配合屯公轉車站啟用, 建議開辦963線(詳細建議見#67)

或者咁，因為2011年人口普查數據未出，咁不如用2006年人口普查數據推算：
為寬鬆起見，我假設屯門及元朗往來中西區同南區全部學生都用963線；
及100%南區往及屯門元朗上班乘客及30%屯門元朗往南區上班乘客；
及50%中西區往屯門元朗上班乘客及5％屯門元朗往中西區上班乘客會乘搭963線作參考。
但以上全部扣除坐／駕私家車的人。

註：由於963線經稥港大學，故假定大部份學生都係返港大；
而中西區及南區往屯門元朗上學人數較少，故用全數去計。
中西區主要上班地點中上環及金鐘都963沒有覆蓋，963最多人用只有西環，半山少許商舖及大學職員，
故5%尚算合理
南區主要工作地點為黃竹坑工業區，路線又唔經，
就算經，繁忙時間相信要約105-120分鐘左右才能到香港仔，俾我老早坐西隧車轉70。
另還有數碼港，石排灣及香港仔零星工作範圍，我則假設30%用量。

唔好忘記，元朗及天水圍諗起屯門公路只係兜路的見解，我都假設佢地好願意坐963。

中西區往屯門元朗上學：150人；
南區往屯門元朗上學：96人；
屯門往中西區上學：1047人；
屯門往南區上學：234人；
元朗往中西區上學：889人；
元朗往南區上學：268人；
學生總人數：北行：246人
　　　　　　往中西區：1936人
　　　　　　往南區：502人

50%中西區往屯門元朗上班：290人；
南區往屯門元朗上班：731人；
5%屯門往中西區上班：606人；
30%屯門往南區上班：347人；
5%元朗往中西區上班：550人；
30%元朗往南區上班：438人。

北行上班總數：1021人
5%屯門元朗往中西區上班：1156人
30%屯門元朗往南區上班：885人

需求數據已經鬆手列明，去到蒲飛路我都覺得算仁至義盡，
蒲飛路去香港仔成8公里路分分鐘載空氣，成本真係.......

大家有眼睇條線真玩野假玩野，我相信大家眼睛雪亮。
唔批評人，不過，樓主犯下一個好重要嘅錯誤，根據貼文規則，你沒有詳列開線理據。
沒有理據，板主可以大條道理拉人封艇。
只怪本板板主不熟讀本板條文。

原帖由 dippy 於 2012-3-13 16:27 發表 http://www.hkitalk.net/HKiTalk2/images/common/back.gif

麻煩儘快補齊內容, 否則只能向版主報告你灌水同離題討論了

我個point只係建議內容根本不設實際，條963好有「帝線」的味道。

其他point，樓上十幾層已經幫我補充晒，不贅。

是但搵返年半前F1板，手指工向下的多過手指工向上的，好多不切實際的建議都係咁俾人扣分：
http://www.hkitalk.net/HKiTalk2/forum-24-12.html

我理解板主嚴限扣分係想保障各位板友，但係我唔相信板主原意係任意俾大家
發表一D一睇都知道係不合實際需求的建議，又拎D子虛烏有既理由死撐。
你話乜就得，人話乜就唔得，咁仲係討論？

原帖由 dippy 於 2012-3-13 16:25 發表 http://www.hkitalk.net/HKiTalk2/images/common/back.gif


你睇番我篇文先啦
我無話東區打唔爆
而係話東區多客得滯
開線唔該睇餸食飯, 無咁大個頭唔好載咁大頂帽
你做成個東區去大西北就算唔用足12米大車, 用部11米車都要架
你揾部單層去行, 個個同你企, 你企得兩次都走哂 ...

九巴冇晒雙層車?
唔識用單層車換雙層車?

況且,963何解會搵到咁多架車俾佢?
68A加得3架都算
雞完66之後都係加一部66M咁大把
開玩笑?

不如你俾下證據點解963都可以做全日?
你話做繁忙時間既都可能得既
需求多定少當然唔係咁易講
但亦唔係冇根冇據
上樓早左步講既人口普查數據可作一例之外
南區既唔係商業購物既地方
而係偏向住宅區
同時間南區同屯門區距離甚遠
要用既時間長而且交通費貴
以上少少既理由都可以推論南區來往屯門區既需求實際上係偏低
當然你可以話以上既推論未必一定正確
但總好只係不斷講有需求有需求同有需求

原帖由 GL3789 於 2012-3-13 22:35 發表 http://www.hkitalk.net/HKiTalk2/images/common/back.gif


假設取消66/263M既條件 係開一條往來屯門/香港仔既路線
而樓主建議既963可以對九巴既收支情況作出改善
已經有足夠的討論空間令樓主既路線作出更合理的修改
當然無呢一方面既假設，呢條線開唔開都無所謂

覺得樓主有 ...

如此假設實際上係好冇謂...
有冇需求,有冇車都可以出post
反正可以大擔假設取消完之後咩事都可以唔駛理
收支又會有改善
小心求證?反正所有決定都係板主身上
最多咪當賭大細

收到站友查詢, 已細閱本帖及所有回覆。

站友已提出大量數據, 證明本帖之提議並不可行,
建議亦 沒列出詳細的建議原因及理據。

現向站友dippy發出注意一則, 日後發表建議須認真考慮可行程度
如有重犯, 定必重判。

F1板主
admin87

你唔好咁腦定住，
屯門元朗人如果坐巴士，點到點要求係最大，
呢堆乘客寧願首選就腳上車點然後即刻用最快同最長時間瞓個靚覺，
你叫佢地去轉車站轉車，等於打斷佢地嘅好夢，睬你都儍．

藍地景峰一帶就話坐你啫，只不過呢一帶只係佔屯門人口15%左右，
元朗天水圍人會唔會同你坐68A去洪水橋或者屯門公路站轉車？
呢堆客都唔知有無10%．

良景屯碼一帶，只有繼續坐960/962系轉970系．
路線越長，班次越唔穩定係成正比，我上到車去到深井先等到你班車，
班次唔吸引，仲要俾你打斷我在車上訓覺時間？

50%屯元區人用你實在太高估．我估極其量只有直接受惠的8萬人口左右，
係我嘅數據10%都已經好畀面．

再加上以每公里運載能力估計，屯門市中心以北及蒲飛路以南運載量都很明顯不足，
即是呢堆路段十幾公里都係運載率低，難聽Ｄ即是嘥油載空氣．

假日你條線又截然不同，乘客會覺得混亂，企係個站牌下面都唔知今日用定假日用，
車長乘客都畀你玩死．
仲有假日，你條線去得海洋公園，但坐到腰痠骨痛先去到，未玩都已經掃興，
你條線快得過96x轉70或629麼？

仲有你用avc黎行，你有無計過要幾多用車？繁忙時間粗略估計行車都要4小時一轉，
用車都要12部，可唔可以講去邊度嘔車出黎？

先生，搭得 66 嘅客就唔係為咗由大興去荃灣㗎
你加落 66M 到都無用
要加就應該加落 57M 60M 61M 59A 60X 260C 到
呢度都食你六部車啦至少
何來 12 架？而且你都仲未計返 31M 960S 等等柯打嘅補償
要新增嘅轉乘都未同你計

[ 本帖最後由 樂仔〞 於 2012-3-14 17:37 編輯 ]