獅子山隧道往九龍方向現已全線封閉

而家唔係話為自己多條路行慳幾分鐘,
係要而家其他區既人都要陪塞,
除非你話日日好多車走入西沙路囉~

原帖由 Mos_Lok 於 2012-3-9 22:04 發表

但係咁樣橋疊橋整到成十層樓高橫跨城門河, 拍得住博物館屋頂
青沙雖然大規模同多左好多綠色隔音屏, 但係都叫幾貼地, T4起成咁成個景變到好核突
起個段路一點幾公里就用成11億(2009數字), 都可以大概諗到條橋起到 ...

好老實講,
景觀唔可以當飯食,
再講,
30年前有呢個規劃既時候,係咪就一定係註定破壞景觀呢?

唔好話乜野,
青葵公路唔高?
大半層貨櫃碼頭咁高既樓點都有,
反而我覺得如果有咁既計劃既時候,
政府同其他部門點去協調先係重點

蔚景園點都冇30年樓咁耐

[ 本帖最後由 da93 於 2012-3-10 13:53 編輯 ]

原帖由 edhong 於 2012-3-10 13:33 發表


你講到人地自私自利你未又係自私
為左自己多條路行節省幾分鐘破壞其他地方
重要人唔like大可以搬走
你自己看看自己講什麼先喇下
我一講西沙路擴寬6線行車三杯酒一帶填鬼左你就立刻話搬喇
講到個社區唔係你既
破壞了, ...

你呢下咪展示左咩係山頭主義law。

而家好奇怪，一有人搬左去既地方，要起基建仲難過去郊野公園起。
焚化爐又好，天橋又好，濾水廠又好，總之唔準攪到我，理得你幾時規劃，我搬左入去就我大晒咁，可悲。

原帖由 hkbw 於 2012-3-10 16:12 發表

你呢下咪展示左咩係山頭主義law。

而家好奇怪，一有人搬左去既地方，要起基建仲難過去郊野公園起。
焚化爐又好，天橋又好，濾水廠又好，總之唔準攪到我，理得你幾時規劃，我搬左入去就我大晒咁，可悲。 ...

基建野係咁架啦, 一啖砂糖一啖屎,
冇補償就沒有發言權。

起條天橋係面前, 樓價跌生活質素跌,
但條橋就全港各區都用得,
你地食砂糖我就多多屎, 點解要犧牲我成全大家？

以事論事，T4路如果真係起，最高的一段：城門隧道公路東行往城門河，
需跨過城門隧道公路，應該大約係蔚景園最開邊一座的五六樓左右，因為蔚景園下面有蛋糕。
用Google Maps睇，橋體同座樓之間尚有200-250呎的距離。
如果真係要起，亦可以盡量將走線拉向文化博物館，
東西行的預留位唔同，東行分叉較早，可以先拉去文林路頭頂都得。

T4路亦可改為沿住車公廟路建天橋，
到顯田支路預留位匯合亦得，香港大把預留位最後無用到。
若要往城隧就唯有繼續行現有道路。

不過現時始終青沙出到九龍的接駁唔係咁好，唔太多車行。
若唔想經過新城市後面，尚有成運路外支路、積輝街支路及顯田支路上橋。
我個人不評論T4路是否值得興建，及是否必需以原本的計劃興建。

成個沙中線鑽石山停放處可以改走晒都得，重有乜野唔可以發生？

剛才搭38，見到入獅隧塞到星輝豪庭；今朝10:30電台話沙田出九龍龍尾在隔田村。
今日見龍翔道各獅隧線客量沒有明顯下跌。

[ 本帖最後由 DIH 於 2012-3-10 17:17 編輯 ]

原帖由 kwyeung 於 2012-3-10 16:32 發表


基建野係咁架啦, 一啖砂糖一啖屎,
冇補償就沒有發言權。

起條天橋係面前, 樓價跌生活質素跌,
但條橋就全港各區都用得,
你地食砂糖我就多多屎, 點解要犧牲我成全大家？ ...

條天橋唔係今時今日先爆出來。
你決定搬入去時冇睇規劃係你既問題。
而家已經俾糖你食足三十年，應該有既野就應該出現返。
再講得盡d，就係已經俾你地free ride左三十年，而只係討回應該有的東西。

原帖由 edhong 於 2012-3-10 18:07 發表

T4真係有用?條路連接沙田路架現在沙田路唔塞車嗎?咪又係將大埔公路既車龍搬去沙田路沙瀝公路既車入T4咪又係要cut幾條線講黎講去, T4最大得益咪又係馬鞍山D居民

T4最大功能並非方便馬鞍山居民，而係為大埔公路沙田段做分流。大埔北區才是受惠者，特別出九龍方向。同時亦可為獅隧分流車輛到青沙。當沙田路塞到新田圍，駕駛人士就會有直接選擇，使用大埔道或青沙作替代。而家無論是沙田鄉事會路，以致大學交匯處，都經常出現飽和情況，呢幾日獅隧有事，連帶大涌橋路都多左車。起左T4,沙田人冇得益？起碼減少區內車流，冇咁塞車先law.
剛才大埔公路沙田段出九龍又頂到馬場。 有t4,成堆車行沙田路經T4行，邊駛係度塞。

原帖由 hkbw 於 2012-3-10 19:28 發表

T4最大功能並非方便馬鞍山居民，而係為大埔公路沙田段做分流。大埔北區才是受惠者，特別出九龍方向。同時亦可為獅隧分流車輛到青沙。

你所講的情況唔駛t4公路都做到架喎
只要由獅隧公路經紅梅谷路左轉車公廟路上青沙咪得囉, 只係停多兩個燈位o者