獅子山隧道往九龍方向現已全線封閉

原帖由 kiwai 於 2012-3-8 14:52 發表

唔止, 基本上住喺獅子橋以南而窗口望到城門河的居民都反對
因為T4路真係嚴重影響景觀

根本就係有人針唔拮到肉都唔知痛
唔係住喺條橋隔離嘅就講得口爽啦

原帖由 sea1986 於 2012-3-8 15:10 發表

根本就係有人針唔拮到肉都唔知痛
唔係住喺條橋隔離嘅就講得口爽啦

調返轉咁講, 根本係一早有人唔睇規劃, 漠視一些本來應該出現左而又幫到成個新界交通
的建設, 到要實行呢, 就左反右反, 最後就係全新界人為左呢一小撮人的私利而要
付出更多~~

而家大埔公路沙田段已經係鐵證, T4其二~

照你咁講, 當年T7都唔好起, 由得西貢的少眾塞死係馬鞍山就最好~

[ 本帖最後由 hkbw 於 2012-3-8 16:22 編輯 ]

原帖由 DIH 於 2012-3-8 14:36 發表

龍翔道應該行大老山比較適合吧......
平時晚繁都塞到太子，可自行選擇路線的車輛（私家車、的士、貨車等）相信唔會博喇，
唯一無得走係巴士（因為唔係全封，叫做行得，唔會貿貿然改道的），
無車階級應該好多走去迫鐵，九龍塘大塞人都有可能。

大老山隧道下繁都會塞到隔音屏, 再加上去今晚會唔會到九展呢?!
D 大車要佢地行大隧仲慘過乜...如果唔係日日龍翔道慢線都唔會有條車龍去到天馬苑~

反而我又諗..會唔會今晚個個改晒行大隧, 攪到獅隧反而冇乜事, 但大隧就...
都係行尖山/大埔道啦~ 個邊冇咁多車~

原帖由 hkbw 於 2012-3-8 16:08 發表


調返轉咁講, 根本係一早有人唔睇規劃, 漠視一些本來應該出現左而由幫到成個新界交通
的建設, 到要實行呢, 就左反右反, 最後就係全新界人為左呢一小撮人的私利而要
付出更多~~

而家大埔公路沙田段已經係鐵證, T4其 ...

其 實 邊 度 都 有 咁 既 人 ,
就 算 起 左 條 橋 , 之 後 橋 隔 離 起 佐 棟 樓 ,
揀 佐 呢 棟 樓 既 人 去 住 ,
之 後 就 會 話 條 橋 好 鬼 嘈 影 響 居 民 生 活 安 寧 ,
真 係 吹 到 啤 一 聲 .

[OT] 珀麗灣已經係一個 絕頂既例子 ,
投訴機場 飛機升降 有好大噪音 ,
影響到佢地生活 .
心諗 , 機場一早已經係度 ,
你揀呢度住個陣已經會知道有飛機升降 ,
而家先黎嘈嘈閉 , 頂唔順咪搬 .

原帖由 kei_hk 於 2012-3-8 13:49 發表


唔好遺忘要接駁龍翔道

係地圖上睇,將九龍出口左面類似配水庫O既地方搬左,做新獅隧出口,

新獅隧至少比現有獅隧水平低至少廿米,減少車輛上落斜情況~...

將原有龍翔道交匯處獅隧公路用高架橋跨過改為於龍翔道底穿過...

龍翔道方面將分2階段將橫跨新獅隧位置轉為高架橋...

至於沙田入口...可以睇下紅梅谷有冇岩洞可以做收費廣場...,

再唔係東移到沙田頭新村...但大圍車輛要向東走一段路先到隧道...

不過都係呢度講呢度散...

17:07 窩打老道龍尾浸會橋面~ 似乎真係冇得避..大塞車了~

龍翔道就到天馬苑~

路政署指獅子山隧道南行管道須作清理及修復，
單管雙程行車維持，爭取最快星期一才開通南行管道快線...

早上九點半左右係濱景上87D出太子。可能係因為大部份人都有「獅隧-phobia」，客量比平常少，上沙田路既時候樓上仲有幾個窗口位。而同樣因為大量駕駛者轉用其他隧道，塞車唔算太嚴重，情況同平日七八點時差唔多，最終比交通正常時候慢十分鐘左右。不過出隧道既時候望到落龍翔道觀塘方向既支路封左，唔知80/89等線點樣改啦。（定係有巴士要用既時候特登開比佢？）

係隧道入面見到對頭巴士，係幾乎所有隧道都係單管單程既香港，確實係一個特別既體驗，但要係呢一類極度擾民既情況下獲得咁樣既體驗，就太唔值得了。

五點左右坐89X返沙田，就唔覺大老山多左車行

原帖由 Wright---AVW16 於 2012-3-8 17:55 發表
早上九點半左右係濱景上87D出太子。可能係因為大部份人都有「獅隧-phobia」，客量比平常少，上沙田路既時候樓上仲有幾個窗口位。而同樣因為大量駕駛者轉用其他隧道，塞車唔算太嚴重，情況同平日七八點時差唔多，最終比交通正常 ...

89應該都係行浸會經天馬苑後面走。九鐵開左不少特車，大埔起載出九龍。班次明顯密得多

剛剛和立法會議員黃成智(民主黨)通電話，
他指出，明天早上立法會交通事務委員會將召開緊急會議，商討今次事故，
並會要求運輸署安排更多巴士路線改行青沙公路。