全球十部短豪終於退役

原帖由 franco26 於 2012-2-25 22:31 發表
短豪呢....全世界仲有一千幾百架都唔只
城巴呢十部特別係在於三條軸囉

其實九巴ASV 都係短豪, 又係三軸, 都係獨一無二

講真架........
全世界真係得10部架炸.....

原帖由 franco26 於 2012-2-25 22:31 發表
短豪呢....全世界仲有一千幾百架都唔只
城巴呢十部特別係在於三條軸囉

其實九巴ASV 都係短豪, 又係三軸, 都係獨一無二

城巴果十部短豪除咗三軸之外,更要有選擇架
一就得一個油缸行十幾個鐘,但係要返廠補油之後先至再行得.
假設我係城巴公司,買咗得翻單門三軸短豪係執到寶啦
重要係唔係低地台...


相反,ASV都係3軸,但係低地台車來,設計都唔同啦

原帖由 3357。KS8450 於 2012-2-25 22:52 發表


遲下就知喇
講"退出載客行列"會好D
如果唔係好難有彎轉

說不定會有機會"繼續載客行列"呢
有時d野真係話唔埋~~

[ 本帖最後由 dubai 於 2012-2-26 01:11 編輯 ]

原帖由 ANDY5520 於 2012-2-26 00:36 發表



城巴果十部短豪除咗三軸之外,更要有選擇架
一就得一個油缸行十幾個鐘,但係要返廠補油之後先至再行得.
假設我係城巴公司,買咗得翻單門三軸短豪係執到寶啦
重要係唔係低地台...


相反,ASV ...

城巴買單門短車, 是為了配合當年赤柱路線的營運需要, 因為當時第一批在1993年9月1日開始營運的所有赤柱路線, 往赤柱及淺水灣方向均改用落車付費的形式, 改成單門方便車長查看乘客付款, 另一方面是Olympian的油缸位置致不適宜安裝中門.(還記得城巴在1995年9月1日接辦73線時, 並未即時改用落車付費的形式, 就是因為坡柴的雙門設計, 後來改用短陣空調巴士才改為落車付款模式)

當年城巴急需要一批短車行赤柱路線, 佳美道未通赤柱前, 都要經赤柱峽道出入, 但赤柱峽道不容許11米以上巴士行走, 所以城巴在1992年問九巴借左架圓頂寶試完, 以及樣版的#205試完之後, 就向富豪車廠購入第一批33部Leyland Olympian 10.4米三軸巴士, 但33部要應付赤柱路線可能有點不足, 加上預計空調化後會有更多路線需要用短車行走, 所以在選擇不多的情況下, 向富豪加訂了10部短Olympian, 但由於當時富豪的Olympian已投產, 所以這十部後加的Olympian都是富豪底盤.

當然在加訂10部短Olympian同時, 城巴亦向丹尼士訂購了第一批共20架短龍, 亦因赤柱路線的營運需要而選用單門設計.


到設計短版本的B10TL(即超豪)時, 已將油缸一分為二, 根本與90年代初期富豪/利蘭設計的短三軸Olympian的設計各不相同.

其實係香港運輸署要求雙層巴士要三軸先至令到香港咁多縮水三軸巴士 (好似話三條擔令路面負荷冇咁大?)

唔知呢批短豪跟英國果邊有冇唔同
當年富豪為呢十部短底盤加條擔俾城巴, 都可算誠意十足
唔似BENZ 話冇三軸就冇 (不過可能根底盤構造有關係, 唔係話加就加)

十八年後, 而家又俾玩返兩軸雙層
唔駛再煩惱油缸同中門擺邊

其實冇乜誠唔誠意難唔難度
olympian就係頭尾陣冇變, 中間駁幾多H型陣架就幾長
所以成本先比同類車低, 呢個設計到Super Olympian都繼續用
(VSO根本只係換左低地台區果忽陣, 中部到引擎倉同olympian完全相同.認真省皮)
駁少一忽已經可以交貨.反而可能山寨行諗個車身點就過會頭痕少少
但短蘭都已出左街 短豪車身照dup已得.
對富豪來講交呢批車根本冇分別

[ 本帖最後由 cn2661_2d32 於 2012-2-26 04:40 編輯 ]

短豪有兩隻油缸，左右各一，每隻 160L，合共 320L。
短豪頭陣和單門富豪 315/316 頭陣一樣，即利蘭延續落黎的陣距距離，
雙門版富豪頭陣 parts number 不同，頭陣陣距原來真的收窄了。

原帖由 franco26 於 2012-2-26 03:16 發表
其實係香港運輸署要求雙層巴士要三軸先至令到香港咁多縮水三軸巴士 (好似話三條擔令路面負荷冇咁大?)

唔知呢批短豪跟英國果邊有冇唔同
當年富豪為呢十部短底盤加條擔俾城巴, 都可算誠意十足
唔似BENZ 話冇三軸就冇  ...

係香港法例的車重限制問題, 當年兩軸車的載重不得超逾16噸, 以前熱狗是剛剛好16噸出牌的(中巴MB經特別許可除外), 但多了空調機就基本上一定超過16噸, 所以10米車都要有三軸設計.
到Enviro 400出牌之前, 運輸署設了2噸的寬限, 經過特別個別車型許可即可以用貨車的載重標準出牌, 即18噸, Enviro 400及兩軸10米富豪B9TL才可以在香港出牌(但它們的設計都是超過18噸的), 據知這個寬限是有條件的, 尾軸必須使用氣墊懸掛系統(即不能採用一般香港現行的貨車底盤改裝).
再者, 呢個縮水三軸Olympian不是用兩軸加車軸, 而是三軸改車陣而成, 是Olympian既定設計下的其中一個可行的配搭(如無記錯, 3車軸車長可由10.4米, 11米, 12米及13.5米, 而2車軸則是9.5米, 10.4米, 11米及12米)

[ 本帖最後由 gordon 於 2012-2-27 15:39 編輯 ]

原帖由 litevision 於 2012-2-25 23:36 發表
咁係會入訓練車隊啦？

傳聞真係會有短豪入訓練車隊, 代替兩輛前新巴DM

原帖由 gordon 於 2012-2-27 15:43 發表
傳聞真係會有短豪入訓練車隊, 代替兩輛前新巴DM

諗落算正常, 無理由次次去借部E400俾學神用(撞爛左又要整1-2日...)
扣埋留廠維修, 宜家40部E400都算緊緊夠