問大家對三菱Rosa小巴的評價

有時見到大家討論AMS三菱Rosa有幾麻煩，不過想請教大家對其他(例如捷輝車隊)既三菱Rosa有什麼評價呢？

自己成日都會坐到捷輝既Rosa，感覺架車好chok同埋比豐田更快殘，呢d係咪其中一個原因不受小巴公司歡迎呢？但相反旅遊巴市場就好多，好似同豐田一樣咁多人用。

期待大家賜教交流！

渣個1次三菱,低轉冇力....上斜要一波起步....個極力子要長吊....上到中段先好力....唔似豐田車低轉咁好力
另外避震好差....過橋連接位好拋下....過灣好似就反就反咁

架車個感覺比豐田好拋，重心好似去晒車頭咁

大家講到ROSA甘唔好, 但為何對面海由專利巴到發財車到普遍私家小巴/校車, 盡是三菱的天下?

原帖由 blueblue 於 2012-3-9 14:52 發表
大家講到ROSA甘唔好, 但為何對面海由專利巴到發財車到普遍私家小巴/校車, 盡是三菱的天下?

我都同意，但係點解ＲＯＳＡ不受小巴公司歡迎，卻在旅遊巴市場大賣這一點真的不明白。。。。。

Rosa飄？我覺得Toyota果部過100飄好多，Rosa舊車的確情況比較差，不過是保養問題

而保養得好的Rosa整體好比Toyota同期的好，當然Toyota整體上會比Rosa保養得易....

Rosa比較重起圍會軟腳....不過中高速會比Toyota穩定同順，最重要唔洗成日去"磁"Brake

都係果句啦！Toyota最好的原因就成街都識整，Rosa就麻煩D囉.....

而Toyota不幸耐左會有比較多雜聲.......就算保養好都係咁話...

- Rosa高速行車，直路較多時會很穩定，多彎路段，因懸掛軟，車身較搖
- Rosa的安全帶唔夠Toyota好用，必須由頭拉起否則會鎖上，而且拉力過緊
- Rosa的窗比Toyota易開，Toyota的窗新車時已經好難開，用舊了成日開唔到
- 豪華版Rosa的車門比Toyota好好多，Toyota車門砰到對面街都聽到
- 部份Rosa車箱有扶手，比較方便(只是，69系曾經試過甩扶手)
- Rosa的冷氣出風位太易爛
- 引擎實在太好力，但波箱好似配合唔到，手波版本起步好似發輝不到引擎加速力
- 但加速及轉波有明顯改善，越新款越好
- 當5波都去到>90km/h時，Rosa的6波不知道有何用處
- 車箱設計方便司機收錢
- 個人覺得Toyota的前置式回風機，不及Rosa的後置式回風機美觀，車頭壓迫感較重

平時坐開暢通的小巴線，它的Rosa小巴明顯比Toyota的殘舊。
以前坐Rosa覺得佢車廂的設備很「先進」，而家啲窗同通風位都爛晒

原帖由 superay 於 2012-3-12 20:05 發表
- Rosa高速行車，直路較多時會很穩定，多彎路段，因懸掛軟，車身較搖
- Rosa的安全帶唔夠Toyota好用，必須由頭拉起否則會鎖上，而且拉力過緊
- Rosa的窗比Toyota易開，Toyota的窗新車時已經好難開，用舊了成日開唔到
- 豪華版Rosa的 ...

我一直唔明TOYOTA D 開窗掣廿年都唔改善, 放咁高而且用膠做好難開!
廿年前出三代業界已反映.

TOYOTA的日本管理層太固執, 香港到宜家都沒有原裝雙尾門.

仲有就係ROSA頭跨較短，側門亦置於較前位置，車廂空間較易佈置更多座位。
這對於校巴/各類型載客車種較有利。