即日熱狗特見「過三關」(包括JR號熱狗 @ 71S)

今日同教會既小組組員到尖沙咀消防局參觀(因為今日係開放日)，一點半黎到，四點先走，以致原有既影熱狗計劃嚴重打亂，結果原本計劃影既GA2387@36唔能夠成事，補拍GA5505@43M亦因時間問題做唔到。不過，為左要影到兩單重點關注既熱狗特見------GL390@5A同埋JR號熱狗GK9710@71S，不惜付出車費同埋時間既代價，解決呢兩單熱狗特見，順勢解決埋32M既熱狗特見。

第一關：九巴S3V27(GL390) @ 5A


四點兩個字黎到尖沙咀碼頭準備去捕GL390@5A，結果等左兩班冷馬(GZ5940、HN9758)之後，到左四點八個字先至出現，現場仲有幾位巴士迷到場拍攝。

第二關：JR號熱狗------九巴S3V23(GK9710) @ 71S




影完GL390@5A之後就行去廣東道坐271線落大埔，當時係四點十個字，我坐既271線巴士係特見車HS7949，九個字之後就到廣福村。去到廣福村，未落車就已經見到有幾位巴士迷企左o係十字路口準備影車，佢地既目標祇有一個，就係JR號熱狗GK9710@71S。GK9710由富善村開出既時間係五點七個字，即係我落車之後冇幾耐就遇到佢，當時我既目標就係先影門位，結果一擊即中，不過梯位就真係唔係好掂，要等到下一轉車，即18:09既班次開出，我行去大埔墟鐵路站影梯位，影完就坐GK9710@71S去廣福村，o係廣福村街市落車再影多次梯位。其實，如果仲有時間既，我仲可以行去富善村o個頭影71S熱狗，但呢樣打恐怕要到下個星期日先有機會實現喇。

第三關：九巴S3N351(GA1614) @ 32M


o係廣福村街市影完GK9710@71S既時候係六點四個字，咁O岩GX7205@73X開走左。其實跟住要做既就係去葵涌象山村影熱狗，特別係32M線出咩熱狗，結果五分鐘之後，即六點五個字，HS8970@73X黎到，我上左呢班車，四個字之後o係超宜合道可風中學落車，再行過去象山村捕位影32M熱狗。晚上七點廿五分，行走32M線、披上香港飛龍全車身廣告既開龍GA1614出現o係我眼前，雖然情況有D緊張，但最後都順利拍攝完成。

最後，任務完成，坐HA7501@32B出荃灣西站轉西鐵返屯門，返到屋企已經係八點半。其實如果冇去到尖沙咀消防局開放日，其實時間係可以運用得更充裕如埋更妥善既，安排又可以更順暢，可以早D完成任務，甚至可以影埋GA2387@36同埋補拍GA5505@43M。但無論點都好，今次影熱狗特見真係「先苦後甜」喇。

劣作，多謝觀賞～

[ 本帖最後由 3AD172004 於 2012-2-27 00:14 編輯 ]

你要的  GA2387 @ 36





[ 本帖最後由 HR845 於 2012-2-27 17:37 編輯 ]