[7/2 明報]9歲童上學遭客貨車撞斃 安全島過路出事 兄睹慘劇嚇呆

http://hk.news.yahoo.com/060207/12/1l10a.html
唔知大家點睇呢單野呢?!
小弟係香港都成日行呢條路, 都試過係呢條路中過招..個次我就係剛由寶琳路轉落呢條路落, 點知
突然有隻狗衝出來...撞到佢但佢冇事走左...

其實呢條路真係好危險, 亦都要好小心...出事個位d司機成日踩快兩步過埋盞燈的..
條路又多死車, 又窄又斜...但呢條路又係捷徑wo...

至於點解今日先講返呢單野呢? 一來小弟今時今日先打到中文...
二來, 早幾日先知...原來呢單野出事既係我叔婆的弟弟的仔......
哎..真係慘...成家人都...

以後都唔知仲行唔行呢條路好..我媽就話叫左我舅父唔好再行....
看來我都會受此限制的了...

歡迎討論

就算唔行翠林路照行番寶林路落都唔好得幾多.

- 馬游塘彎位好急, 試過好多單D車去左對面線.
- 隱蔽路口有重型車出入
- 茅湖仔個巴士站轉完彎先見到, 巴士出站好難睇.
- 康盛燈位對面線有個右轉袋口位, 好難見到落斜既車.
- 康盛巴士站係個左彎, 好難見到後上既車.

我老豆渣車行舊路返寶林，都會行翠林路落山。
其實成條路既問題真係多多…

1. 由翠林路入口開始至翠林村停車場山上面既入口，都係雙線單程行車，
好多時就吸引到快車入快線趴頭，但係好多唔熟路既司機都唔知道，
過左配水庫之後，快線就變左泊車勝地，尤其到左夜晚，
大車到上到配水庫就經常發生

2. 都係呢個泊大車既位置，呢度係個合法既貨車泊車位，
但係違泊極之嚴重，上至配水庫，下至停車場入口後少少，
搞到翠林路落山入停車場既車去到果度至識急停轉右，
後面既車就多得佢唔少…
（有一兩次我老豆都差D係呢個位隊落前面既車度）

3. 過左呢個泊車位，就到前面一個避車處，
呢度又係成日泊滿車，車尾就到出馬路，落山既車好多時都要抽少少過隔離上山線，
而果個位又係落山右彎位，好難睇到上山既車，還好上山既車去到呢度都會收慢，
預備轉左入停車場

4. 再跟住就係兩個入村既緊急通道入口，成日變左的士上落等客既地方，
班的士佬係呢個位成日話停就停，話走就走，停車又永遠唔會晒架車入去，
情況就好似上面咁，落山既車要抽過隔離線

5. 去到翠林交通總站，出口既位又係黑點，
小巴等車係呢個位轉右出黎都仲會望下落山有冇車，
我老豆話呢個位最怕既，竟然係由果度過馬路既人…，因為係呢個位過馬路既人，
好多時都望都唔望就過，險象環生

6. 去到翠林路既出口，即係寶林北路既交界點，又要留意由巴士小巴落完車既人，
尤其係小巴客，落左車之後燈都唔望就過馬路，
成日遺忘左呢個位可以淨左轉冇右轉，見到快線右轉既車停晒就過馬路，
慢線預備左轉既車因為有少少暗左轉而睇唔到佢地走出黎.

不過上面已經有人提左，唔行翠林路，上面既寶林路/寶林北路都唔見得好好…

原帖由 chickenbus 於 2006-2-16 13:42 發表

4. 再跟住就係兩個入村既緊急通道入口，成日變左的士上落等客既地方，
班的士佬係呢個位成日話停就停，話走就走，停車又永遠唔會晒架車入去，
情況就好似上面咁，落山既車要抽過隔離線

最弊係的士停車等客個位係雙白線，你要越過的士就要在雙白線爬頭．