支持者阿劉生,
一開始可以話咩因為北京高層而知道呢個上海仔有唐營 o既黑材料 (基本上呢一句已經踢爆究竟狼有冇收黑材料, 加埋特首選舉北京究竟有冇起背後做小動作; 事先我地要知道原本係冇人講到出口, 一切只係香港人心入面知道架姐, 竟然呢合人大代表可以咁樣講出口, 你話丫 ......) ~

再之後到而家,
兩邊死口唔認, 鄉議會又唔認,
問題係呢單野唔可以話一句唔知就可以了事, 即管睇下呢鋪佢地點樣出黎解畫好過 ~

原帖由 053h4 於 2012-3-13 10:58 發表
不過咁, 反正商家都覺得香港工資高, 先係職位外流, (施永青星期日城市論壇講過所謂香港人工比菲律賓, 拉美等高)
產業空洞化的主因, 租金上升係無關係
所以就算工資中位數, 平均數低過2001都好, 直頭連酒樓部長都有商人入紙打算輸入外勞, 重有咩好爭?

有冇搞錯呀，同菲律賓、拉美比？
咁香港又係咪同菲律賓、拉美一樣，
明目張膽貪污、瀆職、警匪一窩、市民惶惶不可終日、打風時貧民窟會冧樓？

施生我都唔知佢諗乜，好似香港冇窮人、冇人低學歷咁。
家陣佢唔係純粹商人，有辦報有寫評論，都算係個傳媒人，
對社會有影響力，講野要負責任好喎。

申報：我一向唔睇城市論壇，am730都冇拎半年。