唐豬, 你還算是男人嗎?

原帖由 053h4 於 2012-2-17 14:57 發表

或者咁講啦, 唔熟三國歷史啦, 諸葛亮好叻
但劉備同佢個仔取態唔同, 決定左呢個"叻人"的命運

叻, 唔代表無領導能力
一個人唔掂, 身邊的人再叻, 佢都只係謀士, 結果差異超大
可況, 根本商界就係狼虎之地, 唔係春秋戰國以君為本的謀士制度

一個政治領袖, 我個人最重要係領導能力, 感染力, 領導能力包括危機處理, 我真係唔覺得唐生有

而家暫時兩個ASSUMPTION, 得梁唐...所以大家都話..就算唐幾廢都好..因為唔想要梁, 焗著話要唐..
唔等於大家覺得佢有能力..只係相對地OK..(Comparatively ok but not in absolute terms)

當然, 如果彈多個中央OK, 大家都受既人, 呢兩位即時收工..

而家有兩位阿太係屬於呢類...大家放長雙眼睇LAW..

原帖由 edhong 於 17/2/2012 15:17 發表

不過我更加知蠢人會死得快過壞人
商場(政場)如戰場呀 ...

唔緊要... 到時 touchwood 如果大家真係被土共
搞到家破人亡，我會喺地獄門口等大家...

講起「叻人」，其實上面揀卒都真係幾難揀。

以前英國有成個國家、海外多個殖民地、海陸空軍培訓人才，
尤以戰後，某人做得港督已經積累了不少經驗及人脈，
而英國亦有百多年與本地華人交手的經驗，
vertically或horizontally港督都有很多resources可以用，
有很多人可以出謀獻策，再者英國人對香港沒有民族感情的包袱，
上頭亦沒有太多order，可以放手任搞。

相反回歸後特首的培育地只有香港，一個人做特首之前無可能做過相似的職位，
即係同時要管住一班人而又要決策處理突發事件的職位，如市長、高級軍人等。
基本法限制了中共無可能派一個現任高級有經驗人士來港做特首（要住滿香港廿年），
無論任何人做特首，佢都係全無管治經驗，會有自己的盲點，難以平衡各方利益。
我唔係鼓吹中共正式殖民呀，只係話就算佢有心做都做唔到，
看似威權的officialdom連攔住梁振英都攔唔到。

其實最相似的已經出過：
董建華（公司業務、行政局非官守）、
曾蔭權（高級公務員），但都係各有問題。

結論就係，特首要處理的事務和港督相似或更多，
但係人才pool同培訓的渠道比港督少，不論有無普選，
都註定唔會得出一個如港督般強勢有眼光的領導人出來。

[ 本帖最後由 DIH 於 2012-2-17 15:34 編輯 ]

原帖由 053h4 於 2012-2-17 15:15 發表


無領導能力, 無決策能力, 無危機管理能力, 個人行為多方缺失根本唔應該選
二選一都係咁話

咁樣焗著要選都唔會要佢

不過, 如果你覺得香港亂像現任政府完全無關, 或者完全同過去有關, 呢個我係唔認同

一個退休心態, 得過且過的人做特首, 咪同港台空降一個公務員完全無分別
http://commentshk.blogspot.com/2011/11/blog-post_9379.html
而現在的情況, 根本同呢編文章形容港台一樣, 恕我直言, 唐生的心態, 只會更差"......，而行政府部門之實，一切規章先行，程序正確，一個一個節目(政策)將會出現微妙的變化，保證有醞釀、有研討會、由下而上，處長(特首)兵不血刃，樂觀其成。不過，這樣一來，公共廣播(香港大勢)的氣運已盡，不數年便成歷史(被內地取代)"

1. 我諗我同你諗法好唔同..我寧願唔亂改, 都唔想有人亂咁來..
2. 我其實會覺得AO做廣播處長唔一定係壞晒.. 資源分配, 以致帶不同的思維去不同的地方, 無論是從外而入港台,
還是港台的一些運作模式/文化帶返入政府其他部門. 都可以有利. 再者..又唔係廣擋處長話晒事..係成個管理層一齊
決定..我會覺得..單方面覺得AO做廣播處長有問題/ 影響港台獨立性既..較為短視.. 要做到咁獨立, 不如直頭獨立/私有化左佢..好似BBC咁~

原帖由 053h4 於 2012-2-17 14:57 發表


一個政治領袖, 我個人最重要係領導能力, 感染力, 領導能力包括危機處理, 我真係唔覺得唐生有

難道個隻狼有 ?
講危機處理, 如果真係醒小小就唔會無啦啦走去搞星島啦係未 ~

上面都講緊二選一,
要一個有野心定係要一個蠢,
講真我真係要後者都唔要前者,

又或者到時成個政府真係比香港人話哂事,
香港人一上街, 條友又搞唔掂結果就係要妥協,
有野心個位, 不敢想像佢可以做乜出黎 ~

原帖由 DIH 於 17/2/2012 15:27 發表

結論就係，特首要處理的事務和港督相似或更多，
但係人才pool同埋培訓的渠道比港督少，不論有無普選，
都註定唔會得出一個如港督般強勢有眼光的領導人出來。

其實調返轉頭，香港而家係咪應該最需要「無為而治」？做乜係都要「管」呢？