大家認為那位會擔當下屆行政長官

原帖由 stevenlim84 於 2012-2-23 10:45 發表
曾生今次唔知食錯咩藥，向傳媒自爆，你話返深圳住，冇人會知你係租定買，更加唔知你住喺深圳邊度，自己將地址公開，害死富豪同自己。

其實陰謀論D, 佢可能係"犧牲小我完成大我", 呢個時間, 東方先爆料, 曾生又咁講野,
似乎係為塘塘的新聞解圍, 塘塘即刻少左好多人提...

唐營我覺得係曾生連任後嘅延續，鍾意維「穩」嘅，繼續富豪話事時代。有時一D所謂嘅香港做法、價值，根本係有D大財團整D規則，防止新對手落場競爭，出去同其他地方比較的話，就會發現香港有D唔合理／過時的規則。

原帖由 3ASV196 於 2012-2-23 15:50 發表


其實陰謀論D, 佢可能係"犧牲小我完成大我", 呢個時間, 東方先爆料, 曾生又咁講野,
似乎係為塘塘的新聞解圍, 塘塘即刻少左好多人提...

所以我未話都唔知係唔係有人想轉移視線

又或者曾生見到唐唐呢個人辦,
怕而家唔自爆, 遲早都比傳媒踢爆,
係咁自己出黎講左先 (實情而家都已經衰左), 最小到將來都可以死雞撐飯蓋話係自己講出呢件事 ...

從唐生尋日對競選團隊的公開信可見，原來香港的核心價值係：
在職僭建、背妻獵女、奢逸荒淫、明知故犯、砌詞狡辯

唔好話佢的婚外情同「誠信」無關。
一紙婚書都係合約，亂搞婚外情，一個也好一百個也好，
都係背棄了山盟海誓（不誠）、辜負了愛他的人（無信），這不是誠信有問題又是甚麼？
我唔理你地兩個係咪夫妻不和諧，唐太係咪放任你，總之表面證供成立，不忠就是不忠。

我當真係梁振英爆料，係呀佢係辣呀，但若要人不知除非己莫為，
你唔係有張「漂亮的成績單」人地又有乜好講？
又唔見建制集團眼中釘黎智英變成黑蘋果？

想短期內拉返民望？
果然如譚校長所言，佢智方面比較弱，
而家你唔係一時政策失誤損害部分人利益而得罪人，
而係你成個人格有問題，江山易改品性難移，
一直以來對外笑笑口，以為係蠢嗟，原來背後如此失德，重諗住瞞天過海，
竟然厚顏無恥到話婚外情陸續有來，真係completely rubbish！

民望唔係建基於你踢爆到對方幾多黑材料或者你個政綱派到幾多糖，
而係整個人在公在私在明在暗的處事手法同心態，佢而家簡直連天真嬌都不如，
一次不忠百次不用，無論我有冇選票，此無賴已在我心中除名。

我唔係話支持對手邊一個，而係唐英年呢位人兄本身根本不配領導香港。
就算將來你踢爆到對手的甚麼，也不代表你自己的民望會升，what an idiot。

今次真係拍手稱慶喇，
京官成日話有人勾結外國勢力破壞社會和諧離間人民感情，
而家睇下今日的亂局係邊個(眾數)造成、係如何造成！

[ 本帖最後由 DIH 於 2012-2-24 10:07 編輯 ]